ADVERTISEMENT:

 
 

Vhuongelo ha Louis Trchardt Memorial. Tshifanyiso: Kaizer Nengovhela.

Vhaongiwa vha Louis Trichardt vhari vha ima tshifhinga tshilapfu u thuswa

 

Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.

Vhaongiwa vha vhuongelo ha Louis Trichardt Memorial vha khou bvela phanḓa na mbilaelo dzavho zwi tshi tevhela u ima lwa tshifhinga tshilapfu vho lindela u thuswa nga ṱhoḓea dza zwa mutakalo. Uya nga vhaongiwa vha tshivhalo vhe vha dalela vhuongelo uho, vhari vha dzula lwa awara dzi paḓaho dza rathi vha sa athu u thuswa, maṅwe maḓuvha vhaṅwe vha a twa vhuongeloni uho ḓuvha loṱhe vha songo thusalea.

Muṅwe wa vhaongiwa, Vho Idah Mutele, vho amba zwauri vhaongiwa vhane vha bva mivhunduni i fanaho na Sinthumule/Kutama na Tshikota vha dzulela u swika nga matambandoy hone  ḓuvha ḽitovhuya ḽa wela vha songo thuswa nga tshithu. Muṅwe muongiwa e a hana u bulwa dzina o amba zwauri o no ḓi ima lwa awara dzi paḓaho dza fumi a sa thu u ṱhusalea.

Vho Samuel Mukhathedzwa, vha minwaha ya furathi-mbili, vho ṱalusa tshiimo tsha nyimele iyi, he vha amba zwauri vhaongiwa vha ima nnḓa na mutsho u rotholaho hune huṅwe vha fhedza vha songo thusalea. “Azwingo leluwa u ima nnḓa na phepho muthu o lindela u thuswa. Vhaṅwe vhashu ri humela mahayani ri songo thusalea. Ndi kale zwi tshi khou itea kha vhuongelo uhu, hune ahuna nau khwinifhadzwa ha tshiimo hune ha khou itiwa. Mutakalo wanga u khomboni. Zwa zwino ndo neta muhumbulo na namani nga zwine ra ṱangana nazwo vhuongeloni ha Louis Trichardt Memorial,” Vha amba.

Musi vha nyanḓadza mafhungo ya Limpopo Mirror vha tshi dalela vhuongelo uho, vho wana vhaongiwa vho ima kha miduba ya nnḓa milapfu, he vhunzhe ha vhaongiwa vhavha vha khou ṱahisa usa farea zwavhuḓi sa izwi vhovha vha sa khou thusiwa nga zwe vha ḓela zwone. Tshumelo ya vhuongelo uhu ndi zwine zwa vhilaedzisa vhanzhi vhane vhavha na zwiimo zwa malwadze a shishi na vhaaluwa.

Muambeli wa muhasho wa mutakalo Vho Neil Shikwambana, vho ṱalutshedza zwauri vhuongele uho vhu ḓisa tshumelo kha vhathu vha paḓaho miḽiyoni nthihi hone vhuongelo uho ho tikwa nga kiḽiniki ṱhanu dziwelaho fhasi havhuomgelo uvhu. Vho amba zwauri vhaongiwa vhanzhi vhane vha dalela vhuongelo uhu vhari kha kiḽiniki dza tsini kana dza mahayani dzivha dzi si na tshumelo dzine vha ṱoḓa, vho engedza zwauri tshinye tshivhangi ndi u ḓalesa ha vhathu vhuongeloni uho.

Vho Shikwambana vho amba zwauri nga ḽa ṱahe Shundunthule ho itwa maano e ha ḓivhadzwa tshitshavha nga ha khaedu dzine vhuongelo uho ha khou ṱangana nadzo he ha swikwa kha u wana thandululo nga tshifhinga tsha muṱangano we wa farelwa ofisini dza khoro dza Sinthumule, hune zwa zwino vho lindela u dalela ofisi dza khoro dza Kutama. Vho engedza zwauri vhaongiwa avha khou tevhedza datumu dzo vhetshelwaho vhaongiwa izwi zwa siwka khauri huvha na miduba milapfu. Vho Shikwambana vho amba zwauri muhasho u khou tandulula khaedu ya thahelelo ya vhashumi ngau shumisa sisiṱeme nntswa yau sielisana ha vhashumi uri vha kone u shuma zwavhuḓi u thusa vhaongiwa.

 

Date:10 June 2024

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 191

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT