ADVERTISEMENT:
Dr Mulalo I “Bhamba Muphandi” Mutoti. Tshifanyiso tsho bveledzwa.
Tshiṱori nga: Maanda Bele. Ṱhalutshedzo nga: Khathutshelo Raliphaswa.
Ubva kha nḓivho ya zwa muzika uya kha nḓivho ya zwa pfunzo, ramuzika wa Venrap a dovha avha mubveledzi, Mulalo Mutoti, o sumbedzisa uri muthu ua kona u bveledza zwoṱhe zwavhuḓi arali muthu oḓi imisela kha zwine a ita. Bhamba Muphandi sa zwine a ḓivhiswa zwone kha nḓowetshumo ya muzika o ṱhaphudza pfunzo dzawe dza vhudokotela ha Environmental Science (Hydrology) ubva Yunivesithi ya Venda.
Zwezwi a khou pembela u ṱhaphudza pfunzo dzawe, o ḓou dovha hafhu avha a khou anḓadza aḽibamu yawe ye vhathu vhovha vhoi lindela ine ya vhidzwa "Ṱhoho dza Mafhungo".
Bhamba o bebwa a luswa Tshikhudini he nga murahu ha minwaha a pfulutshela Ṱhohoyanḓou Block J. Kha nḓowetshumo ya muzika, Bhamba u touvha ṱhuṱhuwedzo kha vhanzhi he zwa muzika wa hip-hop ya Tshivenda o thoma nga ṅwaha wa gidimbili fumi. Aḽibamu yawe ye a dzhena ngayo kha nḓowesthumo ya muzika ndi aḽibamu ya “Down to Earth”, ye yavha yo hwala maḓinga a fanaho na “Masindi”, “Zwamutani”, “Vhuyani Hayani”, na “This life is Hard”, dze dza ita bvumo u mona na Afrika Tshipembe loṱhe dzi tshi lidzwa kha zwiṱitshi zwa radio zwau fhambana. Ṅamusi, Bhamba u vhalwa kha vhoramuzika vhe vha bveledza dzi aḽibamu dze dza shuma zwavhuḓi kha nḓowetshumo ya muzika wa hip-hop ya Tshivenda. Aḽibamu iyo ya “Down to Earth” ndi ye ya kunda ngayo kha tshiteṅwa tsha ramuzika muswa kha pfufho dza Tshivenda Music Awards (TSHIMA).
Zwa zwino Bhamba ndi mugudisi wa gudedzini ḽa Tshwane University of Technology (TUT), hone uri ṱhoḓisio kana thero yawe kha PhD yawe ovha oi sendeka kha zwifuwo zwa maḓini.
“Nga nḓivho yanga, ahuna ngudo dzo no itwaho kha u tshikafhadzwa ha migayo nga tshifhinga tsha u gaiwa hu tshi shumiswa maḓi o tshikafhadzwaho nga cyanobacteria na cyanotoxins. Ṱhoḓisiso yanga yo bveledzwa uri cyanotoxins dzi nga pfukhiswa ubva kha maḓi o tshikafhadzwaho uya kha zwiḽiwa musi zwiḽiwa zwi tshi bveledzwa, zwine zwavha ṱhoḓea khauri muthu a wanale e na cyanotoxins,” a amba.
Kha sia ḽa zwa muzika, Bhamba uri aḽibamu yawe ntswa yo ṱuṱuwedzwa nga lufuno na dzangalelo ḽawe kha muzika.
“Lufuno lwau ṅwala nau bveledza milaedza zwo ḓa sa ṱhuṱhuwedzo kha heyi aḽibamu. Ndovha ndi khou ṱoḓa u ṱuṱuwedza vhaṅwe uri vha ite zwine vha zwi takalela nau funa zwine vha ita misi yoṱhe,” a amba.
Bhamba o amba zwauri ṱhoḓisiso yawe kha PhD yawe zwo ṱuṱuwedza muzika wawe.
“Muthu a khou ita zwa vhudokotela ha PhD uvha na tshifhinga tshinzhi tshau vhala, zwo ralo muthu u kona u ṱuṱula nau khwinifhadza nḓila ya kuhumbulele, zworalo milaedza kha muzika uvha wo ḓalaho milaedza na nḓivho khayo. Danu tou humbula ni khou vhala maṅwalo maṱanu na bugu nga vhege nthihi, milaeda yanu kha muzika ivha yo ḓalaho nḓivho na vhuṱali khayo,” O amba uri u langula tshifhinga tshawe zwo shela mulenzhe kha u kona u swikelela PhD yawe nau anḓadza alibamu yawe ntswa nga tshifhinga tshithihi.
Zwa zwino Bhamba u na aḽibamu mbili, alibamu ya “Down to Earth” ya 2013, na aḽibamu ya “Ṱhoho dza Mafhungo” ya naṅwaha na aḽibamu thangeli dzawe mbili, ya “My inventions” ya 2015 na ya “The Black Cover”. U dovha hafhu avha na aḽibamu thangeli ya ṱhanganyelo na Makhadzi na Prifix, ine ya vhidzwa “Vhaphandi” ye ya anḓadzwa nga ṅwaha wa 2016.
Date:12 June 2024
Maanda Bele, born and raised in Nzhelele Siloam, studied journalism at the Tshwane University of Technology.
He is passionate about current news and international affairs.
He worked as part of the Zoutnet team as an intern in 2017.
He is currently a freelance journalist specialising in news from the Vhembe district.
Read: 207
ADVERTISEMENT
ADVERTISEMENT:
As South Africa continues its pursuit of economic growth and industrial sustainability, attention is being drawn to a crucial yet often overlooked segment of the workforce: artisans. Acknowledging this need, the Manufacturing, Engineering and Related Services Sector Education and Training Authority (merSETA) has become a major role player in the Decade of the Artisan (DoA) initiative of the Department of Higher Education and Training (DHET).
ADVERTISEMENT:
ADVERTISEMENT