Mushumo wa R308 Thavhani Retail Park.

Tshiṱori nga Silas Nduvheni. Ṱhalutshedzo nga Khathutshelo Raliphaswa.

Vhuṱambo hau ta u thoma ha mushumo wa Thavhani Retail Park wo fariwa nga Lavhuraru ḽa fumbili-raru Tshimedzi. Mavhengele tserekano uho huswa ndi hune ha wanala fhaḽa Thavhani City Precint, tsini na Builders Market fhaḽa Muledane, hune havha nnḓa nyana ha Ṱhohoyanḓou.

Vhuṱambo uho ho dzhenelelwa nga MEC vha muhasho wa mveledziso ya ikonomi, vhupo, na vhuendelamashango (LEDET), Vho Tshitereke Matibe, Thovhele Vho Nkhaneni Ramovha, neḓorobo vha masipala wa Thulamela Vho Thongozwidivha Rambuda, khathihi na mulanguli mutshimbidzi vha Flanagan & Gerald, Vho Paul Gerald.

Mushumo uyu une wa ḓura masheleni a paḓaho u dovha na mavhengele tserekano hune havha ha mavu a tshipiḓa tshine tsha swika 13,500 square metre. Hu ḓovha na mavhengele a swikaho 28, na Shoprite na Boxer. Fhethu afho ndi hune ha khou lavhelelwa u vula nga ṅwedzi wa Tshimedzi ṅwaha u ḓaho.

Vha tshi khou amba kha vhuṱambo uhu, MEC Vho Matibe vho amba zwauri mveledziso iyo yo dzhia minwaha ire na tshivhalo u bveledzwa. Vho engedza zwauri vho dzhenelela khauri hu waniwe mavu nga 2015. Vho Matibe vho amba zwauri kha vhupo ha Vhembe, hovha hu na mavu ane anga shumiswa u bveledza.

Ṋeḓorobo vha masipala wapo wa Thulamela Vho Rambuda vho ṱahisa zwauri hafha fhethu ndi mveledziso khulwane, hune ha anana na bono ḽine vhavha naḽo sa ḓorobo ya Ṱhohoyanḓou ḽine ḽa fanela uvha ḽono bveledzwa nga 2025.

Vho Thovhele Vho Nkhaneni Ramovha, mulanguli mutshimbidzi vha Ramangolwe – iṅwe ya dzi khamphani vhane vha khou shuma afha Thavhani Retail Park – Vho amba zwauri vho ḓi lugisela khau ḓisa mveledziso ya khwine kha dzingu ḽa Vhembe.

Date:06 November 2024

By: Silas Nduvheni

Read: 22