Vhathu vho sala na nyofho nga murahu ha u wa ha buroho ḽa Caltex, Ṱhohoyanḓou.

Tshiṱori nga Elmon Tshikhudo. Ṱhalutshedzo nga Khathutshelo Raliphaswa.

U wa ha buroho kana muratho wa Mphephu Drive fhaḽa kha ḓorobo ya Ṱhohoyandou vhege yo fhiraho zwi sia vhadzulapo kana vhaendanganayo vhe khomboni, zwihulu vhana vha zwikolo zwa tsini vhane vhovha vha khou shumisa buroho iḽo u rathela kha bada iyo ine ya dzulela uvha yo tsitsikanaho.

Buroho iḽo ḽa vhaendanganayo, line ḽa wanala fhaḽa tsini na hune ha ḓivhea khwine nga upfi tshiṱitshi tsha Caltex, hovha ho vala nga ḽa fumbili-malo Khubvumedzi nga murahu ha uri ṱiraka line ḽa hwala zwithu ḽi tshi swika afho la kwasha kana u thula buroho iḽo. U thuliwa kana u kwashea ha buroho nga ḓuvha iḽo ndi zwe zwa ita uri zwinwe zwipiḓa zwa hune vhathu vhovha vha tshi shumisa u tshimbila kha buroho hu we, zwe zwa ita nau tshinyadza dzinwe goloi dzine dzovha dzi tshi khou fhira nga tshifhinga itsho.

Muṅwe wa ṱhanzi vhe vha zwi vhona nga maṱo Vho Dzivhuluwani Mulaudzi vho amba zwauri tshiwo itsho tsho itea nga awara ya vhuvhili nga masiari. Vhari vhovha vha tshi khou tou bva u fhedza u shuma mushumo wavho wa ḓuvha kha linwe ḽa vhengele ḽa tsini hone vhovha vha tshi khou ṱavhanye la u namela bisi, ndi he vha pfa nga muungo une wa rasa afho burohoni.

“Ndo ḓou gidimela afho he tshiwo tsha itea hone nda swika nda wana tshinwe tshipiḓa tsha buroho tsho wa. Goloi tshena yovha yo tshinyadzwa. Hu sa athu u fhela mithethe isi mingana, ho ḓou swika vhaofisiri vha vhuendi vha thoma u shuma afho he buroho ḽa wa hone. Vha tshi ita nau laela vhareili uri vha shumise garatshi kana fhethu hune ha rengisiwa zwivhaswa ha Caltex musi vhe kati nau kulumaga afho he tshiwo tsha itea hone,” vha amba.

Zwiṅwe zwipiḓa zwa bada zwo ḓi dzula zwo vala u vhuya u swika nga Sondaha. Vhashumi vha masipala wa Thulamela vho ḓou bvisa zwipiḓa zwe zwavha zwo salela hanefho, hone buroho ḽo ralo u valiwa.

Tshinyalelo ndi ine yo ḓisa nḓaḓo husi kha vhareili fhedzi, fhedzi na kha vhaendanganayo. Vhagudiswa vha tshikolo tsha nṱha tsha Ṱhohoyanḓou vhovha vha tshi shumisa buroho iḽo ḽa Mphephu ḓuvha ḽiṅwe na ḽiṅwe musi vha tshi ya na u vhuya tshikoloni.

Buroho iḽo, ḽe ḽa fhaṱiwa nga ṅwaha wa 1995, ḽovha ḽi tshi ita uri vhaendanganayo vha dzula vha vhane vho tsireledzea lwa minwaha ine ya swikelela ya furaru. Khombo yo tou vhonala tshoṱhe vhege yo fhiraho musi vhagudiswa vho ḓi vhonala vha tshi khou buḓa bada, zwe vhovha vha khou sumbedza vhe na nyofho, hone vhareili vhovha vha tshi khou ita nau lingedza u vha ṋea zwikhala zwau fhira.

Muṅwe wa vhagudiswa vhe vha kwamea hovha Gundo Sadiki ane a bva Itsani, we a ḓou ṱahisa u vhilaela nga ha tsireledzo yavho sa vhagudiswa vhane vha shumisa bada iyo. “Huvha ho Tsitsikana, zwine zwa tou vhilaedzi zwihulu ndi uri na dzi goloi zwiṅwe zwifhinga a dzi imi zwine zwa tou sumbedza uvha khombo kha matshilo a vhagudiswa. Hu fanela u itwa zwinwe nga ha fhungo heḽi. Ṱhanwe arali vha nga ḓisa vhaofisiri vha zwa vhuendi nga matsheloni na nga mathabama hune vhagudiswa vhavha vhe vhanzhi badani. Ndi vhona uri zwi nga thusa kha sia ḽa tsireledzo ya vhagudiswa, zwa sa ralo ri nga wana hu tshi khou thusiwa vhaṅwe vha vhagudiswa kha bada yenei,” a amba.

Muambeli wa masipala wa Thulamela Vho Ndwamato Tshiila vho khwaṱhisedza zwauri vho ḓivhadziwa nga ha tshiwo itsho he vha ḓou ya afho he tshiwo tsha itea hone. “Ro ḓou ṱavhanya u sedzuluse sa fhethu afho, ra wana na vha zwa vhuendi, fhedzi nga murahu, vhareili vho ḓou sudzulusela khalonwe gondo ngamurahu hauvhewa tswayo dzedzavha dzovhewa afho badani. Zwa zwino ro no bvisa zwiḽa zwipiḓa zwe zwa wa kha buroho ra ita nau vala buroho. Fhedzi naho zworalo, ahuna maano au lugisa buroho iḽo zwa zwino sa izwi zwovha zwi siho kha mugaganya gwama washu sa masipala,” vha amba.

Date:11 October 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 129