Nga nwambo wau kundelwa u wana mishumo kha sekhithara dza phuraivethe na hone muvhusoni, Vho Mashudu Steven Netshiunda vha bvaho kha muvhundu wa Khubvi vha miṅwaha ya fuiṋa-mbili, vho ḓou ḓi imisela khau lwa na vhushai uri vha kone u ḓi unḓa. Vho Netshiunda vho humbela u gudiswa u ṱomba mahafhe uri vha kone u rengisa u itela u ḓi unḓa na muṱa wavho. 

Vhaṱoli vha tshumelo dza zwa mutakalo ha mupo fhano kha Tshiṱiriki tsha Vhembe (EHS) vho thoma fulo ḽau ṱola zwibveledzwa zwine zwa rengisiwa kha zwimauswu zwa mahayani na kha vharengisi vhane vha rengisa zwiṱaraṱani, hune vho lavhelesa zwihulu zwiḽiwa zwine zwa fana na nama ya khuhu, khovhe, na nama ya kholomo. Izwi zwi khou tevhela zwe ha ha na zwiwo zwe zwa vhigiwa kha tshiṱiriki tsha Vhembe malugana na zwiḽiwa zwine zwi vhonala zwo fhelelwa nga tshifhinga.

Ho no fhela minwaha ine ya hovhelela mivhili nga murahu ha uri ramiswaswo anendi muhumbulelwa Livhuwani Madadzhe, ane a ḓivhea khwine nga ḽa SABC Livhu, o lovhelwa nga mufarisi wawe, fhedzi hu vhonala mbilu yawe yo no wana vhudzulo kha munwe muthu. Izwo zwo vhonala musi a tshi anḓadza zwifanyiso zwawe e na mufarisi wawe muswa ane nga minwaha u na 26. Izwo zwifanyiso ndi zwe zwa anḓadzwa kha zwileludzi zwa vhudavhidzani ha nnyi na nnyi.

Mudzia u tzhipa vhafumakadzi na Vhana wa Facebook, Mukovhe Makhavhu, ane a ḓivhea khwine nga ḽa Elma Mutavhatsindi, o gwevhiwa matshilo mavhili e dzhele nga muhaṱuli Vho Ṱhogomelani Tshidada vha khothe khulwane ya Ṱhohoyanḓou. Tshigwevho itsho tsho ṋetshedzwa nga Lavhuvhili ḽa fumbili-mbili Tshimedzi khothe khulwane ya Ṱhohoyanḓou ine zwa zwino yo dzula fhaḽa Waterval, nnḓa nyana ha Louis Trichardt.

Naho hu na ṱhahelelo ya mishumo u mona na Afrika Tshipembe zwihulu kha vhaswa, vhaṅwe vha vhaswa vhane vha dzula kha vhupo ha mahayani vha khou shela mulenzhe khau alusa ikonomi nga uḓi sikela mishumo. Izwi zwo vhonala kha Muofhe Matsheketsheke wa minwaha ya fumbili-sumbe ane a bva kha kusi kwa Hagumbu kha vhupo ha Niani, nnḓa nyana ha Musina.

Nga ṅwaha wa 1980, ramuzika a ḓivheaho Vho Eric “King of AfroSynth” Liphadzi vho ḓou ita ṱhanganyelano na dzi ṱhama vha vhumba bennde. Naho tshigwada itsho tsho swika he tsha ngalangala kha nḓowetshumo ya muzika, ramuzika vhane vha ḓi vhidza “King of AfroSynth” vho ḓou isa phanḓa nau bvisa nyimbo nga vhunzhi, zwihulu musi vhe fhasi ha ḽimaga kana dzina ḽa Mahosi.

Muimbi wa vhurendi, nganea, na ramabindu Papa Thile vhari uvha nkhetheni kha zwiteṅwa zwivhili zwa pfufho dza South African Traditional Music Awards (SATMA) zwi tou khwaṱhisedza uri mishumo yavho i khou vhonala nau dzhielwa nṱha ha mishumo yavho kha nḓowetshumo ya muzika.

Vho Magala Erick Mashamba vha bvaho kha muvhundu wa Mukondeni vho pfufhiwa vhudokotela ha pfunzo kha zwa uvha mu shumela tshitshavha (social worker). Uvho ndi vhudokotela he vha vhu wana ubva kha Yunivesithi ya Afrika Tshipembe (UNISA). Vhuṱambo hau pfufhiwa dzi ṱhanziela na dzi digirii ndi he ha farelwa fhaḽa The Ranch Hotel, Polokwane nga ḽa ṱhanu Tshimedzi ṅwaha uno.

Vhagudiswa vha swikaho vhaṱanu ubva kha tshikolo tsha nṱha tsha Elim High School vho dovha hafhu vha kunda kha zwiteṅwa zwa khanedzano dza Xitsonga khathihi na u sengulusa bugu dza Xitsonga. Mbambe iyo ya vhugwena ndi ye ya farelwa ngei George, kha vunḓu ḽa Western Cape hone ndi mbambe dza ṅwaha wa vhufumi-iṋa. Naṅwaha dzo farwa ubva nga ḽa fumbili-thihi u swika nga ḽa fumbili-ṱahe Khubvumedzi.

