Rakonṱiraka muswa vho lamba mushumo.

Tshiṱori nga Kaizer Nengovhela. Ṱhalutshedzo nga Khathutshelo Raliphaswa. 

Vhadzulapo vha Hamavhunga na zwisi zwa tsini vhakhou gwa zwauri ra konṱiraka vhe vhavha vha tshi khou shuma kha bada ya khiḽomithara dza 3.7 ine yavha bada ya D3669 vha dzhie vhuḓifulufheli sa izwi vho lamba bada iyo musi mushumo u kati. Bada iyo ndi ya u bva Hamavhunga uya Phadzima kha vhupo ha Nzhelele.

MEC vha muhasho wa dzi bada, mishumo ya tshitshavha, na themamveledziso, Vho Ernest Rachoene ndi vhe vha netshedza mushumo wa bada iyo kha rakonṱiraka muswa musi vho dalela vhupo uho nga Lavhuraru ḽa fumbili-raru Tshimedzi nga ha mbekanyamushumo ya Dikgerekgere ine ya khou mona na vunḓu ḽa Limpopo.

Mushumo ndi une wovha wo thoma nga ṅwedzi wa Fulwi ṅwaha wo fhiraho, fhedzi mishumo ya ḓou ima nga murahu ha miṅwedzi ya malo. Konṱiyo, ine yovha i tshi khou ḓura masheleni a paḓaho miḽiyoni dza 39,yovha i tshi khou tea u fhela nga ṅwedzi wa Fulwi uno ṅwaha, fhedzi mushumo wa ima nga ṅwedzi wa Phando hone zwa zwino hu khou anganyelwa uri ho fhela mushumo une ndi 14%.

Uya nga ripoto ya vha dzhendedzi ḽa dzi bada Limpopo (RAL), Rakonṱiraka, vha First Class Fabrication, vhotutshela mushumo uyo nga ṅwedzi wa Phando vhasongofhedza. Ngeno huuri rakonṱiraka muswa weanewa mushumo, RAMM Construction, vho netshedzwa vhuḓifulufheli ha uri vha fhedzise mushumo kha bada iyo. Zworalo mugaganya gwama wau fhedzisa mushumo ndi hune ha anganyelwa u ḓura masheleni a R62.96 miḽiyoni.

Mavharivhari ndi ane a amba zwauri rakonṱiraka vha kale vho kundelwa u badela vhashumi vhe vhavha vhe fhasi havho khathihi na vhathu vhe vha vha vho tholiwa. Uya nga Vho Rachoene, mushumo uḓo dzhia miṅwedzi ya fumi fhedzi uri u fhele, hune vha khou lavhelela uri u ḓovha wo fhela nga Fulwana 2025.

Vho Rachoene vho ita khuwelelo na khumbelo kha vhadzulapo uri vha shumisane na vho rakonṱiraka kha mushumo uyu uri husivhe na u lenga u fhela ha mushumo uyu.

Vho Aubrey Tlapa, mune wa First Class Fabrication, vho fhindula ngauri vha ḓo dzhia sia ḽa zwa mulayo malugana na zwe vha RAL vha fhelisa konṱiraka navho zwi songo fanela. Vhari tshe tsha ṱuṱuwedza tsheo ya vha RAL hovha zwa polotiki. Vha dovha hafhu vha pomoka vha RAL uri ndi vhone vhe vha thithisa mushumo uyu.

Vha RAL ndi vhone vha khou ima khaḽauri khamphani ya Tlapa ndi vhe vha lamba mushumo lwa miṅwedzi ine ya fhira ya malo hone vha kundelwa u fhedza mushumo nga tshifhinga tshine vhovha vho tendelana khatsho.

Mudzulapo muthihi hanefho muvhunduni, Vho Pfarelo Masutha vho ṱahisa u nyama nga ha fhungo iḽi, he vha amba zwauri vhovha vhe na fulufhelo ḽauri mushumo u ḓovha wo no fhela zwa zwino. “Zwo tshinyala tshoṱhe, hone zwine zwa mbilaedzisa zwihulu ndiuri themamveledziso yovha i tshi vho tshinyala, zwino zwa touvha u tambisiwa ha masheleni,” vha amba.

Date:05 November 2024

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 16