Vho Owen da Gama vhari vha na pulane khulwane na thimu ya Vondwe XI Bullets.

Tshiṱori nga Frank Mavhungu. Ṱhalutshedzo nga Khathutshelo Raliphaswa.

Zwi tshi tevhela u khethwa ha Vho Owen Da Gama sa mugudisi muhulwane wa thimu ya Vondwe XI Bullets FC, Vho Da Gama vhari vha na fulufhelo loṱhe uri thimu yavho iḓo swikelela zwinzhi fhasi ha tshanḓa tshavho. Mugudisi wa kale wa Highlands Park vhovha muraḓo wa ḽigi ya ABC Motsepe vhege mbili dzo fhiraho.

Musi vha tshi vhudziswa nga ha pulane dza zwino na dza tshifhinga tshilapfu kha thimu iyi, Vho Da Gama vho ḓou ṱahisa zwauri thendelano yavho na mudzulatshidulo, Vho Phathutshedzo Siebe, ndi u fhaṱa thimu vho farana zwanḓa u vhuya u swika vha tshivha thimu ine ya vhonala khwine. Naho u alusela thimu iyi uya kha khaliga yantha ya Betway Premiership hu tshipiḓa tsha pulane dzavho, avhango tou dzhahela izwo. Vho ṱahisa zwauri vha ḓo shumisa maitele e a vha thusa u alusa thimu ya Mapate Silver Stars ubva kha ḽigi ya Vodacom uya kha divishini ya Absa Premiership kha minwaha ya vhufheloni ha 1990s.

Vho Da Gama, vhane vhovha vha tshi ḓivhea nga ḽa “Rubberdol” nga maḓuvha avho au tamba bola, vhovha mugudisi wau thoma wa vhupo havho vhe vha alusa thimu ubva kha divishini ya vhaṱuku uya kha ḽigi ya nṱha ya shango husa athu u fhela khalaṅwaha mbili. Vho ḓou engedza zwauri u aluwa vhatambi uya kha dzi rannke dza vhatambi makone musi vha tshe kati na thimu uri i aluswe ndi zwinwe zwa zwithu zwine vha khou ṱoḓa u bveledza. Avha mugudisi vha minwaha ya furathi-raru vho amba zwauri thimu yavho iḓo ḓala vhatambi vha hayani.

Naho vha tshi touvha na thimu iyi ya XI Bullets lwa vhege mbili fhedzi zwa zwino, mugudisi Vho Da Gama vho no ḓisa tshanduko ine ya vhonala kha thimu iyi. Thimu yavho yo kinda khavhugwena ha mbambe ya bola ya Mdledle mudavhini wa Phiphidi Guvhukuvhu nga Sondaha ya ḽa malo Khubvumedzi, he mugudisi Vho Da Gama vho ḓou huliswa nga pfufho ya tshiphuga na masheleni a paḓaho R1,500.

Vha sa athu u notha nga ṅwaha wa 1991, Vho Da Gama vho tambela dzi thimu dzi fanaho na Dynamos FC, VAC Beerschof, Derry City, Leed United, na Moroka Swallows, he vha kora zwikoro zwi paḓaho 49 kha mitambo ya 89. Buḓo ḽavho kha zwau gudisa ḽo thoma kha thimu ya Dynamos 1992, hone vho no langa thimu dza tshivhalo hu tshi katelwa TS Galaxy, Platinum Stars, na Orlando Pirates u swika nga ṅwaha wa 2022.

Date:16 September 2024

By: Frank Mavhungu

Frank is a Human Resources Manager at the Department of Public Works in Limpopo. He is the longest serving correspondent of the Mirror, having joined us at the end of 1990.  He mainly writes sports reports and resides at Tsianda Village. In 2004, Frank won the National Castle League Award, an award for the best reporter in the SAB league in South Africa.

Read: 83