Mugudiswa wa Mbilwi o kunda kha mbambe ya maḓi na mabunga ya WSEP.

Tshiṱori nga Silas Nduvheni. Ṱhalutshedzo nga Khathutshelo Raliphaswa.

Nzumbululo Tondani, mugudiswa wa murole wa vhufumi na vhuvhili kha tshikolo tsha nṱha tsha Mbilwi, o takadza dzingu na vunḓu ḽa Limpopo ngau angaredza ngau kunda kha pfufho dza Water and Sanitation Education Programme (WSEP). Afho ndi he abva kha vhuimo ha u thoma.

Pfufho dzo netshedza vhakundi nga tshifhinga tsha vhuṱambo ha maimo he ha farelwa fhaḽa sentharani ya Anew Hotel & Convention nga Lavhuṋa ḽa, fumbili-rathi Khubvumedzi. Tondani o ḓou pfufhiwa gavhelo ḽa gudedzini, laptop, khathihi na yone tablet.

Mbambe ya WSEP ndi mbambe ya pfunzo zwikoloni ine ya tshimbidziwa nga muhasho wa vha muhasho wa maḓi na mabunga. Ndivho kana tshipikwa ndi u ṱuṱuwedza vhagudiswa uri vha kone u wana nḓila ntswa dza u khwinifhadza sekhithara ya maḓi na mabunga. Zwi dovha hafha zwavha zwau ṱoḓa u funza vhagudiswa nga ha vhundeme hau shumisa maḓi.

Kha nyambedzano na vha Limpopo Mirror, Tondani o ṱalutshedza zwauri ovha e muṅwe wa vhagudiswa vha fuṱhanu-iṋa vhe vhavha tshipiḓa tsha mbambe. Zwe zwavha zwi tshi khou ṱoḓea hovha ṱhanganyelano ya maraga dza murole wa vhufumi-na-thihi kha dzi thero mbalo na physical sciences.

Tondani o amba zwauri vhonkhetheni vha mbambe iyi u bva kha mavunḓu a ṱahe vho lingiwa nga muthihi-muthihi khathihi na nga zwigwada. Kha zwe vha lingiwa ngazwo, vho fanela u amba dzi mbuno kana makumedzwa nga ha u vhulunga maḓi hone vho ṋewa minete ya fumi-ṱhanu fhedzi nga ha vhundeme kana vhuleme ha maḓi.

Ṱhohoyatshikolo tsha Mbilwi, Vho Nyambeni Lidzhade, vho fhululedza Tondani kha u bvelela hawe. Vho dovha hafhu vha livhuwa nau rwela zwanḓa vhagudisi vhe vha thusa Tondani kha mushumo uyu wavhuḓi wau tikedza mugudiswa wavho nga dzinwe pfumbudzo nyengedzedzwa tshikoloni.

Date:14 October 2024

By: Silas Nduvheni

Read: 66