ADVERTISEMENT:

 
 

Miraḓo ya tshigwada tsha Ro Takuwa Nayo Sialala. Tshifanyiso tsho bveledzwa. 

Ahuna zwo khakheaho nga mvelele ya Vhavenda – Ro takuwa Nayo Sialala

 

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Tshigwada tsha sialala ya Tshivenda, Ro Takuwa Nayo Sialala vho ḓi imisela u kovhela mirafho i ḓaho nḓivho ye vha i wana kha vhomakhulukuku wavho. Tshigwada itshi tshine tshavha na miraḓo i paḓaho fuṱhanu vha bvaho kha muvhundu wa Haluvhimbi tsho sikwa minwaha minzhi yo fhiraho nga vhaaluwa vha kha muvhundu uyo. Vho kunda kha muṱaṱisano wamitshino wa zwa sialala we wa farwaho khala Masisi huwelwaho fhasi hamasipala wa Musina he vha kunda kha muṱaṱisano uyo. Sa tshipiḓa tsha mbekanyamushumo ine yaya vhathuni, vho ḓou mbvumbvusa vhathu ngei Ṱhohoyanḓou nga mafhelo a vhege.

Kha nyambedzano na vha nyanḓadza mafhungo ya Limpopo Mirror, murangaphanḓa wa tshigwada itsho Reverend Mukoma Mukwevho vho thudzela kule fhungo ḽauri zwithu zwa sialala ndi zwine zwa itwa nga vhahedeni fhedzi."Vhathu vhahashu vho xedzwa nga vhabvannḓa vhe vha ḓa vha ḓivhadza vhathu nga ha vhurereli ha tshikiresite kha shango ḽashu,” vha amba.” Hevha vhathu vhoḓa vha fhandekana lushaka lwa vhathu vhashu. Vhane vha ita zwa vhurereli ha tshirema vho ḓou thudzelwa kule hune havha na vhane vha ita zwa vhurereli ha tshikhirisite sa izwi vhovha vha tshi ḓivhiwa sa ‘vhahedeni’. Ḓivhazwakale heyo ine yavha tshilonda kha lushaka lwahashu i fanela u thudzelwa kule hau shumiswa maitele maswa. Zwi ita uri lushaka lwa Vhavenda ri vhonale sa lushaka luṱuku musi ri tshi vhambedzwa na dziṅwe tshaka kana vhurereli. Vhuṅwe vhurereli vha ḓi hudza nga zwine vhavha zwone, zwine rine ndi ngani ri tshi fanela u furalela sialala na maitele ashu ri tshi itele vhurereli ha tshikhirisite? .Nne ndo rali ndi mufunzi, fhedzi athinga ḓo furalela zwahashu. Muvenḓa are kha nne hangaḓo vuwa o laṱwa nga tshithu kana muṅwe muthu. Ndi Muvenda ndi sa athu uvha mufunzi,” vha amba.

Vho Mukwevho vho ḓou bvela phanḓa nau amba zwauri mitshino ya siala u fana na tshigombela, malende, tshikona, matangwa na tshifasi zwi khou gudiswa vhaswa na vhaaluwa kha muvhundu washu. “Ari ḓivhi uri naa tshigwada itshi tsho sikwa lini. Tshovha tshi hone ri sa athu u bebwa. Ro tou bvela phanḓa he vhaaluwa vha guma hone, hone rine ri khou fhirisela kha mirafho iḓaho vha tshe vhaṱuku. Sialala na maitele ashu ha ngaḓo guma zwino, hone zwine zwa mangadza ndiuri avho vhane vha sasaladza zwine ra ita ndi vhone vhane vha ri fhululedza musi ri tshi sumbedzisa vhukoni hashu. Mitshino ya sialala i fhano lwa tshoṱhe. Vha mbvumbvusa, vha dededza nga ha nḓila ya vhuḓifari na matshilisano na vhathu, vha dovha hafhu vha ṱuṱula ṱhonipho kha muthu. Ri humbela uri vhabebi na vhana vha ḓi dzhenise kha zwithu zwa sialala,” vha engedza.

Vhane vha takalela uvha tshipiḓa tsha tshigwada itshi vha nga founela Reverend Mukwevho kha nomboro dza 072 116 9716.

 

 

 

 

 

Date:20 June 2024

By:

Read: 69

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT