Vhafaramikovhe vhatuku vhari vha ṱoḓa masheleni murahu nau vulwa ha VBS.

Tshiṱori nga Elmon Tshikhudo. Ṱhalutshedzo nga Khathutshelo Raliphaswa.

Tshigwada tsha vhathu vhane vha ḓi vhidza vhafaramikovhe vhaṱuku vha bannga yowaho ya VBS vhovha vhe na guvhangano na vhoramafhungo fhala hodelani ya Graceland Ṱhohoyanḓou nga Ḽavhuvhili, nga tshifhinga tsha nyambedzano na vhoramafhungo vho ḓou ita khumbelo uri masheleni o ṱangulwaho ubva kha vhathu vhavha vhobannga na banana iyo a humiselwe murahu. Vha dovha hafhu vha ṱoḓa bannga uri i vusuludzwe nau vulwa hafhu vhe na thuse ya vhalambedzi vhe vhavha wana.

Nga tshifhinga tsha nyambedzano yavho na vha nyanḓadza mafhungo, mudzulatshidulo wa foramu, Vho Madambi Muvhulawa vho amba zwauri foramu i khou ṱanganedza zwe vha ndaulo ya lushaka (NPA) vha bveledzwa nga kha mulandu uyu. Vha foramu vho amba zwauri vho takala uri Vho Tshifhiwa Matodzi vho wanwa mulandu hone vho gwevhiwa minwaha ine ya vha fanela kha vhutshinyi he vha ita.

“Zwine zwa khou itea zwino ndi zwavhuḓi kha rine. U tenda mulandu ha Vho Matodzi nau amba vhaṅwe vhathu vhane vha kwamea kha u ṱangulwa masheleni a swikaho biḽiyoni mbili wa dzi rannda zwi ḓo nea vha NPA vhuṅwe vhuṱanzi. Ri tenda zwauri vhaṅwe vhanzhi vha ḓo farwa kha mulandu uyu, fhedzi zwe rine ra sedzana nazwo zwa zwino ndi masheleni e a lozwea. Vha fanela u badela murahu masheleni a vhathu,” vha amba.

Vho Muvhulawa vho amba zwauri ubva tshe mafhungo aya a thoma nga ṅwaha wa 2018, vho ḓi founela muvhuso uri vha kone u dzhenelela nau vusuludza bannga iyi ya VBS, fhedzi vha si wane thuso ubva kha muvhuso. “Ri tenda zwauri ahuna zwau lingana zwe zwa itiwa u phulusa bannga yashu, u fana na zwe zwa itiwa u vusuludza dziṅwe bannga. Zwe zwa nanisa mbilaelo dzashu ndi uri rovha ri sa khou ḓivhadzwa nga ha zwine zwa khou itea malugana na mulandu uyu. Tsheo yau vala bannga yo dzhiiwa nga tshihaḓu zwi songo fanela, fhedzi ri tenda zwauri hu na vha Wakanda Smart City Consortium, muḽoro washu wau vusuludza nau vula hafhu bannga u ḓo wedza,” Vho Muvhulawa vha amba.

Muṅwaleli wa foramu, Vho Robert Livhoyi  vho amba zwauri kha masheleni a paḓaho biḽiyoni dza 1.9 e a ṱangulwa, ho tou wanwa murahu miḽiyoni dza ḓana fuṱhanu fhedzi.

Vho Mabitsela Malefane vhane vhavha vha Wakanda Smart City Consortium vho amba zwauri ndi kale vha khou davhidzana na vhafaramikovhe vhau fhambana lwa minwaha vha tshi lingedza u vusuludza bannga. Vhari vha sola vha ndayotewa ya Limpopo uri vho thithisa nḓila ye zwavha zwi khou tshimbila ngayo.

Date:26 July 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 163