Google zwa zwino ia kona uri ‘ndo livhuwa’

Tshitori nga Thembi Siaga. Ṱhalutshedzo nga Khathutshelo Raliphaswa.

U engedzwa ha luambo lwa Tshivenḓa kha nyambo dzine Google ya kona u fhindulela kana u ṱalutshedzwa zwo ṱanganedzwa nga vhathu vhanzhi kha tshiṱiriki tsha Vhembe. Google yo kona u phuletshedza khau kona u engedza luambo ulu vha tshi shumisa artificial intelligence (AI).

Nga ṅwaha wa 2022 ho engedzwa nyambo dza 24, hu tshi shumiswa Zero-Shot Machine Translation, Google yo engedza luambo lwa Tshivenḓa na siSwati, zwine zwa ḓisa tshivhalo kha ṱahe. Murahu hovha hu tshi katelwa Afrikaans, Sesotho, Sepedi, isiXhosa, XiTsonga, na isiZulu fhedzi.

Tshivenḓa, tshi tshi ambiwa nga vhathu vhane vha hovhelela miḽiyoni ya 1.3 zwihulu kha vunḓuni ḽa Limpopo, hune vhanzhi vha wanala kha tshiṱiriki tsha Vhembe, tsho ḓi wana tshi tshipiḓa tsha nyambo dza 110 dzine dza wanwa kha Google Translate. U engedzwa uhu zwi sumbedza vhundeme hau vhulungwa ha nyambo nga vhunzhi nau maanḓafhadza vhathu vhane vha amba nyambo dzine a dzingo ḓala vhathu vhane vha dzi shumisa sa luambo lwa ḓamuni.

Dokotela Vho Naledzani Rasila, mudzulatshidulo wa kale wa komiti ya luambo ya vunḓu vhane zwa zwino ndi vhone mulangi wau sedzulusa kha muhasho wa pfunzo fhano Limpopo, vho ṱanganedza izwi nga nḓila yavhuḓi. Vho amba zwauri zwovha zwi zwa ndeme kha vhadzulapo vhane vha kundelwa u pfesesa luambo lwa Tshivenḓa.

“Hezwi zwi ḓo thusa vhaswa na vhaṱuku, zwihulu vhane vha shumisa thekinoḽodzhi ya musalauno uri vha kone u ḓivha nga ha luambo lwavho zwo leluwa. Zwi ḓo dovha hafhu zwa thusa u vhulunga luambo na mvelele, naho ri tshi fanela u dzhiela nzhele maṅwe maitele u fana na mitshino, dzi nyimbo, zwine ra ḽa na kutshilele, ri tshi sedza mishumo ya miphaso na zwikolo zwau fumbisa,” vha amba.

Vho Rasila vho dovha hafhu vha amba nga ha mbilaelo dzavho kha u fhindulela uhu ha Google zwi tshi ḓa kha mupeḽeṱo, u shumisa zwiga nau shumisa maidioma na mirero nga nḓila isi yone.

Vho Siya Madikane, mulangi wa nyambedzano na vhudavhidzani ha Google SA, vho ṱalutshedza nga ha vhundeme ha maitele a AI sa nḓila yau khwinifhadza vhudavhidzani u mona na ḽifhasi na u ṱumanywa ha vhathu. “Sa tshipiḓa tsha fulo ḽa Google 1,000, u shumisa zwibveledzwa zwa AI u tikedza nyambo dzine dza ambiwa nga vhathu vhanzhi u mona na ḽifhasi, hu shumiswa PaLM 2 ya nyambo khulwane. PaLM 2 i khwinifhadza u fhindulela nau gudiwa ha nyambo, zwihulu kha nyambo dzine vhathu vha shumisa,” vha amba.

Khathutshelo Raliphaswa, ane avha na vhuḓifhinduleli hau fhindulela kana u ṱalutshedza zwitori zwa Limpopo Mirror ubva kha Luisimane uya kha Tshivenḓa, ovha o takala vhukuma nga zwikhala zwine tshumelo idzi dza ḓo vuledza. “Ubva tshe nda thoma u fhindulela, ndo tou ṱangana na khaedu nthihi, ine yavha u dzudzanya mitaladzi ndi tshi shumisa Tshivenḓa tsho kunaho. Ndi fulufhela zwauri tshumelo iyi ntswa iḓo nthusa kha u fhindulela,” a amba.

Date:18 July 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area. Thembi studied at the Tshwane University of Technology, where he completed his diploma in Journalism in 2021.

Read: 137