Seani u khou lugisela nndwa yawe ya Johannesburg.

Tshiṱori nga: Victor Mukwevho. Ṱhalutshedzo nga: Khathutshelo Raliphaswa.

Ramavili wapo ha Vhembe wa mufumakadzi ane avha Seani Morite u khou ḓi lugisela nndwa yawe yau thoma ine a ḓo i lwa na Lee-Ann Janse Van Vuuren holoni ya Klipriviersberg nga ḽa fumbili-mbili Fulwi.

Morite, ane o ḓala nga fulufhelo kha ene mune, o amba zwauri una fulufhelo ḽauri u ḓo kunda kha nndwa iyi naho asina ḓivhazwakale ngaha Lee-Ann kha zwa uvha ramavili. Vhuḓifulufheli ha Morite ndi hune ha ṱuṱulwa nga fhethu hune a ita nḓowe-nḓowe dzawe hone, hu tshi katelwa nauri u ita nḓowe-nḓowe dzawe na vhoramavili vha vhanna.

“Nga mvelo, vhanna vha na mavili a fhiraho a vhafumakadzi, hone arali muthu a lwa na vhanna lwau swika luṱanu nga tshifhinga tsha dzi nḓowe-nḓowe, muthu u fanela u zwi ḓivha uri una nungo hone o lugela u lwa luvhanḓeni,” a amba.” Zwoṱhe zwo luga kha nṋe, ndo ḓi lugela u lwa nae.”

Mugudisi wawe vha dovha hafhu vhavha mulangi wawe, Vho John “Smoking Joe” Nemakonde, vho khwinifhadza zwifhinga zwau ita dzi nḓowe-nḓowe musi vhoramavili vhavho vhararu vho kundiwa kha nndwa dze dza lwiwa Cape Town. Nga hone u ṱoḓa u bveledza mvelelo dzavhuḓi, Vho Nemakonde vho ḓi imisela u shumisa maiitele a usa luvhelela muthu.

“Naho risina zwishumiswa zwo fanelaho zwau ita nḓowe-nḓowe dza vhoramavili kha rine, ri ḓo shuma roḓi nekedzela na uḓi funga. Ari ṱoḓi zwishumiswa u ita dzi push-up, roadwork na nḓowenḓowe dza thumbu. Ndo vha vhalela ḽiṅwalo ḽa riot act nga Musumbuluwo wa ino vhege. Muthu u shuma oḓi nekedzela hone nga maanḓa kana a ṱuwa kha rine. Ahuna vhoramavili vhane a vhango ḓi imisela kha zwa mutambo wa vhoramavili fhano,” vha amba.

Date:20 June 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 129