Vho Netshiunda vha ṱomba mahafhe u ḓi unḓa.

Tshiṱori nga Victor Mukwevho. Ṱhalutshedzo nga Khathutshelo Raliphaswa.

Nga nwambo wau kundelwa u wana mishumo kha sekhithara dza phuraivethe na hone muvhusoni, Vho Mashudu Steven Netshiunda vha bvaho kha muvhundu wa Khubvi vha miṅwaha ya fuiṋa-mbili, vho ḓou ḓi imisela khau lwa na vhushai uri vha kone u ḓi unḓa. Vho Netshiunda vho humbela u gudiswa u ṱomba mahafhe uri vha kone u rengisa u itela u ḓi unḓa na muṱa wavho. 

Nga mvelele ya Vhavenda, mahafhe a ṱombiwa nga vhafumakadzi fhedzi, fhedzi nga nwambo wa khaedu dza ikonomi dzine vhathu vha khou ṱangana nadzo u mona na Afrika Tshipembe, na vhathu vha vhanna vho no thoma u ṱomba mahafhe. Nga murahu ha uri mmane wavho vha tende u vha thusa, zwo tou dzhia miṅwedzi miraru fhedzi uri vha kone u ṱomba mahafhe nga nḓila yone. Zwa zwino vha touvha tende khau ṱomba mahafhe ane a takalelwa nga lushaka lwa Vhavenda.

Musi vha tshi vhudziswa arali vhanwe vhanna vhatshi vha sedza nga nḓila isi yavhuḓi sa izwi hu vhone vhe vhoṱhe vhane vha ṱomba mahafhe, vho amba zwauri vhaṅwe vhanna vha swika kha hune vha ita na u vha sea, fhedzi vhone vho sedzana nau ṱhogomela muṱa wavho u fhira u sedza zwine vhathu vha khou amba nau koleliwa ngazwo.

“Athina ndavha nauri vhathu vhari mini; tsha vhuṱhogwa ndiuri ndo ḓi sikela mushumo nne mune. Vhaṅwe vha vhathu vhe vha sea musi ndi tshi thoma zwa zwino vha khou ṱoḓa mishumo kha nṋe nau ṱoḓa u shuma na nne, fhedzi nne ndo dzhia tsheo yauri ndi shume na vhathu vhe nda thoma navho kha bindu ḽanga,” vha amba

Vho Netshiunda vha ya thavhani ngamatsheloni a ḓuvha ḽiṅwe na ḽiṅwe u reḓa khuni, vha tshi shumisa bara. “A zwingo leluwa u ṱomba mahafhe. Muthu u fanela u ṱanganyisa manzhanzha na mugayo nga nḓila yone, hone ha na mulilo u fanela u duga nga maanḓa. Arali mulilo u sa khou duga zwone, mahafhe ha nga ḓo ṱombea zwavhuḓi. Muthu u fanela u vhasa mulilo wa duga lwo linganaho,” vha amba

Vho Netshiunda vha khou ṱuṱuwedza na vhaṅwe vhathu vhane vha khou kundelwa u wana mishumo uri vha ḓi sikele mishumo vhone vhane. “Nau tshimbila muthu a tshi kulumaga miḓini ya vhathu ndi zwiṅwe zwa zwithu zwine muthu anga ita. Ari vhwe ri ye u shuma, “ vha amba.

Musi vha tshi vhudzisiwa arali ḽiṅwe ḓuvha vha tshi ḓo thusa u gudisa vhaṅwe vhana u ṱomba mahafhe, vho amba zwauri avha ngaḓo vhuya vha eletshedza vhana avho uri vha ṱombe mahafhe. “Hua fhisa fhethu hune ha ṱombiwa mahafhe. Hezwi zwi itiwa nga vhathu vhane avhana dziṅwe nḓila dza uḓi unḓa ngadzo. Ndi fulufhela uri ndi nne wau fhedzisela kha murafhu wa hashu wau ṱomba mahafha,” vha vhina.

Date:30 October 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 3