Fhatuwani o takala u khethwa kha pfufho dza SATMA.

Tshiṱori nga Elmon Tshikhudo. Ṱhalutshedzo nga Khathutshelo Raliphaswa.

Ramuzika wa muzika wa sialala wa Tshivenda Fhatuwani Richard Mashele ndi munna ane o takala vhukuma. Izwi ndi ngauri aḽibamu yawe yau tou thoma ya Tshivenda ndi ine yo nangwa kha pfufho dza South African Traditional Music Awards (SATMA) naṅwaha.

Ane a ḓivhea nga ḽa Fhatu, asi kale o anḓadza aḽibamu yawe ya u tou thoma ya muzika wa sialala wa Tshivenda. Ṱhoho yayo, Vhomakhulu, yo khethwa kha tshiteṅwa tsha ramuzika/tshigwada tsha khwine kha muzika wa Tshivenda. Vhaṅwe vha vhoramuzika vhane a khou imedzana navho kha tshiteṅwa itshi ndi vhoramuzika Junior Sikheli na Papa Thile.

“Ndo takala vhukuma nau ḓalelwa nga vhupfi uvha ndo khethiwa kha pfufho idzi dza maṱhakheni. Iyi hovha aḽibamu yanga yau tou thoma kha muzika wa Tshivenda khathihi na uvha mushumo wanga wau thoma. U khethiwa hanga lwa u thoma vhukati ha vhoramuzika vha maḓana zwi amba zwinzhi kha nṋe,” a amba.

Fhatu u tenda zwauri vhadzudzanyi vha vhuṱambo uhu vho vhona zwinzhi khae hone zwine zwo khethea. “Hezwi zwo nṱuṱuwedza na kha mishumo yanga, hone ndo ḓi imisela u shuma ndo ḓi funga hone nga maanḓa uri ndi kone u bveledza muzika wa khwine kha vhathu nga mpho ye nda tou ṋewa nga ene mudzimu,” a amba.

Ramuzika uyu ane a bva kusini kwa Hatshikoneli, hune havha nnḓa nyana ha ḓorobo ya Ṱhohoyanḓou, asi muswa kha nḓowetshumo ya zwa muzika. Fhatu ndi ramuzika wa muzika reggae ane afho u ḓivhea khwine nga ḽa Jah Saint.

O thoma na buḓo ḽawe ḽa zwa muzika e na minwaha ya fumi-malo hone u na aḽibamu ya muzika wa reggae ine ya vhidzwa Born In.

Vhukoni hawe ho khetheaho kha zwau lidza keyboard na kaṱara zwo mu thusa uḓi sikela dzina kha iṅwe ya dzi kereke kusi kwahawe afho hune a dzula hone.

Date:17 September 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 32