Dr Maremela vho anḓadza bugu ya ngeletshedzo nga ha mbiti.

Tshiṱori nga Silas Nduvheni. Ṱhalutshedzo nga Khathutshelo Raliphaswa.

Arali vha tshi kundelwa u langa mbiti dzavho, muḓivhi vha zwa mutakalo vhane vha wanala fhaḽa ḓoroboni ya Ṱhohoyanḓou,Dr Vho Lutendo Samson Muremela,vha ngavha vhe na phindulo dza zwine ndi kale vha tshi zwi lila. Vho ṅwala vha anḓadza bugu yavho ya Words of Wisdom on Anger, ine yavha na ngeletshedzo dzavhuḓi khayo.

Dr Muremela vhari bugu yavho ndi ine yo ḓala u amba nga ha u langa mbiti dza vhathu.Vho amba zwauri mbiti ndi zwithu zwine zwo tendelwa kana u ḓowelea kha vhathu hone zwia langea. Vhari thaidzo ivha hone musi vhathu vha tshi kundelwa u langa mbiti dzavho vha thoma dzi khakhathi zwi songo tea hune hangavha hu mishumoni,hayani na kha tshitshavha zwine zwa tshinya nḓila dza matshilele na vhaṅwe vhathu.

“Mbiti dzi nga ita uri muthu apfe e kha vhuḓipfi vhune avhu langei hone vhure ha maanḓa, fhedzi heyi bugu iḓo vha thusa khau langa mbiti dzavho. Vhunzhi ha vhathu vho tshinyadza vhushaka na vhaṅwe vhathu, mabuḓo, nau vhulaha vhafunwa vhavho nga dzone mbiti,” hu amba Dr Vho Maremela.

Vho ombedzela kha ḽauri mbiti ndi zwithu zwine zwa tshenzhemiwa nga muthu muṅwe na muṅwe, fhedzi phambano ivha khauri vhathu vha fhindulisa hani khazwo. “Vhathu vha dzulela u amba nga ha u langa mbiti nau vhuḓiphfi havho, fhedzi mbiti ndi zwine vhanzhi vha balelwa u zwi langa,” vha engedza.

Kha bugu yavho, vha amba nga ha u ṱoḓa u funza vhathu nga ha u langa mbiti dzavho. “U langa mbiti ndi zwithu zwine muthu a tou zwi guda, u fana nau guda tshithu tshifhio na tshifio vhutshiloni sa u bika, u kuvha kana hone u tou reila goloi. A vha gude u langa mbiti dzavho mbiti dzi sa athu u vha langa,” vha amba.

Dr Vho Maremela vho no anḓadza bugu dza tshivhalo hu tshi katelwa Living a Healthy Life (2019), Why Men Die Younger (2020), Women’s Health (2021), Fundamental Truth of Success in Life (2023), na Common Questions Young People Ask (2024).

Bugu yavho yo anḓadzwa nga Dr Vho Muremela, ya khakhululwa nga Dr Vho Israel Mulaudzi.

Date:18 September 2024

By: Silas Nduvheni

Read: 28