Arali vha tshi kundelwa u langa mbiti dzavho, muḓivhi vha zwa mutakalo vhane vha wanala fhaḽa ḓoroboni ya Ṱhohoyanḓou,Dr Vho Lutendo Samson Muremela,vha ngavha vhe na phindulo dza zwine ndi kale vha tshi zwi lila. Vho ṅwala vha anḓadza bugu yavho ya Words of Wisdom on Anger, ine yavha na ngeletshedzo dzavhuḓi khayo.

Ramuzika wa muzika wa sialala wa Tshivenda Fhatuwani Richard Mashele ndi munna ane o takala vhukuma. Izwi ndi ngauri aḽibamu yawe yau tou thoma ya Tshivenda ndi ine yo nangwa kha pfufho dza South African Traditional Music Awards (SATMA) naṅwaha.

Zwi tshi tevhela u khethwa ha Vho Owen Da Gama sa mugudisi muhulwane wa thimu ya Vondwe XI Bullets FC, Vho Da Gama vhari vha na fulufhelo loṱhe uri thimu yavho iḓo swikelela zwinzhi fhasi ha tshanḓa tshavho. Mugudisi wa kale wa Highlands Park vhovha muraḓo wa ḽigi ya ABC Motsepe vhege mbili dzo fhiraho.

U aluswa kha vhupo ha mahayani fhaḽa Tshidongolwe kha vhupo ha Thengwe a zwingo thivhela Vho Tshiathu Ishamael Ravhura khauvha na ndoro dza khwine. Vho zwi limuwa vha tshe muṱuku uri pfunzo ndi yone khono yau vula zwikhala zwa khwine vhutshiloni, fhedzi zwa vha dzhiela minwaha minzhi uri vha kone u swikelela khau wana vhudokotela ha pfunzo.

Mugudiswa we avha o sinyuwa wa tshikolo tsha nṱha tsha Ṱhohoyanḓou Technical High o ḓou vusa ruvhuruvhu fhaḽa tshikoloni, he a ḓou swika khau tshinyadza tshiendedzi wa mudededzi nau ṱhasela mune wa moḓoro.

Ho tou sala maḓuvha asi gathi uri ḽiṅwe ḽa mabepha mahulwane ḽa ṅwaha na ṅwaha kha vunḓu ḽa Limpopo, ḽine ḽa amba zwinzhi kha lushaka lwa Vhavenda, Phalaphala FM Royal Heritage Festival, hune ramuzika a ḓivheaho wa muzika wa Tshivenḓa Phillip Nephawe ari ono lugela ḓuvha iḽi. Phillip ndi ane a ḓivhea khwine nga ḽa Mutendas luvhanḓeni kha nḓowetshumo ya muzika.

Muṅwe wa Vhaṅwali vha kale vha bugu dza Tshivenḓa, Vho Ndivhudzannyi Emelinah Sigogo, vha khou ṱuṱuwedza vhaswa uri vha thome u ṅwala dzi bugu nga lulimi lwa ḓamuni nau ita khuwelelo khavho uri vha gude kha vhaṅwe vhahulwane vhare na tshenzhemo ya khwine vhane vha ṅwala musi vha tshe hone vha khaḓi tshila.

Lwa minwaha ya tshivhalo, tshigwada tsha muzika wa gospel, Faith of Our Fathers Quartet, vhovha vha tshi ḓivhelwa u tevhela nga murahu ha vhaṅwe vhoramuzika. Kha vhuṱambo vhuhulwane, madzina avho ovha atshi bvisiwa kha mitevhe ya mbekanyamushumo idzo, hone na zwifanyiso zwavho zwi sa anḓadzwi na zwa vhaṅwe vhoramuzika kha khunguwedzo dzine dza anḓadzwa. Zworalo, ṅwaha uno u ta tshanduko ya vhuṱhogwa hone ya khwine sa izwi vhe vhaṅwe vha vhambvumbvusi kha bepha ḽa Phalaphala FM Gospel Festival, ḽine ḽa ḓo rangela Royal Heritage Festival ino vhege nga Lavhuṱanu.

Vhadzulapo vha vhupo ha Waterval na zwisi zwa tsini vhari vho neta nga pfulufhedziso dza masipala wapo wa Makhado dzi sa anwi mitshelo, izwo ndi ngauri luvhanḓe lwavho lwa Waterval ahu khou sumbedza u fhela naho hono fhela minwaha ya sumbe hone mushumo u kati, hone ho no shumiswa masheleni a paḓaho fumbili-malo ya  miḽiyoni dzadzi rannda kha mushumo wa luvhanḓe ulwo lwa mitambo.

Vha khoro ya lushaka ya zwa vhufa Afrika Tshipembe (NHC) vho hulisa vhafumakadzi vhararu vha mihaga vhane vha khou shela mulenzhe kha u vhulunga sialala. Vho huliswa kha vhuṱambo ho khetehaho he ha farelwa George Phadagi Town Hall fhaḽa Ṱhohoyandou nga Lavhuṱanu ḽa fumbili-raru Ṱhangule. 

