Rebecca wa Univen o khethwa u imelela SA Germany

Tshitori nga: Thembi Siaga. Thalutshedzo nga: Khathutshelo Raliphaswa.

Rebecca Letsoalo wa minwaha ya fumbili-rathi, a bvaho Yunivesithi ya Venda o nangwa uḓo imelela Afrika Tshipembe kha muṱangano wa 2024 Lindau Nobel Laureate ngei Germany. Rebecca ndi mutshudeni wa masiṱasi kha buḓo ḽa Physics, ane abva kusini kwa Sebayeng ngei Polokwane.

Rebecca ndi muṅwe wa matshudeni a malo vha bvaho Afrika Tshipembe vhe vha nangwa nga vha Academy of Science of South Africa (ASSSAf) uri vha ḓo imelela shango ḽashu. Muṱangano uyo u ḓo farwa ubva nga ḽa furaru Fulwi u swika ḽa ṱhanu Fulwana.

Rebecca u na ṱhanziela ya digirii ya bachelor of science kha physics ye ai wana nga ṅwaha wa 2020 na digirii ya honours kha physics (cum laude) ye ai wana nga ṅwaha wa 2021 ubva Yunivesithi ya Limpopo. Minwaha mivhili yo fhiraho, o ḓou ḓi ṅwalisa kha nḓowetshumo ya masiṱasi kha physics Yunivesithi ya Venda, hone o sedzana nga maanḓa na material science (microsystems technology).

A tshi amba na vha Limpopo Mirror, o amba zwauri upfa o hulisea na uḓi kukumusa uri o khethwa kha vhaswa vhanzhi vhau mona na shango. “Ndi tshi sedza hune nda bva hone, hezwi zwi touvha zwihulu kha vhutshilo hanga na lwendo lwanga lwa zwa pfunzo. Azwi ambi u vhonala hanga fhethu sa muthu, hone zwi dovha hafhu zwa sumbedzisa uri zwine nda ita ndi zwa vhuṱhogwa na u shela hanga mulenzhe kha sia ḽa zwa saintsi. Ndi pfa ndi wa mashudu uneiwa hetshi tshikhala uri ndi kone u ambedzana na uvha na vhuṱumanyi na vha Nobel Laureates na vhaṅwe vhaswa vhane vha kha sia ḽa zwa saintsi u mona na ḽifhasi.”

ASSAf, sa tshipiḓa tsha tshiofisi tsha Lindau Foundation na u lambedzwa ubva kha muhasho wa Science and Innovation (DSI), vha khetha vhaswa vhane vhavha vhorasaintsi u mona na Afrika Tshipembe ṅwaha na ṅwaha. Miṱangano iyi ndi foramu ya vhorasaintsi vhaswa u mona na ḽifhasi vhane vha ambedzana nau amba nga ha Nobel Lareates kha ṱhoḓisiso dzavho na kha buḓo ḽavho ngau angaredza.

Rebecca uri u na ndavhelelo dzauri uḓo wana nḓivho nga ha nḓila ntswa dzine dza shumiswa zwino nau phuletshedza kha sia ḽa saintsi na maṅwe mabuḓo ane ya shumisana nao kha muṱangano uyu. Uri u ṱoḓa uvha na vhuṱumanyi na vhushaka na vhathu vhune ha ḓo mu thusa kha ṱhoḓisiso dzawe dza masiṱasi na buḓo ḽawe. “Zwihulu kha zwoṱhe, ndi ṱoḓa uri guvhangano heli ḽivhe mathomo a nyaluwo yanga kha vhutshilo na kha buḓo ḽanga sa rasaintsi ḽa vula minango kha zwikhala zwiswa na u shumisana na vhaṅwe vho rasaintsi,” a amba.

Date:26 June 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 122