ADVERTISEMENT:
Tshigwada tsha tshikona tsha Tshwane vhe vha mbvumbvusa vhathu ngei Sunnyside Pretoria. Tshifanyiso: Vhafunzi Vho Chris Mamedzi.
Ṱhalutshedzo nga Khathutshelo Raliphaswa.
Sa nḓila yau ḓivhadza Vhavenda na dziṅwe tshaka nga ha mvelele ya Vhavenda nau vha ṱanganya , vhanna vha Vhavenda vhane vha dzula khavundu la Gauteng vho ḓou ita ṱhanganyela vha vhumba tshigwada tsha mutshino wa tshikona. Tshigwada itsho tshe tsha thoma nga ṅwaha wa 2017 nga vhafunzi Vho Chris Mamedzi, vho ḓou aluwa vhavha tshiṅwe tsha zwigwada zwine zwa khou aluwa zwavhuḓi kha nḓowetshumo ya vhumbvumbvusi hone ndi tshigwada tshine tsha funeswa ḓoroboni ya Tshwane. Tshigwada itshi tshi dovha hafhu tsha ṱoḓa vhathu vha dziṅwe tshaka uri vhavhe tshipiḓa tsha mbekanyamushumo yavho ya matshilisano.
Vhafunzi vhoru vhatshe muswa vhovha na muḽoro we wa thoma vhe na miraḓo miṱanu fhedzi tshigwada tsha ḓou aluwa hune zwa zwino hu na miraḓo ya fuiṋa ubva kha tshaka dzau fhambana u mona na vunḓu. Vha ita nḓowenḓowe dzavho kerekeni vha tshi fulufhela zwauri izwi zwi ḓo fhungudza u monamona ha vhatukana vhaswa masosani na zwiṱaraṱani vha si na zwine vha ita.
Vhafunzi Vho Mamedzi vho amba zwauri vho aluwa vhuponi ha mahayani he mutshino wa tshikona wovha wo ḓowelea sa tshipiḓa tshau mbvumbvusa vhathu nga zwifhinga zwa vhuṱambo hau fhambana. “Sa mufunzi vhane vha wanala Tshwane, ndo pfa uri zwo fanela uri ndi ite zwiṅwe zwine zwa ḓo vusa mvelele yashu fhano ḓoroboni. Muhumbulo we wa thoma u ḓa kha nṋe hovha wau ḓisa tshikona ḓoroboni,” vha amba.
Muhumbulo wavho wo ḓou tikedzwa nga vhashwuhana vhane wanala ḓoroboni vhe vha vhona bono ḽe vhavha vhe naḽo. Vho ḓou ḓa na dzinanga, he mashudu , Dr William Madzinge vha tshivhidzo tsha CWC vha vha ṋea ngoma khulwane. Tshigwada tsho ḓou thoma na zwenezwo he vha thoma u ita nḓowenḓowe dzavho nga ṅwaha wa 2023.
“Ri tshigwada tsha tshaka dzau fhambana, hone ri tevhedza pfunzo dza bivhilini hune ha ambiwa zwauri ri fanela u lidza mirumba ra lidza nga nḓila dzau fhambana uri ri kone u sumbedzisa dakalo ḽashu. Ahu tsha touvha tshigwada tsha u tshina fhedzi, ro no touvha muṱa. Musi ri tshi ṱangana, rivha na zwiteṅwa zwau davhidzana hune vhanna vha amba vho vhofholowa nga ha khaedu na zwine vho no swikelela matshiloni avho,” vha amba.
Vhaṅwe vha miraḓo vhovha vha sa shumi musi vha tshi swika fhano lwau tou thoma, fhedzi nga kha u davhidzana nau thusana sa zwine miraḓo ya tshigwada vha itisa zwone, vhaṅwe vhavho vho no wana mishumo kha zwiimiswa zwau fhambana.
“Hezwi zwi khou dovha hafhu zwa ri thusa khau vusuludza mvelele yashu. Musi vhathu vhe kule na vhubvo havho, vha mbo hangwa nga ha vhone vhane. Ahuna zwine zwa ḓo ri thivhela khau vhulunga mvelele yashu,” Vho Mamedzi vha amba.
Vhane ha takalela uvha tshipiḓa tsha tshigwada itshi vha nga kwama Vho Mamedzi kha nomboro dza 072 2398 750.
Date:24 July 2024
Read: 178
ADVERTISEMENT
ADVERTISEMENT:
As South Africa continues its pursuit of economic growth and industrial sustainability, attention is being drawn to a crucial yet often overlooked segment of the workforce: artisans. Acknowledging this need, the Manufacturing, Engineering and Related Services Sector Education and Training Authority (merSETA) has become a major role player in the Decade of the Artisan (DoA) initiative of the Department of Higher Education and Training (DHET).
ADVERTISEMENT:
ADVERTISEMENT