ADVERTISEMENT:

 
 

Vhana vhana vhe vha bebwa Khubvi nga Khubvumedzi 2010va kha monde ndi Urangani, Uhone, Ipfi, na Tondani. Tshifanyiso: Lithole Photos

“U alusa vhana vhana vhe vha bebwa khathihi ndi khaedu”

 

Tshitori nga: Victor Mukwevho. Thalutshedzo nga: Khathutshelo Raliphaswa.

Nga la fumi  Khubvumedzi nwaha wa gidimbili fumi, Vho Patricia Ambani vha bvaho kha la Khubvi vho dou fhatutshedzwa nga vhana vhana nga tshifhinga tshithihi, nyandadza Mafhungo ya Limpopo Mirror yovha inwe ya nyandadza Mafhungo dze dza andadza Tshitori nga vhana avho. Vhana avho ndi Urangani, Uhone, Ipfi na Tondani (ene musidzana e ethe).

U bebwa ha vhana avho zwo kwama mbilu dza vhanzhi u mona na Khubvi na vhanwe vha zwisi zwa kule u fana na Thohoyandou. Vhadzulapo, vhafaramikovhe, madzangano, mihasho ya Muvhuso, na vhanwe vhaofisiri vho da nga Tshivhalo vha fulufhedzisa Vho Ambani zwino na zwila uri vha do tikedza Vho Ambani khau thogomela vhana vhavho. Zwa zwino ho no Fhela minwaha I hovhelelaho ya fumi-na-ina, fhedzi ahuna zwinzhi zwe vhathu vha thusa ngazwo.

Kha vhana vaho vhana, vhararu zwa zwino vha kha murole wa vhumalo, ngeno muthihi a khou dovholosa murole wa vhusumbe. Zwezwi vha khou aluwa, na thodea dzavho dzo engedzea. Vha Limpopo Mirror vho dou lingedza u wana vhana avha na muta wavho ngei Khubvi, uri vha kone u divha uri naa vhana vha khou aluwa hani hone vha muta vha khou tshila kha tshiimo tsha tshivhumbeode zwa zwino. Vha nyandadza Mafhungo vho dou vhudziwa nga ha u kundelwa hune vha muta vha khou tangana naho khau alusa vhana avho.

Zwinwe zwe ra dovha hafhu ra zwi wana ndiuri vhunzhi ha pfulufhedziso dze dza diswa kha vha muta nga vhaofisiri na vha mihasho uya ngau fhambana ahuna dze dza wedzwa. Malume a vhana avha, Vho Humbulani Nesthitungulu, vho amba zwauri muta u tangana na vhuleme uri vha alusa vhana avha vho tou sedzana na muholo wamme fhedzi, vhane vhavha mulindi wa tsireledzo.

“Nga murahu hau bebiwa ha vhana avha, hovha na vhueni vhunzhi mudini vha tshi fhululedza Vho Ambani kha mpho dzavho. Ndi humbula hu tshi swika MEC vha zwa mutakalo Vho Merriam Sekgabutla vho disa maleri vha ita nauri fulufhedzisa uri vha do dovha hafhu vha da u disa zwinwe zwishumiswa. Na Nedoro vha Vhembe Vho Tshitereke Matibe vho davho na zwavho vha amba uri vha do thusa khau alusa vhana avha. Ubva nwaha uyo, vhothe ahuna e a vhuya hafhu,  vha engedza.”

Vhanwe vhoramabindu khapo vhe vhavha vha songo fulufhedzisa zwino na zwila nga tshifhinga tshau tanganedzwa ha vhana vho da vha nea zwe vha kone kha vhana. Munwe wa Vhoramabindu, Vho Benjie Nesthisahu, vho vha vha tshi nea vha muta masheleni a linganaho madana matanu nga nwedzi, u vhuya u swika Vho Netshisahu vha tshi lovha. Nwana wavho o dou bvela phanda na u netshedza masheleni ayo fhedzi a litsha vhukati.

“Munwe ramabindu, Vho Siala Netshishivhe vha Adziambei Foundation, vho fhatela muta uyo nndu nga nwaha wa 2020. Ri livhuwa thikhedzo yothe ye ra I wana tshe vhana vha bebwa, fhezi ri tshe ro lindela dzinwe pfulufhedziso uri dzi anwe mitshelo,” Vho Netshitungulu vha amba.

Vho engedza zwauri vha muta vha toda thikhedzo zwino u fhira zwifhinga zwa murahu. “Vhana vha khou aluwa, hone na thodea dzavho dzi khou engedzea. Zwa zwino vha toda zwishumiswa zwa tshikoloni, na tshelede yau renga tshikoloni. Vha muta vho tangana na vhuleme zwi tshi tevhela u lovha ha khotsi a vhana avha, nwaha uno. Hone Vho Ambani na vhana vha khou tangana na khaedu zwi tshi da khau wana ndaka saizwi vhovha vho mala vhanwe vhafumakadzi. Zworalo, vhanwe vhana vhavhili vho kombetshedzea u litsha magudedzini sa izwi mme avho vhovha vha khou kundelwa u badela mbadelo dza magudedzini. Zwa zwino vhana vha toda thuso nga zwithu zwinzhi. U thogomela vhana vharathi a zwingo leluwa na luthihi,” Vha engedza.

 

Date:12 June 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 154

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT