Vha muṱa vha khou vhilaedzwa ngau ngalangala ha Vhamusanda Vho Maṱodzi Ramabulana

Tshiṱori nga Elmon Tshikhudo. Ṱhalutshedzo nga Khathutshelo Raliphaswa.

Kha tshiwo tshine tsha shusha nau vhilaedza, murangaphanḓa wa sialala vho ngalangala vha sa ḓivhei uri vha ngafhi. Vhamusanda Vho Matodzi Nthakheni Ramabulana vha miṅwaha ya fuṱhanu, ubva Khakhanwa Mulenzhe nnḓa nyana ha Ṱhohoyanḓou, vho fhedzisela u vhoniwa nga Mugivhela wa ḽa mbili Ḽara nga matsheloni a awara ya vhuṱanu.

Ubva kha zwe ra wana, muthu we vha fhedzisela u amba navho hovha mufumakadzi wavho, vha tshi vhudzisa tshifhinga vha sa athu u bva vha songo amba hune vha khou ya hone. Vho ṱuwa vho ambara vhagi ineyavha dala, vhurukhu vhutswu, na mabutsu a mushumo.

Vho Tshililo Minica Ramabulana, vho amba zwauri vha muṱa vha khou vhilaela hone vho akhamala. “Ri vha ḓivha vhe muthu wau dzulela uvha vhe hayani vhane vha bva vhe na ndivho kana tshipikwa fhedzi. Vhovha vha tshi dzulela u bva vha ya mishumoni yavho vha vhuya. Naho vha tshi bva vha tshi ya u dalela mashaka, vhovha vha tshi vhuya. Hezwi zwo ḓa sa tshimangadzo kha roṱhe. Arina na muhumbulo wauri vha ngavha vhe ngafhi kana ho itea mini khavho,” vha amba.

Vho engedza zwauri vho vha ṱoḓa hoṱhe, vha vhudzisa vhathu vha tsini navho: mashaka, na dzi ṱhama, fhedzi ahuna he vha kona u wanala hone. “Ari ḓivhi uri ri ite mini zwa zwino. Vhathu vhoṱhe ro ḓaḓa nau tshuwa, lune zwa zwino ahuna mulalo muḓini. Ri ḽa hani ra eḓela nga mulalo ri sa ḓivhi uri muṅwe washu u ngafhi ngatshino tshifhinga?,” vha amba.

Vho Ramabulana vho amba zwauri vho vhiga u ngalangala havho tshiṱitshini tsha mapholisa tsha tsini hone rovha ri tshi khou ḓivhadziwa nḓila ine zwa khou tshimbila ngayo, zwine zwa vha ṋea fulufhelo ḽauri vha nga wanala. “Ri khou ita na khumbelo kha vhathu uri vha ri thuse u vha wana arali vhe na zwidodombedzwa zwa hune vha ngavha vhe hone. Vha nga kwama vha muṱa kha nomboro dza 063 101 6884 kana kha 076 154 9921,” vha amba.

Date:08 November 2024

By: Khathutshelo Raliphaswa

Khathutshelo Prudence Raliphaswa started her journey in the media industry by studying Media Consultancy at Boston College in 2018. She continued her studies in journalism at IIE Rosebank College and graduated in 2022. Her passion is to be creative with words and tell stories in a more detailed way. She started as an intern at Limpopo Mirror in 2023 and is primarily responsible for the translations into Tshivenda..

Read: 10