Takie Ndou u ḓovha e hone kha bepha ḽa mvusuludzo ḽaWorship Around theFire

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Ramuzika a ḓivheaho hone a takalelwaho nga vhanzhi Takie Ndou uri bepha ḽa mvuselelo ḽa Worship Around the Fire ḽi tou fana na vhuṱambo hau ṱanganedzwa hayani khae. Bepha iḽi ḽine vhathu vha ḓo dzhenelela vha songo badela masheleni ḽo tumbulwa nga muḓivhi wa zwa miungo Hulisani Mavhutha wa The Journey Worship Network, hone hu ḓo hashwa nga mutumbuli wa tshivhidzo tsha Khumbe Independent AFM, Dr Athalia Mavhutha. Vhuṱambo vhu ḓo farwa nga ḽa fumbili-ṱahe Fulwi ubva nga awara ya vhuvhili nga masiari u swika nga awara ya vhumalo nga madekwana.

Mudzudzanyi wa bepha iḽi Hulisani Mavhutha o amba zwauri ndugiselo dza bepha dzo no swika kha luṱa lwau fhedzisela. “Ri na mutevhe wavhuḓi kha vhaimbi vhane ha ḓovha vhe hone vhane vha imba muzika wa gosipele, hu tshi katelwa vhaimbi vha fanaho na Rofhiwa Manyaga, Muvhuso Masakona, Gundo G, Devine N, na Itani Mphaga. Vhuṱambo uho, ndi ho khetheaho, vhune tshipikwa ndi u vusuludza mimuya yau renda nḓuni ya mudzimu. Ri khou ṱanganya vhathu nga kha vhurendi ubva kha zwiimiswa zwau fhambana, na u vha swikela fhethu hune vha ḓo kona uvha na tshifhinga na mudzimu,” vha amba.

Vha tshi ṱalutshedza nga ha vhuṱambo uhu, vhune ha ḓovha ha ṅwaha na ṅwaha, Vho -Mavhutha vho amba zwauri nga vhusiku uho, vhatendi vha ḓovha vho dzula vho tinga mulilo, ngeno vhaimbi vha luvhanḓeni vha tshiranga vhathu phanḓa khau losha. “U itela mitakalo na tsireledzo zwa vhathu, ri khou dzudzanya na tshumelo dza Kiḽini ya Shudu Health Care na vha zwidzima mulilo vha MAP. Uvhu ndi vhusiku hau humbulwa. Ahungaḓovha namuzika fhedzi, hu ḓovha na u rera ha ipfi nga vhafunzi Vho -Timothy Masakona,” vha engedza.

A tshi amba nga ha vhuṱambo uhu, Psalmist Takie Ndou, e a kandisa DVD yawe zwi tshi vhonwa nga vhathu ine ya vhidzwa "The Glory”, o amba zwauri uvhu ndi vhuṱambo vhune havha ha vhuṱhogwa khae. “Ndo ḓalelwa nga dakalo uvha hayani hafhu na uvha tshipiḓa tsha bepha ḽa maanḓa ḽine ḽa ḓovha ḓivhazwakale . Ndo bebelwa kha heyi kereke, nda pfumbudzwa hanefho, hone ndi zwine ndavha zwone namusi nga kereke yenei na mutheo we wa itwa kha nṋe hanefha. Ndi ḓo imba nyimbo dzanga mbili kana tharu dza aḽibamu yanga ntswantswa. Vhane vha ḓovha vhe hone vha ḓovha vhamashudu u mmbona ndi tshi imba luimbo lwanga luswa lwa “U Netulusa Muya Wanga”. U imba na ṱhama yanga Rofhiwa Manyaga zwi ḓo touvha u ingwa nga nṱha. Ndi fulufhedzisa vhathu zwiswa zwa khwine, asi zwau ṱahelwa hezwi,” a amba.

U dzhena ndi mahala. Vhane vha ṱoḓa u ḓivha zwinzhi nga ha bepha iḽi, vha nga kwamana na Hulisani Mavhutha kha nomboro dza 082 954 3076 kana Tshilidzi Mavhutha kha nomboro dza 073 590 3023.

Date:24 June 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 64