Muṱa wa ha Chauke wo vuswa nga masinḓambilu nḓuni yavho.

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Vha muṱa wa ha Chauke ngei Jerome, nnḓa nyana ha Malamulele, vho bvelelwa nga tshiwo tshe tsha sia vho vhoakhamala. Tshiwo itsho tsho itea nga awara dza nga maḓautsha (03:00), he vhari vho eḓela vha vuswa nga phosho. Ndi he vhari vha tshi ya u vhona zwe zwa itea, vha wana uri goloi yo kwasha luvhondo lwa nnḓu ya dzhena ngomu nḓuni.

Muraḓo wa muṱa Vho Joseph Chauke vho amba zwauri vhathu vhoṱhe vho vha vho eḓela ngomu nḓuni musi zwi tshi itea, vhoṱhe vho ḓou vuswa nga phosho iyo ya uwa ha luvhondo. “Nnḓu iyi ndi ya mukomana wanga ane zwa zwino u dzula Cape Town, hone muṅwe wa vharwa vhawe na mufumakadzi wawe vhovha vhe afho nḓuni musi zwi tshi itea. Avha tou zwi humbula vha khou vuwa vha wana goloi ngomu nḓuni uri zwi shusha hani kha muthu. Ri tou livhuwa mudzimu uri o phulusa matshilo avho hone ahuna muraḓo wa muṱa washu ea huvhala kha tshiwo itshi,” vha amba.

Vho Chauke vho amba zwauri vhe vhavha vhe nga ngomu ha goloi iyo hovha hu munna na mufumakadzi, hone vho sumbedza vhovha vho nwa zwikambi. Mashudu mavhuya mune wa goloi vho fulufhedzisa vha muṱa uri vha ḓo lugisa  tshinylelo yoṱhe ya nḓuni.

Mukhantselara wapo, Vho Always Baloyi vho ṱahisa u vhilaedzwa nga tshiwo itshi. “U vhona vhathu vha tshi nwa vha reila zwia vhilaedzisa, zwihulu musi vha tshi zwi ita vhusiku na nga maḓautsha. Uya nga muvhigo we ra u wana, mureili, ena muthu wa mufumakdzi, o balelwa u langa tshiendedzi tshawe tshe tshavha tshi khou gidima nga luvhilo luhulu a fhedzisela o tshaisa luvhondo. Izwi zwia vhilaedzisa sa izwi husi u thoma zwi tshi itea kha muvhundu uyu. Ri pfa ri songo tsireledzea nḓuni dzashu nga havha vhareili vhane vha reila zwiendedzi vho nwa zwikambi,” vha amba.

Muambeli wa mapholisa tshiṱirikini tsha Vhembe W/O Vuledzani Dathi vho khwaṱhisedza tshiwo itsho he vha amba zwauri vha khou sedzulusa malugana na goloi ya Toyota Hilux tshena ye ya rwa luvhondo lwa nnḓu kusini kwa Roadhuis nga Mugivhela wa ḽa fumbili-mbili Fulwi. Mureili Vho Jabulani Justice Mdunwazi (34) vha bvaho Jerome n mufumakdzi Vho Sophie Mathebula (31) vhane vha bva Roadhuis vho bva vho huvhala he vha hwalelwa vhuongeloni ha Hamalamulele u wana thuso.

Date:28 June 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 71