ADVERTISEMENT:

 
 

Nnḓu ye ya fhiswa nga vhadzulapo vho sinyuwaho. Tshifanyiso tsho bveledzwa.

Vhadzulapo vho sinyuwa vha fhisa nnḓu ya ṅwana wa mukalaha vho ngalangalaho

 

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Vhadzulapo vhe vhavha vho sinyuwa vho fhisa nnḓu ya muṱa wa miraḓo ya muṱa vhane muṅwe wavho, vhane vhavha mualuwa Vho Mphaya vho ngalangala dzi thavhani. Tshiwo itshi tsho sia vha muṱa vho shushea nau ḓalelwa nga nyofho sa izwi vha tshe kha fulo ḽau ṱoḓana na mukalaha avho.

Nnḓu ya Vho Thinandavha Walter Mphaya ire fhaḽa Tshifudi Thondoni yo fhiswa nga murahu hau ngalangala ha khotsi avho. Zwa zwino ho no fhela vhege mbili mukalaha, Vho Smuts Mufariseni Mphaya Masotsha, vho ngalangala vho ya u lisa zwifuwo zwavho dzi thavhani kha vhupo uho. Vha muṱa, vhe na thuso ya mapholisa na vhadzulapo vho vha ṱoḓa hoṱhe he vha humbulela zwauri vha ngavha vhe hone, fhedzi zwe vhutoto. U fhiswa ha nnḓu zwi touvha u xetshelwa kavhili ha vha muṱa sa izwi vha khaḓi lingedza u wana mualuwa avho.

Vho Muneiwa Mphaya, vhe nnḓu yavho ya fhiswa, vhari izwi zwoṱhe zwo thoma nga Sondaha ya ḽa ṱahe Fulwi, musi vhadzulapo vhovha vhe na muṱangano. “Ndi kha muṱangano uyo he vhadzulapo vha thoma u sumba khotsi anga nga minwe vha tshiri vha na vhuṱumanyi na u ngalangala ha makhulu anga. Nga murahu ho ḓou ḓa vhathu vhe vhanzhi vha ri laela uri ri bve muḓini uyo isa athu u rwa awara ya vhuṱanu nga mathabama nga ḓuvha ḽi tevhelaho kana zwa saralo vha ḓo fhisa nnḓu yashu. Na ngoho vho kona u ita zwe vha ri fulufhedzisa, nga madekwana a Musumbuluwo. Vho ḓa vha ri ṱhasela vha fhisa nnḓu yahashu ya phera dza sumbe. Ro ḓou shavhela kha nnḓu yo fulelwaho nga mahatsi uri ri phuluse matshilo ashu, he ra vhona zwoṱhe zwi tshi itea, vhaṅwe vhavho vho ḓou tswa na nguluvhe dzashu. Zwa zwino ro xetshelwa nga zwithu zwoṱhe, ro tou salelwa nga zwiambaro zwe ravha ro ambara. Bugu, zwiambaro zwa tshikolo zwa vhana, zwishumiswa, na tshithu tshiṅwe na tshiṅwe tshe tshavha tshi afho nga ngomu zwo swa ḽore. Zwa zwino arina tshithu sa muṱa, hone ahuna ane a shuma kha rine roṱhe. Ro rali ari ḓivhi uri vhana vha ḓo ambara mini musi zwikolo zwi tshi vula,” a amba.

Muneiwa o amba zwauri ha pfesesi uri ndi ngani vho ṱhaselwa nau fhiselwa nnḓu. “Naa ro tshinyani lune ra fanelwa nga zwe zwa itea? Azwi ri fari zwavhuḓi zwe zwa itea, ndi ngani ri tshi lifha milandu ine a ri ḓivhi tshithu ngayo? Arali vhovha vhe na vhuṱanzi uri khotsi anga vha na tshanḓa khau ngalangala ha makhulu anga ndi ngani vha songo zwi isa mapholisani? Ri fulufhela uri mapholisa vha ḓo shuma vho ḓi funga vha kona u fara vhaiti vha zwiito izwi zwoṱhe nau wana makhulu anga,” a engedza.

 

 

 

 

Date:14 June 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 181

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT