Zwikolo zwa Vhembe vho kunda kha mbambe dza Funda Mzantsi.

Tshiṱori nga Thembi Siaga. Ṱhalutshedzo nga Khathutshelo Raliphaswa.

Vhagudiswa vha swikaho vhaṱanu ubva kha tshikolo tsha nṱha tsha Elim High School vho dovha hafhu vha kunda kha zwiteṅwa zwa khanedzano dza Xitsonga khathihi na u sengulusa bugu dza Xitsonga. Mbambe iyo ya vhugwena ndi ye ya farelwa ngei George, kha vunḓu ḽa Western Cape hone ndi mbambe dza ṅwaha wa vhufumi-iṋa. Naṅwaha dzo farwa ubva nga ḽa fumbili-thihi u swika nga ḽa fumbili-ṱahe Khubvumedzi.

Vhagudiswa vha tshikolo tsha nṱha tsha Elim High ndi vhane ubva nga ṅwaha wa gidimbili fumbili-rathi vhovha vha tshi khou kunda kha mbambe iyi. Lwa u tou thoma, vha tshikolo tsha nṱha tsha Hluvuka High vho dzhia vhuimo hau thoma kha zwiteṅwa zwa khanedzano nau sengulusa bugu nga luambo lwa Xitsonga, ngeno vha tshikolo tsha Muthuhadini Combined vho dzhia vhuimo hau thoma kha tshiteṅwa tsha u sengulusa bugu ya Tshivenḓa. Vhagudiswa ndi vhe vha pfufhiwa nga dzi ṱhanziela na zwiphunga zwa khaphu.

Mbambe iyi ya vhugwena ha Funda Mzantsi i ṋea vhagudiswa vhugalatenga ho khetheaho kha vhafariwa vha dzi dzhele vhane vha dzhele zwa zwino uri vhavhe na therisano na dzi kiḽabu dza dzi bugu dza tshitshavha, zwikolo, na dzi yunivesithi husina zwi thivheli.

Vhagudiswa vha bvaho kha zwikolo zwa mavunḓu a ṱahe vha ambara zwiambaro zwa sialala nga zwifhinga zwa u bveledza dzi mbuno dzavho, zwine zwa thusa khau alusa vhuḓifulufheli havho.

Mbambe iyi i ḓivhelwa u alusa mvelele yau vhala, khanedzano, na nḓivho ya luambo Afrika Tshipembe, ndi ine ya khou bvela phanḓa nau sumbedzisa vhutsila nauḓi imisela ha vhagudiswa vhane vha dzhenelela kha mbambe iyi.

Xihlovo Maluleke, mugudiswa wa murole wa vhufumi ubva kha tshikolo tsha Elim High School, o amba zwauri: “Ro ḓalelwa nga dakalo, zwovha zwi songo leluwa u imedzana na vhaṅwe vhane vha bva kha mavunḓu ṱahe u mona na shango ḽashu ḽa Afrika Tshipembe. Lufuno lwanga khau vhala, zwine ndivha ndo ṱuṱuwedzwa nga makhulu anga, zwo nṋea maanḓa auri ndi shumise bugu dza tshivhalo u bvelela,”

Risima Makhubele, mugudiswa wa murole wa vhufumi na nthihi ubva kha tshikolo tsha Hluvuka High, o ṱahisa zwauri tshipikwa tshavho tshihulwane hovha u sedzulusa, u wanulusa, nau wana nḓivho kana tshenzhemo. Vho dzhenelela kha zwiteṅwa zwa Xitsonga ngauri luambo ulu lwa Xitsonga ndi luambo lwavho lwa ḓamuni hone vha pfa uri vha na maanḓa manzhi musi vha tshi shumisa Xitsonga.

“Ro ḓalelwa nga dakalo ngau kunda hashu hone ri livhuwa mudzimu. Hetshi tshikhala tsho ntsumbedza zwauri mvelele kana lushaka lwashu lwa vha Tsonga lu ḓisa tshedza kha shango. Ndo humela hayani ndi tshi khou ḓi kukumusa na uḓi rwa khana, uḓi wana ndo shela mulenzhe khau kovha nḓivho nga ha mvelele yashu na vhudzivha ha u pfesesa luambo lwashu ndo pfa zwi zwa ndeme,” a amba.

Vho Nkhensani Mnisi mugudisi wa tshikolo tsha Elim High, vho ṱahisa nga ha vhundeme hau alusa luambo nga kha u vhala, u ṅwala, nau peleṱa. “Ri khou ṱoḓa uri vhagudiswa vhashu vha dzhiele nṱha nyambo dzavho dza ḓamuni. Sa mulanguli wa kiḽabu ya dzi bugu, ndi na fulufhelo linzhi ḽauri vhanzhi vha ḓi ḓo dzhenelela uri vha kone u ṱuṱula u pfesesa havho, u fhaṱa vhuḓifulufheli nnau tumbula vhukoni havho vhune vha ngavha vha sa vhuḓivhi,” vha amba.

Date:21 October 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area. Thembi studied at the Tshwane University of Technology, where he completed his diploma in Journalism in 2021.

Read: 36