Vha muṱa wa munna wea vhulawa vha khou ṱoḓa khuthadzo.

Tshiṱori nga Elmon Tshikhudo. Ṱhalutshedzo nga Khathutshelo Raliphaswa.

Ho no fhela miṅwedzi ine ya hovhelela ya rathi tshe ha vhulawa munna wa muvhundu wa Tshimbupfe Hanani nga nḓila ya tshiṱuhu, fhedzi na zwino vha muṱa vhari na zwino avha athu u wana masalela awe uri vha mu vhulunge nga nḓila ya khwine.

Nga madekwana a ḽa raru uya kha ḽa iṋa Lambamai ṅwaha uno, tshigwada tsha vhathu vho ḓou tevhela Emmanuel Mulaudzi, vha mu vhulaha, vha dzhia tshitumbu vha mu fhisela masimuni a tsini. Tshitumbu itsho tsho fhiswa u swika hune ho sala a sa ṱalusei sa izwi ovha o fhiswa ḽore.

Zwe zwa ṱuṱuwedza bulayo iḽo ḽa tshiṱuhu ndi zwine azwi athu u bvela khagala, fhedzi mavharivhari ea leleḓa u mona na muvhundu uyo hovha auri Emmanuel ovha e na vhuṱanzi vhune ha kwama ḽiṅwe bulayo ḽela itea kha muvhundu uyu murahu.

Vhahumbulelwa vhavhili, Ndivhuwo wa miṅwaha ya furaru-iṋa na Khakhathi Munarini wa miṅwaha fuiṋa-iṋa vho farwa malugana na bulayo ḽa Emmanuel. Zworalo vho no ḓi vhonadza khothe ya madzhisiṱiraṱa ya Vuwani luṋa, hune he vha fhedzisela uḓi vhonadza nga ḽa furaru Khubvumedzi, Musumbuluwo wo fhiraho. Mulandu wovho wo fhiriselwa kha ḽa fumi-iṋa Ḽara ṅwaha uno.

Musi vha tshi ḓi vhonadza khothe nga Musumbuluwo, zwigwada zwa vhathu vha tshivhalo vhovha vho bva nga vhunzhi vha tshi gwalaba vha tshi ya khothe u isa ḽiṅwalo ḽa mbilaelo dzavho. Nnḓa ha khothe iyo, khaladzi a Emmanuel, Vho Livhuwani Mulaudzi, vho amba zwauri khaladzi avho vho vhulawa nga nḓila ya tshiṱuhu nga maanḓa zwe zwa sia vha muṱa vhe na tshilonda tshine tsha ḓo lenga u fhola. “Ṱhoho yawe, zwanḓa, na milenzhe zwovha zwo bvisiwa. Zwe zwa hazwo sala hovha miḽorani fhedzi. Ndi kale ro lindela mvelelo dza dza DNA, uri ri kone u mu vhulunga na muya wawe u eḓele nga mulalo,” vha amba.

Vho Mulaudzi vho vhilaela vhari vha pfa unga vha khou lwa nndwa ine vho no kundwa kale. “Ro ṋea mapholisa zwidodombedzwa zwoṱhe, fhedzi na zwino, vhahumbulelwa kha bulayo ḽa khaladzi anga vha tshe nnḓa vha khou tshimbila zwitaratani. Hu na u fhiriselwa phanḓa ha tsengo, zwine zwa vhonala unga vhaofisiri vha khou kokodza milenzhe, zwinwe na zwinwe zwi nga itea. Zwine rine ra khou ṱoḓa ndi uri mulandu hoyu u ṱavhanye u tandululwa. Zwo no vhea mu tsiko minzhi kha rine sa muṱa, hune ra khou ṱoḓa khuthadzo uri ri rudze mbilu dzashu,” vha amba.

Mudzulatshidulo wa foramu ya tshitshavha ya vhupholisa, Vho Thomas Mabulele, vho amba zwauri vho dzhenelela musi khothe i tshi dzula khothe uri vha tikedze vha muṱa hone vha a vhiledzwa nga nḓila ine mulandu wa khou tshimbidzwa ngayo. Vho ṱahisa zwauri mapholisa vha khou ongolowa khau fara vhaṅwe vhahumbulelwa vhaṋa kha mulandu uyu.

“U lenga hau lungululwa ha ripoto yau ṱola tsho ḽaho mufu ndi ḽiṅwe fhungo ḽine ḽia vhilaedzi sa izwi zwi tshi engedza vhuṱungu kha vha muṱa na tshitshavha,” vha amba.

Date:08 October 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 163