Vho Ravhura vho ṱhaphudza pfunzo dzavho kha vhudokotela ha pfunzo.

Tshiṱori nga Silas Nduvheni. Ṱhalutshedzo nga Khathutshelo Raliphaswa.

U aluswa kha vhupo ha mahayani fhaḽa Tshidongolwe kha vhupo ha Thengwe a zwingo thivhela Vho Tshiathu Ishamael Ravhura khauvha na ndoro dza khwine. Vho zwi limuwa vha tshe muṱuku uri pfunzo ndi yone khono yau vula zwikhala zwa khwine vhutshiloni, fhedzi zwa vha dzhiela minwaha minzhi uri vha kone u swikelela khau wana vhudokotela ha pfunzo.

Vho Ravhura vha minwaha ya furathi-raru vho khunyeledzwa PhD yavho kha philosophy ubva gudedzini ḽa Yunivesithi ya Venda (Univen) nga Lavhuṱanu ḽa sumbe Khubvumedzi. Ṱhoho ya ṱhoduluso yavho hovha “Enhancing Public Participation in Integrated Development Planning in a South African Rural-Based Local Municipality,” he ya lavheleswa khwine nga phrofesa Vho J Francis. Ṱhoḓisiso yavho, ye ya khunyeledzwa masiapala wapo wa Thulamela, yo lavhelesana nauri vhukule ha senthara dza tshumelo dzi thithisa nḓila dzau dzhenelela dza vhadzulapo.

Vho Ravhura vho bebwa Alexandra hune kale hovha hu tshi divhiwa nga ḽa Dark City, fhedzi vhabebi vhavho vha ḓou pfulutshela Tshidongolwe fhaḽa Thengwe, he vha ḓou ṱhaphudza pfunzo dzavho tshikoloni tsha Dimani Agricultural School. Vho ḓou ya u gudela vhudededzi nga ṅwaha wa 1988, he wa gudela dipuḽoma ya nṱha kha pfunzo nga ṅwaha wa 1995, na B-Tech Dip nga ṅwaha wa 1999, vho ḓou wana masiṱasi yavho nga ṅwaha wa 2010 hone nga ṅwaha wa 2013, vho ḓou wana PhD kha pfunzo. Vho guda kha magudedzi a Yunivesithi ya Johannesburg na Unisa.

Nga ṅwaha wa 2014, vho ḓou khethiwa sa minisiṱa wa pfunzo dza nṱha he vha shuma sa muraḓo wa khoro ya Vhembe Tvet College lwa minwaha miṋa. Ubva nga ṅwaha wa 2019 u swika 2023, vho shuma sa mudzulatshidulo wa college iyo. Vho Ravhura vho shuma sa muambeli wa masipala wapo wofaho wa Mutale hone zwa zwino vha shuma ofisini ya ṅeḓorobo ya Thulamela.

Vho ṱuṱuwedzwa nga vhathu vhaṱuku na vhahulwane uri vha tevhele zwa nḓivho. “Pfunzo a ina u guma ha minwaha. Muthu u fanela u shuma oḓi imisela uri a kone u swika nṱha. Nga zwifhinga zwa musi rine ri tshi khou aluwa, zwithu zwovha zwi tshi konda, vhabebi vhovha vha tshi kundelwa u kuvhangana masheleni o linganaho, zworalo muthu ovha asa koni u ita zwithu zwinzhi. Fhedzi zwa zwino,u guda zwo no leluwa sa izwi hu na magavhelo a pfunzo na vha tshikwama tsha ndambedzo ya masheleni ya matshudeni (NSFAS),” Vho Ravhura vha amba.

Date:16 September 2024

By: Silas Nduvheni

Read: 99