Vhaimbi vha gospel vho farana zwanḓa khau tikedza ‘Her Mantle Tour’

Tshiṱori nga Elmon Tshikhudo. Ṱhalutshedzo nga Khathutshelo Raliphaswa.

Vhaimbi vha muzika wa gospel fhano Limpopo vha khou lugisela bepha/lwendo ḽa muzika wa gospel. Bepha iḽo, ḽa Her Mantle Tour ndi ḽine ḽa ḓo thoma nga ḽa fumbili-ṱhanu Nyendavhusiku kerekeni ya Rhema Bible Church. Bepha ḽine ḽa ḓo farelwa fhano Venda ḽine ḽo lindelwa ḽa vhaimbi vha vhafumakadzi ndi ḽine ḽa ḓo farelwa kha kereke ya Christ Worship House ine ya wanala fhaḽa Shayandima nga ḽa fumi-ṱhanu (25) Ḽara ṅwaha uno.

Ndi lwendo lune lwa ḓo dalela ḓorobo dzine dza swika dza fumi-thihi u mona na Afrika Tshipembe, vha tshi khou ṱanganya vhaimbi makone vha vhafumakadzi u mona na Afrika Tshipembe. Vhaṅwe vha vhaimbi vha fhano hayani Venda ndi vhaimbi vhane ha katelwa Vhahangwele, Thabelo Thavhanyedza, Voice Mulaudzi, Maru Rahulani, Takie Sikhwivhilu, na Rinae Nemaa, ngeno kha vhaimbi vhane vha ḓivhea u mona na Afrika Tshipembe hu tshi khou katelwa Lebo Sekgobela, Ntokozo Mbambo, Hle, Mmatema, Chairo, na Rorisang Thandekiso.

Muṅwe wa vhalanguli vha lwendo ulu, Vho Patience Dagada kha bvaho kha DADO Communications, vho amba zwauri ndugiselo dza lwendo ndi dzine zwa zwino dzo no fhela. “Ro lugisela u ṱuwa hone ahuna ṱhahelelo ya tshithu.

Ro vhidza vhaimbi vha vhafumakadzi vhane vha funeswa nau tevhelelwa kha nḓowetshumo ya muzika wa gospel Afrika Tshipembe. Nga nnḓa ha vhaimbi vha u ḓivhea u mona na Afrika Tshipembe, vhunzhi ha vhaimbi vha bvaho Limpopo ndi vhane vha ḓo sumbedza vhukoni havho. Lufuno lune vhathu vha khou ri sumbedza ndi luhulu, hone ri na fulufhelo ḽauri hu ḓo ḓala husina na vhupfelo ha mare nga heḽo ḓuvha,” vha amba.

Vho Samantha Madzibane, muṅwe wa vhalanguli vho amba zwauri: “Bono na tshipikwa tsha lwendo holu ndi u kwama matshilo a vhathu nga kha ipfi nau losha murena hune vhathu vha tea u ṱanganya na vhaimbi na vhaṅwe vhathu ubva kha dzi tshaka dzau fhambana u mona na shango. Mutevhe wa vhafumakadzi fhedzi u sumbedzisa nḓila ya ndeme ine vhafumakadzi vha shela mulenzhe kha u reriwa nau kovhekana ha ipfi na fhungo ḽa Mudzimu hune havha hu tshi khou sumbedzwa na maanḓa, lufuno na tshilidzi tsha Mudzimu,” vha amba.

U wana zwiṅwe zwidodombedzwa nga vhuḓalo zwa lwendo ulu, vha kwama Khaya Sibanyoni kha nomboro dza (067) 030-6649, Zulu-Mngomezulu kha nomboro dza (067) 254-7675, Samantha Madzibane kha nomboro dza (073) 219-2662, kana vha kwama Patience Dagada kha nomboro dza (076) 170-3774, hevho ndi vhone vhathu vhane vha nga vha thusa u ḓivha zwinzhi nga holu lwendo.

Date:30 October 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 2