Thaidzo ya dzi notshi kha muṱa yo tandululwa

Ṱhalutshedzo nga Khathutshelo Raliphaswa.

Mufumakadzi wa minwaha ya fuiṋa-sumbe, Vho Ndovhoniswani Maroge, na muṱa wavho vho rulea zwihulu musi musamaria wavhuḓi a tshi bvisa notshi nga Mugivhela dze dzavha dzi khou vha tswenya lwa tshifhinga tshi paḓaho ṅwaha.

Vho Maroge vho amba zwauri vho tou mangadzwa musi vha tshi vhona ṱhango tsini na ḓaraṱa yavho ya u anea zwiambaro, khiḽomithara ṱhukhu ubva nḓuni. Vho amba zwauri u shumisa ḓaraṱa iyo zwovha zwo novha mushumo u lemelaho sa izwi notshi idzo dzovha dzi tshi tou nanisa vhuhali musi dzi tshi pfa minukho na minukhelelo yau fhambana.

“Dzovha dzi tshi ri ṱhasela misi yoṱhe musi ri tshi anea zwiambaro dzi tshi pfa minukho ya zwisibe, fhedzi ro ḓou rulea musi rabulasi wa dzi notshi wa hanefha tsini a tshi ḓa a ri tandululela khaedu ye ravha ri khou ṱangana nayo a ṱuwa na notshi idzo bulasini yavho,” vha amba.

Vho Ndwakhulu Nesthilema, rabulasi uyo, vho dalela muṱa uyo nga matsheloni a Mugivhela wa ḽa fumi-raru Fulwana he vhalwa na ubvisa notshi idzo nga tshihaḓu. Vho amba zwauri izwi zwi touvha tshipiḓa tsha mushumo wavho wa ḓuvha ḽiṅwe na ḽiṅwe zwau phulusa vhathu kha dzi notshi arali vha sa londwi tshitshavhani.

“Ro ya nga Mugivhela nga matsheloni ralwa na ubvisa dzi notshi, fhedzi ra kundelwa u bvisa dzoṱhe ubva kha khulwane kha dzoṱhe,” vha amba. “Ndi ḓo humela nga ḽa raru Tshimedzi u bvisa dzo salaho dzine dza vhanga dziṅwe notshi, fhedzi zwa zwino vha muṱa wa ha Maroge vha nga bvela phanḓa nau anea zwiambaro zwavho vha sa thithiswi nga tshithu,” vha amba.

Date:22 July 2024

By:

Read: 272