Vho Magala Erick Mashamba ndi vho Dokotela Mashamba zwino

Tshiṱori nga Kaizer Nengovhela. Ṱhalutshedzo nga Khathutshelo Raliphaswa.

Vho Magala Erick Mashamba vha bvaho kha muvhundu wa Mukondeni vho pfufhiwa vhudokotela ha pfunzo kha zwa uvha mu shumela tshitshavha (social worker). Uvho ndi vhudokotela he vha vhu wana ubva kha Yunivesithi ya Afrika Tshipembe (UNISA). Vhuṱambo hau pfufhiwa dzi ṱhanziela na dzi digirii ndi he ha farelwa fhaḽa The Ranch Hotel, Polokwane nga ḽa ṱhanu Tshimedzi ṅwaha uno.

Vho Mashamba, mushumeli wa tshitshavha wa kale,vhane zwa zwino ndi mugudisi fhala gudedzini ḽa Yunivesithi ya Venda (UNIVEN). Vho thoma pfunzo dzavho tshikoloni tsha fhasi tsha Lotsha , Tshikhuthula vha ya u fhedzisa pfunzo dzavho dza tshikolo tsha nṱha fhaḽa Nahakwe. Vho ḓou ya u gudela zwa u shumela tshitshavha gudedzini ḽa Yunivesithi ya The North (UL) he vha wana digirii.

Vho ḓou ṱhaphudza pfunzo dzavho dza masiṱasi kha zwa vhulanguli ha Human resource Yunivesithi ya Rand Afrikaans vha fhirela gudedzini ḽa Yunivesithi ya Afrika Tshipembe (Unisa) he vha wana digirii yavho ya zwau shumela tshitshavha.

Kha nyambedzano, Vho Mashamba vho amba zwauri vha tenda zwauri ri khou tshila kha shango ḽine ḽo ḓala dzi khonadzeo. “Ni songo shumisa vhushai ha hayani u furalela zwa tshikolo na usa ṱoḓa u bveledza vhumatshelo havhuḓi, “ vha amba. Vho amba zwauri navho vha muthu vhane vha bva kha muṱa une ha shaiwa fhedzi vho shumisa magavhelo a pfunzo uri vha kone u bvela phanḓa na na ngudo dzavho.

Vho Mashamba vho engedza zwauri avhango ima nau guda, izwo hovha huu itela uri vha kone uvha ṱhuṱhuwedzo kha vhaṅwe kha buḓo ḽavho. “Ndo tea u ranga ndi phanḓa uri ndivhe tsumbo ya khwine yauri musi u na pfunzo, unga kona u bveledza zwithu zwa khwine,” vha amba.

Ngeletshedzo yavho kha vhaswa vhane vha khou ṱangana na dzi khaedu hovha yauri: “ivhani na ndoro, ni lindele ni lindele, nivhe na bono, zwisina ndavha uri zwithu zwi konḓa hani kana zwi vhonala zwi tshinga zwi ngasi itee. Lavhelesani zwihulu kha ngudo dzanu. Hu ḓovha na zwithithisi zwinzhi hanefha lwendoni, hune na ḓo lingea. Bono ḽi dzhia tshifhinga tshilapfu u bveledza fhedzi ḽavha ḽavhuḓi musi ḽono bvelela,”

Vho Mashamba vho ṱahisa u livhuwa havho kha muṱa wavho vhe vhavha tikedza khau bvelela havho hoṱhe. “U aluwa muḓini hune hovha husina zwinzhi zwovha zwi songo leluwa, fhedzi ndi takala ngauri ndo kona uzwi swikela,” vha amba.

Date:23 October 2024

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 13