Dr Mdada vhari vhathu vha rangise pfunzo phanḓa.

Ṱhalutshedzo nga: Khathutshelo Raliphaswa.

Vho Dokotela Ndavheleseni Albert Mbada vhari avho vhane vha takalela uvha kha nḓowetshumo ya zwa muzika vha fanela u vhea pfunzo phanḓa. Dr Mbada, vhane vhavha mulangi wa mveledziso ya zwa kharikhulamu gudedzini ḽa Tshwane Yunivesithi ya Technology, vho anḓadza luimbo lwavho lwau thoma lune lwa vhidzwa “Ndo vha ndi tshi ya fhi” ṅwedzi wo fhiraho.

U anḓadza uho hu katela nyimbo tharu – “Ndovha ndi tshi yafhi” “My tears”, na “Fake life” – hone dzo no thoma u takalelwa nga vhathu vhanzhi kha nḓowetshumo ya muzika  wavho u wanala kha zwileludzi zwoṱhe zwau wana muzika.

Dr Mbada vho ombedzela kha vhundeme ha pfunzo kha avho vhane vha ṱoḓa uvha na vhumatshelo ha khwine kha ḽifhasi ḽa namusi. Vho Dr Mbada vha na digirii dza masiṱasi mbili na PhD kha education management. Mutevhe wavho kha zwa pfunzo na mushumo ndi zwine zwa ṱuṱuwedza, vho shuma sa mugudisi tshikoloni tsha nṱha tsha Vhudzani, vha shuma Vhafamadi Finishing centre na ngei tshikoloni tsha nṱha tsha Mahareng tshine tsha wanala kha vunḓu ḽa Gauteng. Vha dovha hafhu vhavha muḓivhi muhulwane kha zwa pfunzo kha muhasho wa pfunzo wa tshiṱiriki tsha Tshipembe ngei Tshwane. Vha dovha hafhu vhavha na maimo au fhambana Tshwane Yunivesithi ya Technology, hune zwa zwino vhavha mulangi wa mveledziso ya zwa kharikhulamu.

Dr Vho bebwa vha aluwa Hamashau Bodwe hone zwa zwino vha dzula Hamashau Extention, vha muṅwali makone, hune vho no anḓadza bugu mbili: “Ndi yone mini yeneyi” (ḽitambwa) na “Mbiluni ya Thavha” (vhurendi). Vhutsila havho hau ṅwala ho no vha swikisa kha uvha muṅwali ane a ḓivhea nau tambwa ḽitambwa lavho kha tshiṱitshi tsha lushaka tsha radio. Vho no bveleza matambwa manzhi kha tshiṱitshi tsha radio tsha Phalaphala na radio ine zwa zwino ya ḓivhiwa nga ḽa Radio Thohoyandou, hune mushumo wavho u funeswaho ndi wa “Hu nukha malofha”.

Kha nyambedzano yavho na Limpopo Mirror ​​​​​​, Dr Mbada vho amba zwauri lufuno lwavho kha muzika lwo ṱuṱulwa nga khonani yavho, Vho Prince Nyadzawela, vhe vha bveledza nyimbo yavho yau thoma. “Ndi kale ri roṱhe lwa minwaha, hone ndovha ndi tshi dalela siṱudiyo tshavho uvhuya u swika ndi tshi takalela muzika,” vha amba. “Ndovha ndi sa ṱoḓi u anḓadza muzika ndi songo thoma nda pfumbudzwa khau sika muzika. Ndo tea u thoma nda ḓi ḓivha kha sia ḽa muzika uri ndi kone u ṋea vhathetshelesi muzika wo dziaho, une wa ḓovha na nḓila yau isa mulaedza vhathuni. Muzika wanga ndi une wo khethea, hone u na mulaedza uri wa kona u thethseleswa nga vhaṱuku na vhahulwane nga nḓila yo leluwaho,”

Date:13 June 2024

By: Khathutshelo Raliphaswa

Khathutshelo Prudence Raliphaswa started her journey in the media industry by studying Media Consultancy at Boston College in 2018. She continued her studies in journalism at IIE Rosebank College and graduated in 2022. Her passion is to be creative with words and tell stories in a more detailed way. She started as an intern at Limpopo Mirror in 2023 and is primarily responsible for the translations into Tshivenda..

Read: 205