Mudzia u tzhipa wa Facebook, Mukovhe Makhavhu, o gwevhiwa matshilo mavhili e dzhele.

Tshiṱori nga Kaizer Nengovhela. Ṱhalutshedzo nga Khathutshelo Raliphaswa.

Mudzia u tzhipa vhafumakadzi na Vhana wa Facebook, Mukovhe Makhavhu, ane a ḓivhea khwine nga ḽa Elma Mutavhatsindi, o gwevhiwa matshilo mavhili e dzhele nga muhaṱuli Vho Ṱhogomelani Tshidada vha khothe khulwane ya Ṱhohoyanḓou. Tshigwevho itsho tsho ṋetshedzwa nga Lavhuvhili ḽa fumbili-mbili Tshimedzi khothe khulwane ya Ṱhohoyanḓou ine zwa zwino yo dzula fhaḽa Waterval, nnḓa nyana ha Louis Trichardt.

Nga ḽa fumbili-iṋa Lambamai uno ṅwaha, Mukovhe o wanwa mulandu malugana na milandu mina yau tshipa, muthihi wau ṱhasela nau ṱhasela lwa vhudzekani, na muṅwe wa u ṱangula. Mulandu we wa pfiwa khothe ya nṱha ya Ṱhohoyanḓou, wo ḓou fhiriselwa phanḓa uya kha ḽa raru Fulwi hu tshi itelwa thangeli dzau ṱolwa hau gwevhiwa.

Milandu ine ovha a khou senga khayo ndi ine yo itea nga ṅwaha wa 2021 dakani fhaḽa Phiphidi na tsini na mulambo wa Mutshindudi, kha zwiwo izwo ovha atshi kunga vhafumakadzi nga uḓi vhidza “muporofita” hone atshi shumisa zwileludzi zwa vhudavhidzani uri vhafumakadzi vhaḓe khae, hune a swika avha tzhipa nauvha ṱhasela.

Makhavhu o ḓou ṱanḓavhudza siaṱari ḽawe ḽa Facebook ngau vhudza vhathu nga ha vhukoni hawe, atshi fulufhedzisa vhathu uri uḓo vha ṋea thabelo dza mahala kha ṱhoḓea dzavho dzau fhambana atshi katela zwikhala zwa mishumo, u tandulula khaedu dza miṱani, na phodzo kha mathada avho. Hovha na tshifhinga tshe aha e na vhatevheli vhane vha paḓa zwigidi zwa ḓana kha vhudavhidzani ha Facebook.

Vha sa athu u netshedza tshigwevho muhaṱuli Vho Tshidada vho ḓou amba zwiṱuku na vhathu vhane vhovha vhe afho khothe, vho ombedzela nga ha vhuleme ha zwine Makhavhu a khou hwesiwa zwone. Vho amba zwauri vhutshinyi hoṱhe hovha zwithu zwine zwovha zwo tou dzudzanyiwa hone Makhavhu ovha asa sumbedzi sa muthu ane a khou pfela vhapondiwa vhanwe vhuṱungu naluthihi.

Vho Itani Nenguda, mudzulatshidulo wa foramu ya Real Men Foundation vho ṱanganedza tshigwevho sa uri zwi touvha u kaidzo kha avho vhane vha ngavha vha tshi khou humbula u huvhadza vhaṅwe. “SA dzangano kana tshiimiswa, ro takala nau rudzea dzi mbilu nga hetshi tshigwevho. Musi vho madzhisiṱiraṱa na vhahaṱuli vha tshi swika hune vha ṋea tshigwevho tshine tsha lingana na milandu, zwi takadza rine. Hezwi zwi ḓovha ngudo kha vhanwe khathihi na tsivhudzo kha vhanwe uri vhugevhenga avhudi badeli na luthihi,” vha amba. Vho Nenguda vho ita nau livhuwa vhathu vhoṱhe vhe vha shuma kha tsengo iyi, vha livhuwa na tshanḓa tsha mulayo.

Muṅwe wa vhapondiwa, vhe vha humbela usa bulwa dzina, vho amba zwauri vha pfa vho rulea nga zwe tsengo iyi ya tshimbila zwone. “Makhavhu ndi muthu ane a tea u dzula dzhele vhutshilo hawe hoṱhe. Ndo takala vhukuma uri tshanḓa tsha mulayo tsho vhonala,” vha amba. Vha engedza zwauri vha na fulufhelo ḽauri tshigwevho tsha Makhavhu tshi ḓo kaidza vhane vha khou pulana u ita zwiito zwine zwa fana na zwa Makhavhu.

Date:25 October 2024

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 11