Mudededzi wa kale vho ḓi wana vhe mupondiwa wau fhuriwa masheleni

Tshiṱori nga Thembi Siaga / GroundUp. Ṱhalutshedzo nga Khathutshelo Raliphaswa.

Mudededzi wa kale vha minwaha ya fusumbe-thihi ndi muṅwe wa vhathu vhare na tshivhalo vhe vha lozwa masheleni avho a mbulungo fhano Limpopo kha zwe vha fhurwa uri ndi dzi akhaunthu dzau vhulunga kha Thebe Investment Corporation.

Akhaunthu iyo ye vha vhulunga khayo masheleni yo ḓou wanuluswa zwauri ndi akhaunthu ya phuraivethe ya Vho Esrome Msindzu vha bvaho kusini kwa Mulamula. Fhedzi avho asi muthu vhane vha shuma afho The Investment Corporation.

Mudededzi avho, vhe vha hana u bulwa dzina, vho ṱalutshedza zwauri ho tou ḓa vhone vhane Vho Msindzu nga ṅwaha wa 2014, vhe vhavha fhurwa ngauri vhone vha shuma Thebe Stockbroking, hune havha tshipiḓa tsha Thebe Investement Corporation. Vhovha ṱuṱuwedza uri vha vhee masheleni avho a paḓaho maḓana a dzi rannda zwe vhone vho ḓou humbula uri ṱhanwe ndi ha u vhulunga masheleni a ndambadzo.

Thebe Inestment Corporation yo tumbulwa nga ṅwaha wa 1992, he mufaramikovhe muhulwane kana e eṱhe hovha Batho Batho Trust, tshikwama tsha tshitshavha tshe tsha na Vho Nelson Mandela, Vho Walter Sisulu na Beyers Naude sa vhalambedzi vhahulwane.

Mudededzi, vhe vha notha nga ṅwaha wa 2013, vhovha vha tshi khou ṱoḓa u shumisa maṅwe a masheleni avho a phensheni aulambedza pfunzo dza murwa wavho. Vho amba zwauri vho ḓou pfa nga vhaṅwe vhadededzi vha tshi amba zwauri vho vhulunga masheleni avho nga kha Vho Msindzu hone vho no vhuyelwa zwihulu.

Nga ṅwedzi wa Khubvumedzi 2014, vhone na murathu wavho vho ḓou fhelekedza Vho Msindzu uya banngani ya Capitec u vhea masheleni. Vho ḓou rumela masheleni ubva kha Capitec uya kha bannga ya Absa, he ha ḓou ṅwaliswa uri iye kha Thebe Stock Broking. Nga tshifhinga itsho, vho humbela Vho Msindzu konṱiraka ya u vhea masheleni, he vhavha fulufhedzisa zwauri vha ḓo rumela musi vho no wana thendelo mushumoni. Fhedzi zwe vhutoto.

Nga ṅwaha wa 2016 mathomoni, mudededzi avho vha kale vho humbela Vho Msindzu uri vha vha rumele manweledzo a ha u vhea havho masheleni sa izwi vhovha vha tshi ṱoḓa u ṱumbula maṅwe a masheleni ubva kha masheleni ayo uri vha kone u badelela murwa wavho mbadelo dza tshikoloni. Msindzu, vho ḓou thoma u vha isa ngei na ngei khathihi nau vha thudzela kule, he vhunzhi ha zwifhinga vhovha vha tshi tsima ṱhingokhwalwa yavho kana vha tou litsha ṱhingo dzavho.

Uya nga avho mudededzi, vho ḓou vhona uri ndi khwine vhaye u vhiga zwiito izwo mapholisani, fhedzi murathu wavho na vhaṅwe vhathu vhe vhavha vho no vhea masheleni avho kha tshikwama itsho vho ḓou imedzana na izwo, vha tshi ofha uri arali Vho Msindzu vha farwa, vha nga lozwa masheleni avho oṱhe. Vho Msindzu vho ḓou bvela phanḓa nau vha humbudza kana u ombedzela kha lwauri vha ḓo wanala masheleni avho murahu.

“Vho ri fhura nga vhunzhi,” vha amba.

Lwa minwaha ya malo yo fhiraho, mudededzi avha vha kale vho lingedzwa lure na tshivhalo u wana masheleni avho murahu ubva kha Vho Msindzu. Zwa zwino vha tenda zwauri avha ngaḓo vhuya vho wana masheleni avho murahu.

Vha Limpopo Mirror vho lngedza lure na tshivhalo u kwamana na Vho Msindzu uri vha kone ha uḓi fhindulela nga ha fhungo iḽi. 

Ṱhingo dza nga kha landline dze vha lidzelwa dzone a dzingo kona u swika khavho. Ndi he ha ḓou lingedzwa hafhu nga kha u shumisa WhatsApp.

Nga Ḽavhuraru ḽa iṋa Khubvumedzi, mbudziso dzo ḓou rumelwa kha Vho Msindzu. Mulaedza wo swika fhedzi usi vuliwe. Nga ḽa ṱhanu Khubvumedzi, vho ḓou vhudziswa hafhu kha kha WhatApp uri vha vhuise phindulo, fhedzi vhovha vho no buḽoka nomboro dza ramafhungo. Ho ḓou lingedzwa u shumisa iṅwe nomboro u kwamana navho, he naho mulaedza wo vulwa, nomboro iyo nayo yo dou bulokiwa. Vho Msindzu vho ḓou shandukisa na tshifanysio tshavho tsha vhune kha zwileledzi zwa vhudavhidzani.

Vha nyanḓadza Mafhungo ya Limpopo Mirror vho rumela mbudziso kha vha TSB Securities (kale yovha i Thebe Stockbroking), vha tshi vhudzisa nga ha u vhea masheleni ha mudededzi wa kale na u shela mulenzhe ha Vho Msindzu.

Kha u fhindula he havha hu na zwidodombedzwa zwinzhi, muofisiri muhulwane vha TSB Securities, Vho Saleem Symallin vho amba zwauri Vho Msindzu avha athu u shuma kha Thebe Investment Corporation kana TSB Securities zwayo.

“U rumelana masheleni huṅwe na huṅwe, arali hu hone, vhukati ha mudededzi na Vho Msindzu hovha hu u davhidzana vhukati ha vhathu vhavhili, hone vha TSB avha ḓivhi tshithu nga hazwo,” vha amba.

Azwi touvha khagala uri naa ndi vhathu vhangana vhane vho no lozwa masheleni avho ngau vhulunga masheleni kha akhaunthu ye vha vhona unga ndi ya Thebe Investment Corporation kana iṅwe ya dzi khamphani dzavho.

Nga ṅwedzi wa Lara ṅwaha wo fhiraho, Thebe Investment Corporation vho ḓou bvisa nyanḓadzo yau kaidza kha siaṱari ḽavho ḽa LinkedIn nga ha maitele a vhufhura ane a khou itea nga khau shumiswa dzina ḽa khamphani.

“Zwo swika kha vhorine uri hu na maitele au fhura vhathu ane a khou itea hune vha khou fhuriwa masheleni avho nga kha WhatsApp na zwiṅwe zwileludzi zwa vhudavhidzani ha nnyi n nnyi. Thebe Investment Corporation aina maitele a vhufhura kana tshanḓa kha zwine zwa khou ite hune vhathu vha fhuriwa masheleni avho e vha tou a shumela. Arali vhavha mupondiwa kha maitele aya, vha nga kwama vha mazhendedzi a mulayo uri vhavha thuse u wana masheleni avho murahu. “

Date:18 September 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 29