Mu Afrika o andadza alibamu yawe ye avha o fulufhedzisa vhatevheli vhawe.

Tshiṱori nga Victor Mukwevho. Ṱhalutshedzo nga Khathutshelo Raliphaswa.

Musi a tshi anḓadza luimbo lwawe lwa, “Kha Dzhene Mu Afrika” nga ṅwedzi wa Lambamai ṅwaha uno, Khosi ya muzika wa tshingondo, Mu Afrika Marko, o fulufhedzisa vhafuni vhatevheli vhawe uri u ḓo anḓadza aḽibamu ṅwaha uno. O ima kha zwe a fulufhedzisa vhatevheli vhawe, Mu Afrika o vhuya na aḽibamu ya Bvumo ine ya vhidzwa “Bvumo Volume 10”.

Iyi ndi aḽibamu ya vhufumi ya Mu Afrika ane kha nḓowetshumo a ḓivhiwa nga ḽa Marko Clement Simbine. Sa nga misi, o shuma na bennde ya muṱa, The More Fire Big Machine. Nyimbo dzo ṅwalwa nga Mu Afrika ene mune dza bveledzwa nga Noleen Simbine. Aḽibamu yo kandiswa zwifhaṱoni zwa Mphagani ngei Muledane ya khwinifhadzwa nga mune wa tshiṱudio Vho Mbangi Mphaga.

“Mathada” na “Mudzimu” (Bvumo) ndi dziṅwe dza nyimbo dzine dza khou bvumesa kha aḽibamu iyi, izwi zwo khwaṱhisedzwa nga nḓila ine vhatevheli vhawe vha takalela nyimbo idzi musi aḽibamu i tshi anḓadzwa. Vhukoni hawe hau tamba kaṱara zwi khaḓi tswa mbilu dza vhathetshelesi.

“Ndo vhuya nga huhulu hone ndo vhuya kha vhudzulo hanga kha muzika wa tshingondo. Musi ndi tshi anḓadza luimbo nga ṅwedzi wa Lambamai ṅwaha uno, hovha hu na vhe vha vha vho no ṅwala ngaṋeavhutshilo yanga, vha tshiri kha muzika ndo wa hone ndo livha tshaloni kha sia ḽa muzika. Ndo fulufhedzisa vhatevheli vhanga uri ndi ḓo vhuya na aḽibamu ya bvumo, zwino khezwi namusi ndi fhano ndo wedza pfulufhedziso yanga,” a amba.

Mu Afrika o amba zwauri ha athu u ḓi wana e na ṱhahelelo ya zwishumiswa uri aḽibamu i anḓadzwe fhedzi o anḓadza nyimbo nthihi hu nḓila yau ṱoḓa u vhona arali atshe na tshikhala mbiluni dza vhatevheli vhawe. “Ri tshi amba zwa zwino, ndi na nyimbo dzine dzo dzula dzo lindela lune ndi nga anḓadza aḽibamu zwino, sa izwi ndi tshi ḽa, nda ṅwa nda tshila muzika,” a amba.

Ramuzika uyu wa bvumo u dovha hafhu avha maine. A tshi vhudziswa uri uzwi kona hani u lafha vhathu a dovha hafhu a sika mizika, Mu Afrika o amba zwauri vhadzimu ndi vhone vhane vha ḓivha sa izwi hu vhone vhane vha dzudzanya nḓila dzawe.

Aḽibamu yawe i khou wanala kha zwileludzi zwau wana muzika zwa zwino.

Date:18 July 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 128