Nga Lavhuṋa ḽa vhege yo fhiraho (29 Thangule), musi ṅwedzi wa vhafumakadzi u tshi ya u fhela, vhathu vhovha ṱhanzi dzau vhona zwe muṅwe wa vhafumakadzi vhane ndi vhoramabindu a bvelela zwine zwo vulela vhanzhi mavothi kha vhupo ha Ṱhohoyanḓou. Mune wahodela iyo ntswa Premier Hotel Thohoyandou, yo ḓura masheleni a paḓaho miḽiyoni dza maḓana mavhili hone ndi ine vho ḓi imisela u sika luṱa luswa lwa vhuendelamashango kha tshiṱiriki tsha Vhembe.

Mulangi wa thimu ya Sinthumulekutama Ladies, Vho Caswell Mohale, vha na fulufhelo ḽauri thimu yavho vha ḓo aluswa kha ḽigi ya lushaka husi kale. Thimu iyo, ye yavha itshikhoutamba kha ḽigi ya SAFA Limpopo Sasol ya vhafumakadzi kha khalanwaha ino, vho imedzana na thimu ya Ramatlaohle Ladies FC kha mitambo ya makhaulatshele a vunḓu Yunivesithi ya Limpopo nga Mugivhela.

Tshikolo tsha Rivoni tsha vhana vhane vhavha na khaedu yau vhona tshine tsha wanala Hanjakanjaka kha tshiṱiriki tsha Vhembe tshine tshavha na vhagudiswa vha swikaho ḓana furathi-sumbe vhane vha bva kha murole wa R u swika kha murole wa vhafumi na vhuvhili. Tshikolo itsho tsho thoma nga nwaha wa 2016 nga vha sosaithi ya Rivoni for the blind, hone tsho tumbulwa nga Fulwi 1975 vhuongeloni ha Elim nga munnaavhane vha Swiss Vho Erwin Sutter. Vha sosaithi ndi vhe vha ḓou nea vhuḓifhinduleli hoṱhe nga muhasho wa pfunzo.

Khaedu dza masheleni kha shango ḽa Zimbabwe dzi kombetshedza vhathu uri vha ḓi ṱoḓela nḓila dzau ḓi unḓa, afho hu katelwa na Tanaka Moyo wa minwaha ya fuiṋa we a ḓou ḓi wana e fhano Afrika Tshipembe a tshi ṱoḓa nḓila dza uḓi unḓa e ḓoroboni ya Musina. Tanaka ndi we a ḓou thoma na bindu ḽawe ḽine a ḽingo ḓowelea ḽa u rengisa tshiṅwiwa tshau itiwa nga mutshelo wa ḓaka. Mutshelo uyo u vhidzwa Masau nga TshiShona, ngeno kha luambo lwa Tshivenḓa u tshi vhidzwa Mazwilu.

Mutsila ane a khou takuwa Dennis Chauke a bvaho Waterval, ane a ḓivhea khwine nga ḽa Mr Clean, u khou vhonala a tshi khou ḓi sikela dzina nga kha vhutsila hawe, vhune a fulufhela zwauri vhu ḓo kunga vhaendelamashango vha bvaho kha mashango a nnḓa u mona na ḽifhasi. Vhafuni/vhatikedzi vha mishumo yawe vha shumisa vhutsila hawe u nakisa dzi nnḓu dzavho nau ḓi sikela fhethu havhuḓi ha uḓi mbvumbvusa.

Vhabebi vha vhagudiswa vha tshikolo tsha nṱha tsha Sinugani tshine tsha wanala Hamagau, vha khou gwa zwauri hu dzhiiwe maga a shishi kha vhagudiswa vhane vha tambudza vhaṅwe afho tshikoloni. Izwi zwi khou tevhela zwe ha ḓou leleḓa vidio kha zwileludzi zwa vhudavhidzani, hu tshi sumbedza mugudiswa wa murole wa vhuṱahe a tshi khou tambudza vhaṅwe vhagudiswa vhavhili afho tshikoloni nga hone u vha ṱhasela. 

Vhadzulapo vha Hamavhunga na zwisi zwa tsini vha khou gwa  phindulo nga murahu hau imiswa ha mushumo wau vusuludzwa ha bada ya khiḽomithara dza 3.7 ya D3669, ine ya bva Havhunga uya Phadzima. Mushumo uyo wo imiswa hu si na u davhidzana na vhadzulapo.

Vha muṱa wa musadziavhane we avha e murangaphanḓa wa khwairi ya kereke na ramabindu, Vho Funanani Patince Mbedzi, vho sala vho shushea nau akhamala vhege yo fhiraho musi vha tshi ḓivhadzwa nga ha u wana beiḽi ha muhwelelwa khabulayo lawe. Vhaṅwe vha muṱa uyo vhari vhavho ofhela matshilo avho hone vho pfulutshela fhethu hune vhari vha pfa vho vhulungea.

Tshumelo dzoṱhe dza mushumo wa bada ya R522 ine yavha vhukati ha Louis Trichardt na Vivo yo dovha hafhu u ima zwa vhege yo fhelaho, izwo zwo vhangiwa nga u sinyuwa ha vhashumisi vha bada iyo.