Thundu dza Vhutshilo ‘Mukololo’ dzi khou hulisa mvelele ya Vhavenda.

Tshiṱori nga Maanda Bele. Ṱhalutshedzo nga Khathutshelo Raliphaswa.

Vhutshilo Ramahanedza u khou ḓi sikela dzina kha ḽifhasi ḽa vhubindudzi nga thundu dzawe dza u ḽela, dzine dzo fanyisedzwa maitele a Vhavenda au losha. ḽimaga iḽi, Mukololo, ḽi sumbedzisa zwine Vhutshilo avha na vhuṱumanyi ha khwine ha vhufa hawe na ndivho kana tshipikwa tshawe tshau vhuisa sialala na mvelele ya Vhavenda kha vhutshilo ha ḓuvha ḽiṅwe na ḽiṅwe ha vhathu.

Vhutshilo o thoma zwa mabindu nga murahu hau ṱhaphudza pfunzo dzawe kha zwa logistics management gudedzini ḽa Vaal Yunivesithi ya Thekinolodzhi. Naho o wana digirii yawe, Vhutshilo ovha a tshi dzulela uḓi vhona e muthu ane avha na dzangalelo kha zwithu zwine zwa ṱoḓa zwanḓa u fhira zwa dzi pfunzo. “Ndovha ndi tshi dzulela u tenda kha nṋe muṋe, hone ndi tshi zwiḓivha uri ndi muthu ane a ḓo bveledzwa zwinzhi zwavhuḓi vhutshiloni,” a amba.

Mukololo ndi ye ya thoma a tshi khou ṱoḓa u unḓa murwa wawe nga nḓila ya khwine. “U fanelwa nga zwoṱhe zwine a takalela, hone izwo ndi zwone zwine zwa nṱuṱuwedza uri ndi shume ndo khwaṱha. Ndi ṱoḓa u fhaṱa vhumatshelo ha khwine ha ṅwana wanga,” a amba. Izwi ndi ṱhuṱhuwedzo kha Vhutshilo zwe zwa mu ṱuṱuwedza uri a shandukise dzangalelo ḽawe uri aḽi ite bindu.

U thoma bindu iḽi ḽa dzi thundu zwovha zwi songo leluwa. Vhutshilo o ṱangana na khaedu yau guda u bveledza, thengiso, na khunguwedzo. “Ndovha tshipiḓa tsha tshiṅwe na tshiṅwe nga tshifhinga tshau bveledzwa,” a amba. “Ndo ḓou guda uri thundu dzi itiswa hani, u wana vharengi, nau ḓivha uri ndi rengisa hani zwibveledzwa zwanga. Hovha na dzi khaedu, fhedzi dzangalelo ḽanga ḽo ḓou nṱuṱuwedza uri shuma ndo ḓi funga kha zwithu zwanga,” a engedza. 

Vha muṱa wawe vho ḓivha thikho yawe kha u bvelela hawe. “Muṱa wa hashu vhovha thikho yanga kha zwoṱhe na lwendo lwanga,” a amba. “Vha nthusa nga u paka thundu dzine dzavha dzo rengiwa, hone khaladzi anga a thusa ngau isela vhathu thundu dzavho. Ndi mushumo wa thanganyelano,” a amba. Thikhedzo iyi yo mu thusa kha bindu ḽawe uri a bvele phanḓa na bindu ḽawe naho ovha atshi khou ṱangana na dzi khaedu.

Zwine zwa ita uri ḽimaga ḽa Mukololo ḽi ḓi sendeke kha zwa mvelele ndi tshifanyiso tsha ḽimaga iḽi, hune ha fanyisedzwa zwanḓa zwa muthu a tshi khou losha, zwine havha vhubvo ha Vhutshilo. “Mukololo i tou vhesa tsinisa na mbilu yanga. I sumbedza hune nda bva hone,” a engedza.

Zwenezwo bindu ḽi tshi khou aluwa, lwendo lwovha lu songo leluwa. “U bvisa muhumbulo khauri uvhe zwithu zwa ngoho zwia konḓa,” a amba. “Ndo ṱangana na dzi khaedu nzhi, fhedzi ndo guda kha khaedu idzo dzoṱhe hone athingo laṱela thaula kha zwoṱhe,” a engedza.

U khetea ha thundu dzawe ndi zwone zwe zwa thusa khauri bindu ḽawe ḽi aluwe. “Asi sia ḽine ḽo dala vhathu, hone izwo zwo nṋea tshikhala tshauri ndi kone u aluwa. Zwa zwino, ndo lavhelesana nau aluwa ndavha khwine kha bindu ḽanga,” a amba. Ndoro yawe ndiu swikisa Mukololo kha maṅwe mashango a nnḓa hone o vula na vhengele ḽine ha rengiswa thundu dzawe hone nga vhunzhi hone e na vhashumi vhane vha paḓa ḓana fhasi hawe.

Date:02 October 2024

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology. He is passionate about current news and international affairs. He worked as part of the Zoutnet team as an intern in 2017. He is currently a freelance journalist specialising in news from the Vhembe district.

Read: 180