Mavemu mavhili vho rwiwa vha lovha nga vhadzulapo.

Tshiṱori nga:Elmon Tshikhudo. Ṱhalutshedzo nga:Khathutshelo Raliphaswa.

Nga Sondaha ya ḽa fumbili-raru Fulwi nga awara ya vhuṱanu nga mathabama, mavemu vhavhili vho ḓou ṱangana na tshanḓa tsha tshitshavha tsha Ṱhohoyanḓou Block F. Mavemu avho vho ḓou rwiwa lu tatisaho nga tshitshavha vhe vha lovhela henefho hetshiwo tshabvelelahone.

Vhupo ha Ṱhohoyandou ho novha tshivhilelani tsha u ṱangulwa, hune afho Block F hune ho ḓala vhathu vhalushaka lwavhatsulapo vhanbaindia ha vhonwa sa fhethu ho leluwaho u ṱangula nga mavemu. Zworalo, vhadzulapo avha tsha tenda u tambudziwa, hune mavemu vhorwiwa lwa miṅwedzi yo fhiraho arali vha wanala vha khou ita vhutshinyi.

Vhadzulapo vhovha vha khou hana u amba nga ha tshiwo itsho tsha Sondaha nga vhuḓalo. Uya nga zwidodombedzwa zwe ra wana sa Limpopo Mirror, vhahumbulelwa vho farwa nga tshifhinga tsha musi vha khou lingedza u ṱangula muḓini kha muvhundu uyo. Ho ḓou vuwa tsimbe-tsimbe ye ya kunga na vhaṅwe vhadzulapo, vhe vha ḓa u dzhenelela. Vhadzulapo vho ḓou thoma u rwa vhahumbulelwa vha sa londi, vha tshi shumisa tshiṅwe na tshiṅwe tshine vha wana tsini.

Mapholisa vho ḓou swika afho he tshiwo tsha itea hone he vha swika vha isa mavemu avho vhuongeloni, he mashudu mavhi vha lovhela vhuongeloni zwi tshi tevhela mafuvhalo a u rwiwa.

Mudzulapo ea hana u bulwa dzina o ṱahisa zwauri vhadzulapo vhovha vho sinyuwa, hone zwe mavemu vha itwa zwovha zwo fanela. “Muvhunduni washu ri khou tshila ro tshuwa hone ro lindela uri vhugevhenga vhu nga itea tshifhinga tshiṅwe na tshiṅwe. Ri dzulela u pfa nga ha zwiwo zwau fhambana – u ṱangulwa, u thubiwa ha vhathu na mabulayo. Ro neta nga vhugevhenga fhano, zwine azwi mangadza u vhona. Zwine ra khou ṱoḓa zwa zwino ndi mulalo, zwine ra nga kona uzwi swikelela ngau vhona mapholisa na vhadzulapo vha khou shumisana, zwa sa ralo, zwiito zwine zwa fana na izwo zwi ḓo dzulela u itea.

Muambeli wa mapholisa kha tshiṱiriki tsha Vhembe W/O Vuledzani Dathi vho khwaṱhisedza tshiwo itsho, he vha amba zwauri ho vulwa mulandu malugana na tshiwo itshi. Vho amba zwauri vhadzulapo vho wana mavemu avho vhe kati na u ṱangula muḓini.

“Vhadzulapo vho ḓou ṱhasela mavemu he vha vha rwa vha vha huvhadza. Vho ḓou hwalelwa vhuongeloni, he muṅwe wavho a lovha a tshi swika vhuongeloni, ngeno munwe ane a ḓivhea nga ḽa Mulalo Maambele a bvaho Malavuwe a lovha nga tshifhingade tsha musi a khou lafhiwa. Vhune ha mavemu a hu ḓivhei, hone vha tshe nnḓa, “ vha amba.

Muṅwe na muṅwe are na zwidodombedzwa zwine zwa nga thusa kha mulandu uyo anga foune muofisiri Constable Rendani Tshavhungwe kha nomboro dza 072 189 2544 kana 015 960 1000.

Date:01 July 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 74