Mativha a Dzanani o xa

Tshiṱori nga Maanda Bele. Ṱhalutshedzo nga Khathutshelo Raliphaswa.

Vhadzulapo vha muvhundu wa Nzhelele vha khou lila zwi tshi tevhela u xa ha mativha a Vhamusanda Vho Khathutshelo Sydney Mamuha. Vho dzama nga Lavhuraru ḽa furaru Tshimedzi, nga murahu hau tshenzhema biso ḽa tshifhinga nyana. Vhamusanda Vho Mamuha, vhovha vhe murangaphanḓa vhare na vhuthu na vhuuḓi imisela khau shumela vhathu, hone ha vho rangaphanḓa Dzanani lwa miṅwaha ya malo yo fhiraho.

Vhamusanda vho bebiwa nga ḽa rathi Ṱhangule nga ṅwaha wa 1982 fhaḽa vhuongeloni ha Chris Hani Baragwanath. Vhe dzhinda ḽa Vho Piet Mulatedzi Mamuha na Vho Mabel Radebe. Vho ḓou aluselwa kha ḽa Nzhelele, he vha thoma ngudo dzavho dza fhasi tshikoloni tsha Dzanani Junior Primary na Nzhelele Senior Primary. Vho ḓou ṱhaphudza maṱiriki tshikoloni tsha nṱha tsha Mphephu. Nga hone u ṱoḓa u bvela phanḓa na ngudo dzavho, vho ya vha gudela zwa administration na khomphiyutha kha ḽiṅwe ḽa magudedzi.

Kha zwa sia ḽa mishumo vho thoma buḓo ḽavho vha tshi shuma kha iṅwe ya dzi feme dza zwa mulayo, vha ḓou ya u shuma vhuongeloni ha Siloam nga Ṱhafamuhwe 2009 sa mulanguli wa zwa ofisi kha zwa tshumelo dza shishi. Vha tshi ḓivheliwa vhuthu havho na uri vhathu vhovha vha tshi nga dzulela u ḓi tika ngavho, vhovha vhe mushumisani a funeaho na uvha na vhuhone havhuḓi,. Vhuḓi havho afho vhuongeloni ndi vhune ho bvela phanḓa u swika vha tshi dzama, zwe zwa sia tshikhala tshine tshavha tsha ndeme vhukati ha vhashumisani.

Nga ṅwaha wa 2015, zwi tshi tevhela u dzama ha mune wavho, vho ḓou dzhia vhuḓifhinduleli hoṱhe hau shumela vhathu vha Dzanani. Ubva nga 2016, vho ḓou shuma sa murangaphanḓa wa sialala lwa tshiofisi.

Vhamusanda vho sia mufumakadzi wavho Vho Khathutshelo Mamuha (Sintsha), vhe vha vhingana nga 2016 Luhuhi. Vhe vhoṱhe vhovha vha tshi dzulela u takala hone vho fhaṱutshedzwa nga vhana vhavhili: Phophi Mamuha wa miṅwaha ya sumbe na Mudodzwa wa miṅwedzi ya miṋa fhedzi. Vho dovha hafhu vha sia mukomana wavho, na vha muṱa, vha ḓo dzulela u elelwa sa thikho ya muṱa na tshilidzi.

“Vhovha vhe murangaphanḓa vha songo ḓoweleaho; vhovha vhe na ndavha zwa ngoho hone vha tshi dzulela uvha hone musi vha tshi ṱhogea,” hu amba muraḓo wa tshitshavha. Vhaṅwe vho amba Vhamusanda Vho Mamuha sa Vhamusanda vhe vhavha vho tshi lila na muthu unwenamunwe hone vho ḓi nekedzela tshoṱhe kha mishumo yavho, vhari vho ḓisa vhuthihi vhukati ha vhathu na mulalo kha vhathu vhe vhavha vha tshi vha shumela.

Mushumo wa tshihumbudzo khathihi na mbulungo zwo farwa nga Lavhuraru ḽino ḽa rathi Ḽara. 

Date:08 November 2024

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology. He is passionate about current news and international affairs. He worked as part of the Zoutnet team as an intern in 2017. He is currently a freelance journalist specialising in news from the Vhembe district.

Read: 15