ADVERTISEMENT:

 
 

Vho Maine Vho Eric Nethonzhe. Tshifanyiso tsho bveledzwa

Zwikolo zwau fumbisa zwi ḓo vulwa lwa maḓuvha a furaru.

 

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Ho tou sala vhege fhedzi uri zwikolo zwau fumbisa zwa ṅwaha uno zwi vule u mona na vunḓu ḽa Limpopo, hone zwa zwino ho tendelwa zwikolo zwa ḓarathi na furaru uri zwi nga vulwa.

Vha CoGHSTA vho dzudzanya mushumo wa pfumbudzo thangeliu u lugisela u vulwa ha zwikolo zwau fumbisa. Kha mushumo uyo vhathu vhe vhavha vhe hone hu katelwa vhafaramikovhe u fana na MEC vha CoGHSTA, Vho Basikopo Makamu, mapholisa, vharangaphanḓa vha sialala, mahosi, na vhafumbisi vha sialala. Mushumo uyo wo farelwa Bulugwane nga Ḽavhuvhili ḽa iṋa Fulwi.

Muṅwe wa vhathu vhe vhavha vhe kha mushumo uyu ndi maine vhau fumbisa vha ḓivheaho Vho Maine Eric Nethonzhe. Vhane vhavha na ḓivhazwakale ya minwaha ya fumi-malo vha tshi bveleza mvelelo dzavhuḓi dza u fumbisa. Vho Nethonzhe vha bva kusini kwa Tshikhudini nnḓa nyana ha Ṱhohoyandou, hone vha ḓivhea u mona na shango ḽashu ḽa Afrika Tshipembe nga mishumo yavho yavhuḓi.

Nga tshifhinga tsha pfumbudzo, vho ṱahisa mbilaelo dzavho zwi tshi tevhela usa tevhedza maga na milayo yo fanelaho nga vhabebi musi vha sa athu u isa vhana zwikoloni izwi. “Ri ṱangana na khaedu ṅwaha muṅwe na muṅwe nga tshifhinga tsha u fumbisa, hone izwi zwi vhangiwa nga vhabebi vhane vha si ambe ngoho musi vha tshi ḓisa vhana. Ri sa athu u ṱanganedza vhana, ri dzulela u humbela vhabebi uri vha ite tsaino ya thendelo kha dzi fomo dzine dzavha dzi na zwidodombedzwa zwa vhana,” vha amba.

Vho Nethonzhe vho amba zwauri mitakalo ya vhana ndi yone ya ndeme, izwi ndi zwe zwa ita uri zwikolo izwi vha humbele vhabebi vha vhana uri vha ṱaluse hutshe na tshifhinga arali vhana vhavho vha na zwiimo zwa mutakalo zwo imaho ngauri. ”Vhabebi vhadzhielafhasi khumbelo yaudadza fomo idzi kana vha ḓadza dzi fomo nga zwidodombedzwa zwisi zwone. Izwi zwoṱhe zwine vhabebi vha ita zwia vhilaedzisa, ngauri musi nwana atshi vhaisala, ri wana ri sa ḓivhi uri ritea utiamini. Ri humbela uri vhabebi vha ambe ngoho kha fomo dzine vha saina uri zwithu zwi leluwe kha roṱhe,” vha amba.

Vha tshi amba na vha khasho ya lushaka ya SABC, Phalaphala FM, MEC Vho Basikopo Makamu vho amba zwauri kha zwikolo zwa 703 zwe zwa ḓi ṅwalisela, ho ṱanganedzwa zwikolo zwa 631 fhedzi. “Khumbelo dza 72  adzongotanfanedza ngauri avhongotovhedza maga khambule ngauri ndi zwikolo zwi siho mulayoni hune dzinwe dza dzimpfu dza mirunduni dzo bvelela kha zwikolo zwi fanaho na zwenezwo,” vha amba.

Zwikolo zwau fumbisa zwi ḓo vula nga ḽa fumi-iṋa Fulwi zwa vala nga ḽa fumi-raru Fulwana.

 

Date:07 June 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 156

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT