Vhutsila ha Mukhodeni ho tswa mbilu dza vhanzhi.

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Mukhodeni Lidzhegu wa minwaha ya 22, ane a bva Waterval, Elim u khou di sikela dzina kha nḓowetshumo ya zwau bveledza zwiambaro. Izwi u khou zwi ita nga kha vhutsila hau ṱanganyisa vhutsila hofhambanaho zwavhudisa nau shumisa uḽu uzwi bveledza. Sa muthu are na iṱo ḽa vhutsila na dzangalelo ḽau bveledza, Mukhodeni o ḓou ḓi gudisa zwau khurushetha zwe zwa tswa mbilu na maṱo a vhanzhi.

Sa mutshudeni ane o ṱhaphudza pfunzo kha buḓo ḽa Environmental Science ubva Yunivesithi ya Venda, Mukhodeni uri tshipikwa tshawe ndi u ḓisela vhathu zwibveledzwa zwiswa zwine zwa swikelelea nauvha zwa fhethu hune ha dzula vhathu vhoṱhe. Mukhodeni sa muthu ane a pfesesa zwithu zwa vhupo na nḓila dzazwo, inwe ya ndivho dzawe ndi u tsireledza vhupo hashu nga nḓila dzau fhambana.

“Ndi funa zwau shumisa zwishumiswa zwine zwavha zwavhuḓi kha vhupo hone na nḓila dzanga dzine nda shumisa u bveledza zwibveledzwa zwanga, ndi ḓi nea tshifhinga tshau alusa nḓila dza zwa lunako. Zworalo u tangana na pfunzo dzanga ndo engedza nḓivho yanga nga ha vhupo na lutamo lwanga lwau bveledza zwibveledzwa zwine zwavha zwavhuḓi kha vhathu, zwine nda zwi shumisa kha u khurushetha,” a amba.

Lwendo lwa Mukhodeni kha zwau khurushetha zwo thoma nga nwaha wa 2020 nga tshifhinga tshau valwa ha shango nga tshifhinga tshau ṱaha ha dwadze tshifu la Covid-19, o ḓou kwinifhadza vhukoni hawe ngau guda nḓila dzau khurushetha nga kha dzi YouTube, he a kona uvha na ḽimaga ḽawe ḽine ḽa vhidzwa Khodi’s Knitwear. Zwenezwi a kha lwendo lwawe o ṱangana nakhaedu u fana na u wana zwishumiswa zwau runga nau ḓivha nga ha bindu ḽa zwau bveledza. Ovha wa mashudu avha na thikhedzo ubva kha vhabebi vhawe, Vho Rudzani na Vho Norman Lidzhegu.

Zwibveledzwa zwawe hu katelwa u runga zwiambaro zwau bambela na zwiambaro zwa u dudela zwine azwi nakisedza, a dovha hafhu a runga na miṅadzi na magilafu. Uri muthu ane a mu ṱuṱuwedza kha zwau bveledza ndi Katy Shidzinga, e amu khoḓa zwihulu nga tshifhinga tsha nyambedzano yawe na vha nyanḓadza mafhungo ya Limpopo Mirror, a engedza nauri u tama u swikelela hune Katy avha hone nga kha vhukoni na vhutsila kha zwau bveledzwa zwiambaro.

“Ndi dovha hafhu nda nea vhathu tshumelo dza tshipentshele kha vhane vhavha vha khou ṱoḓa zwibveledzwa zwo khetheaho. Vhathu vhanga vha takalela nḓila ine nda nakisedza ngayo na vhutsila vhune havha vhu hone kha zwiambaro zwavho,” a vhina.

Date:06 June 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 158