ADVERTISEMENT:

 
 

Vhaaluwa vha sumbe vha tshigwada tsha Mashamba Thondoni Tshigombela Group vhane vhodi imisela u vhulunga mvelele na sialala nga kha mitshino ya sialala. Tshifanyiso: Thembi Siaga

Vhaaluwa vha Hamashamba vho ḓi imisela u vhulunga mitshino ya sialala

 

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Vhaaluwa vha sumbe vha bvaho Hamashamba vho ḓi nekedzela kha u fhedza tshifhinga tshavho khau vhulunga mutshino wa sialala watshigombela nga u gudisa vhaswa na vhaṱuku. Mitshino iyo vha i tshina vho ambara zwiambaro zwa mivhala i kungaho maṱo a vhathu, vhaaluwa avho vha kovha nḓivho yavho na vhukoni kha vhane vha vha vha khou takalela u guda, zwihulu vhaswa na vhaṱuku.

Vhaaluwa avha ndi miraḓo ya tshigwada tshine tsha vhidzwa "Mashamba Thondoni Tshigombela Group", tshe tsha vhumbiwa nga ṅwaha wa gidiḓaṱahe fumalo-thihi. Ndivho kana tshipikwa tsha tshigwada itshi hovha u imba nyimbo dza zwirendo kha vharangaphanḓa vha sialala nau mbvumbvusa vhathu. Vha tshigwada tsha vhathu vhane vha ṱoḓa u hovhelela vha furaru, vha mbvumbvusa vhathu kha vhuṱambo ho yaho ngau fhambana u fana na vhuṱambo hau ḓadzwa mativha na vhuṱambo ha sialala.

Muṅwe wamirado wa tshigwada itshi, vhane vhavha Vho Muyahavho Mulaudzi vha minwaha ya fuṱahe-iṋa, vhari mitshino yavho i alusa tshirunzi tsha vharangaphanḓa vha sialala na ifa, hone i dovha hafhu ya ṋea vhaswa nḓivho nau ṋeiwa nḓivho yau fhirisela kha mirafho i ḓaho.Vho amba zwauri vhomakhulu avho vho vha gudisa uri mitshino ya sialala i tshiniwa nga u fulufhedzea na ṱhonipho.

“Ndo thoma u tshine ndi tshe muṱuku vhukuma, ndi tshi vhona zwauri mitshino ya sialala i ri tendela u pembela vhurangaphanḓa na u vhulunga mvelele dzashu. Mitshino iyi i bvesela khagala vhuvha hashu nau ṱanganisa vhadzulapo uri vha farane mivhunduni, ra kona u vhulunga mvelele, sialala na maitele a zwithu,” vha amba..

Zwezwi ri khou shanduka zwifhinga na minwe mitshino i khou simuwa, tshigwada itsho tsho ima khau ṱoḓa u gudisa vhaswa mvelele nga ha sialala yashu ya kale na kale. Muṅwe muraḓo, Vho Thembi Chuma, vho amba zwauri vhaswa vha khou guda u livhuwa nau takalela mvelele yavho uri vha kone ui fhirisela kha murafho u tevhelaho nga kha pfuzno idzi.

“Ri ṱoḓa u dovha hafhu ra thusa vhaswa uri vha ṱutshele kule na zwikambi na zwidzidzivhadzi. Mutshino muṅwe na muṅwe u touvha u pembela ha vhutshilo na mvelele,” vha amba.

 

Date:12 June 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 130

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT