Vho Eric “King of AfroSynth” Liphadzi vha tshe kha nḓowetshumo ya muzika.

Tshiṱori nga Victor Mukwevho. Ṱhalutshedzo nga Khathutshelo Raliphaswa.

Nga ṅwaha wa 1980, ramuzika a ḓivheaho Vho Eric “King of AfroSynth” Liphadzi vho ḓou ita ṱhanganyelano na dzi ṱhama vha vhumba bennde. Naho tshigwada itsho tsho swika he tsha ngalangala kha nḓowetshumo ya muzika, ramuzika vhane vha ḓi vhidza “King of AfroSynth” vho ḓou isa phanḓa nau bvisa nyimbo nga vhunzhi, zwihulu musi vhe fhasi ha ḽimaga kana dzina ḽa Mahosi.

Nga 2021, vha Mahosi vho ḓou bvisa aḽibamu ya u humbula Splash, ye vhathu u mona na ḽifhasi vha kona u hana vhuṱumanyi nayo, zwi tshi vusuludza muzika wa AfroSynth. U bvelela ha aḽibamu iyo ndi zwe zwa swikisa khauri huvhe na u rengiwa hayo ha vinyl ubva kha Vhalidzi vha mizika mabephani hune ha swika 1,500, zwe zwa ita uri vhuimo ha Mahosi huvhe ha Vhugala renga hau mona na ḽifhasi.

Aḽibamu yavho yau fhedzisela, ya Now or Never, yo anḓadzwa nga ṅwaha wa 2023, zwe ya swika khau rengiwa lwa vhuimo ha musuku nga vhege dza rathi fhedzi, zwine zwa sumbedza u bvela phanḓa ha uḓi imisela havho khau sika mizika.

Ubva kha uvha ramuzika wau sika muzika kha vhupo ha mahayani, uya kha uvha ramuzika ane a ḓivhea u mona na ḽifhasi nga muzika, tshiṱori tsha Mahosi ndi tsha dzangalelo na uḓi imisela, tshine tsha ṱuṱuwedza vhathu u mona na ḽifhasi.

Vho Eric Liphadzi vhe vha bebwa nga minwaha ya dzi 1970s fhaḽa Vuwani Dzwerani, vho ḓouvhamuthu vhe vha dzulesa fhethu hune ndi tsini na muzika vha tshe muṱuku. Musi vhe na minwaha ya fumi-mbili, vhovha vha tshi vho thoma u tamba zwilidzo zwau fhambana, hone musi vhe na minwaha ya fumi-ṱhanu, vhovha vha tshi vho imba nau tamba zwilidzo vhe na vhaimbi vha fanaho na Vho Thomas Chauke na Vho Roxley Masevhe.

Musi vhe kha miṅwaha ya vhukati ha 13 na 19 vhovha vha tshi dzulela u ita zwimangadzo, u katela u sika luimbo lwa bepha ḽa luimbo lwa lushaka vhe na 17 nau kandisa Lost Miami Boys vhe na 19, ulo ndi lwe lwa bveledzwa nga Vho Chauke. Izwo zwoṱhe ndi zwe zwa vha vulela dzi dza vhumatshelo havho kha nḓowetshumo ya muzika.

Nga 1990, budo ḽa Vho Liphadzi ḽo ḓou swika maṱhakheni musi vha tshi anḓadza aḽibamu ya Jekete Jekete, iyo ndi aḽibamu ye ya swika kha musuku hu saathu u fhela vhege dza rathi.

Ngau mutevhetsindo wa mvelele ya Afrika na mutevhetsindo wa musalauno, Mahosi vho kona u sika muzika une wa hulisa vhubvo havho nau pfukha mikano ya muzika wa Afrika. Vha tshi shuma na vhathu vha fanaho na Vho Ray Phiri, Rebecca Malope, Mac Alex, Mahosi vho kona u ṱuṱula vhukoni havho sa Mubveledzi na muṅwali wa dzi nyimbo.

Mushumo wavho sa rainzhiniara kha zwa miungo musi vhe Shwele Baba zwo sumbedzisa vhukoni havho khwine. Vhovha vha tshi ṱuṱuwedzwa nga mizika ine yo anḓadzwa nga minwaha ya 1980s na dzi 1990s, zworalo muzika wavho ndi une wa nga vhambedzwa na mizika ya Vho Dan Tshanda na Peta Teanet, fhedzi hu muzika wo khetheaho.

“Athi khou ita tshiṱongisa, fhedzi u khethiwa hanga, khathihi na vhambvumbvusi vha hayani nau mona na ḽifhasi, zwi sumbedza uri vhumatshelo hanga ndi vhune ho tshena u fhira na murahu. Zwezwi ndi tshi khou bvela phanḓa nau sika zwithu zwiswa, ndi ḓo dzulela u takalela mvelele yanga ya Afrika nga kha muzika, zwi tshi sumbedza uri lwendo lwanga lu kule nau fhela,” vha amba.

Date:23 October 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 14