Miḓi ine ya paḓa maḓana a sumbe kha vhupo ha Madimbo na Mabvete vha ḓo vhuyela nga maitele a mafulufulu a microgrid solar-energy kha miṅwedzi miraru one ya khou ḓa. Izwi zwo bviselwa khagala nga minisiṱa vha muḓagasi na mafulufulu, Dokotela Vho Kgosientsho Ramokgopa, musi vha tshi rwela ṱari mushumo wa mafulufulu wau thoma une wa vhidziwa uri Micro-grid Solar-Energy. Mushumo wau rwela ṱari ndi we wa itiwa nga Sondaha ya ḽa fumi-raru Tshimedzi.

Ramuzika wa mafulufulu Tarivinga Maedza o fhedza u kanḓisa aḽibamu yawe ya rhumba/tshingondo ine ya vhidziwa Hatikanganwe, ine yo ḓala nga nyimbo dza lufuno.

Tshiwo tsha u gwilulwa ha vhiḓa zwo sia zwo shusha vhadzulapo vha Nzhelele, Shanzha na Dopeni. Vha na nyofho yauri zwine zwovha zwi tshi itiwa dzi ḓoroboni zwau gwilulwa ha mavhiḓa zwo no swika fhano kha vhupo ha mahayani, hune mavhiḓani hovha hu tshi ṱhonifhiwa.

Neḓorobo vha Makhado Vho Dorcua Mboyi na Vhamusanda Ntsundeni Sampson Sinthumule vho farana zwanḓa vha vula mavhengele tserekano hune ha ḓura masheleni a paḓaho miḽiyoni dza tshivhalo wa dzi rannda. Afho ndi kha mavhengele tserekano a zwino-zwino hone ho vuliwa fhaḽa Madombidzha nga Lavhuṋa ḽa fumbili-rathi Khubvumedzi.

Vhukavha mabupho ha PR Mphephu fhaḽa Vuwani hu nga vusuludzwa ha thoma hafhu u shuma arali zwine vha Gateway Airports Authority Limited (GAAL) vha khou dzudzanya u ita zwa tshimbila ngandila ine vhakhoudzanyisa zwone. Khumbelo yau ita khumbelo (RFP) ndi ye ya anḓadzwa ṅwedzi wo fhiraho, vha tshi humbela vhoradzithendara uri vha ḓise khumbelo dzavho u itela u vusuludza na vhulangi ha vhukavha mabupho.

Nzumbululo Tondani, mugudiswa wa murole wa vhufumi na vhuvhili kha tshikolo tsha nṱha tsha Mbilwi, o takadza dzingu na vunḓu ḽa Limpopo ngau angaredza ngau kunda kha pfufho dza Water and Sanitation Education Programme (WSEP). Afho ndi he abva kha vhuimo ha u thoma.

U wa ha buroho kana muratho wa Mphephu Drive fhaḽa kha ḓorobo ya Ṱhohoyandou vhege yo fhiraho zwi sia vhadzulapo kana vhaendanganayo vhe khomboni, zwihulu vhana vha zwikolo zwa tsini vhane vhovha vha khou shumisa buroho iḽo u rathela kha bada iyo ine ya dzulela uvha yo tsitsikanaho.

E na miṅwedzi ya ṱahe fhedzi, Neville Philemon Mufhadi ane abva Hamusekwa Ngundu fhala Nzhelele o ḓou wana zwauri u na vhulwadze ha medullablastoma, vhune havha vhulwadze ha u bva tshilonda tshihulu kha maluvhi. Zwa zwino u na minwaha ya fumbili, hune Neville o shandukisa nndwa yawe na cancer uri huvhe fulo ḽau Pfumbudza vhathu nga ha vhulwadze uhu nau tikedza vhane vha tshila na vhulwadze uhu.

Mutambo wa Hockey, une kanzhi wa lavheleswa kha vhupo ha dzi ḓoroboni fhedzi, fhedzi zwa zwino ndi mutambo une wa khou dzhielwa nṱha kha zwikolo zwa vhupo ha mahayani u mona na tshiṱiriki tsha Vhembe. Izwi zwoṱhe zwo koniwa nga mbekanyamushumo ya ‘SuperSport Let’s Play’ na u ḓi imisela ha vhagudisi vha fanaho na Vho Wesley Yavha, mulangi na mugudisi vha tshiimiswa kana dzangano ḽa Vhembe Hockey Association, vhagudiswa vhaswa vhane vha khou ḓivhadzwa kha zwa mitambo hone vha khou vhonala vha khou zwi takalela.

Ho no fhela miṅwedzi ine ya hovhelela ya rathi tshe ha vhulawa munna wa muvhundu wa Tshimbupfe Hanani nga nḓila ya tshiṱuhu, fhedzi na zwino vha muṱa vhari na zwino avha athu u wana masalela awe uri vha mu vhulunge nga nḓila ya khwine.