ADVERTISEMENT:

 
 

Ṱhoho: Murangaphanda wa thimu ya netball ya Tuks Phophi Nematangari. Tshifanyiso tsho bveledzwa.

Phophi wa Duthuni ndi murangaphanḓa wa thimu ya Baby Protea

 

Tshiṱori nga:  Kaizer Nengovhela. Ṱhalutshedzo nga: Khathutshelo Raliphaswa.

Muṅwe wa vhatambi vha mutambo wa netball u khou bvela phanḓa nau mangadza nau takalelwa nga vhathu vha kha shango ḽashu ḽa Afrika Tshipembe na vha u mona na ḽifhasi. Phophi Nematangari a bvaho kusini kwa Duthuni ndimulanga vhambi( mukaputeni) wa thimu yabola ya zwanda mbili, ya Yunivesithi ya Pretoria (Tuks) thimu yau thoma na thuimu ya lushaka ya vhaswa (Baby Proteas).

Phophi ndi mugudiswa wa ṅwaha wa vhuraru wa BCom, hone o thoma u tamba mutambo uyu atshe muṱuku. Nga ṅwaha wa 2021, o ḓou imelela Afrika Tshipembe kha mitambo ya vhaswa ya vha fhasi ha minwaha ya fumi-ṱahe ngei Lesotho. Afrika Tshipembe yo ḓou hukiswa nga vhuimo ha musuku kha mitambo iyo. Ṅwaha u ḓaho, Phophi uḓo dovha hafhu a imelela vhaswa vha fhasi ha minwaha ya fumi-ṱahe, hune thimu yavho ya ḓo tamba kha shango ḽa Malawi, hune ha ḓovha hu khou tamba thimu dza Afrika.

Nga ṅwedzi wa Ṱhafamuhwe ṅwaha uno, o rangaphanḓa thimu ya Afrika Tshipembe kha mitambo yau swikelela u tamba kha kha mitambo yau lwela tshiphuga tsha muṱaṱisano wa ḽifhasi wa mutambo wa netball wa 2025 ya vhaswa. Thimu ya Phophi yo ḓou swikelela u tamba kha muṱaṱisano uyo. O dovha hafhu a wana tshiphuga tsha uvha mutamba kati wa khwine nga tshifhinga tsha mitambo iyo.

Phophi o ṱahisa zwauri uri mutambo uyu wa Netball u aluwe sa minwe mitambo kha shango ḽashu zwi ḓo dzhia tshifhinga tshilapfu. Inṅwe ya dzi khaedu dzine vha ṱangana nadzo ndi uvha na zwikhala zwau ṱaṱisana na vhatambi vha maṅwe mashango. O bvela phanḓa a amba zwauri, kha minwaha ya murahu, mutambo wa netball wovha u sa neiwi zwikhala u fana na miṅwe mitambo u fana na mutambo wa bola ya milenzhe na rugby.

Kha Phophi, mutambo wa netball u fhira upfufha nga mimendele na zwiphuga, uri mutambo uyu u mu thusa kha u sedzana na ndivho dzine oḓi vhetshela dzone kha vhutshilo. “Zwe mutambo uyu wa ngudisa zwone ndi uri ndivhe muthu o khwaṱhaho nausa humbela pfarelo nga ha nḓila ine ndavha ngayo na zwine nda kona u ita sa muthu wa mufumakadzi,” a amba. Ndoro yawe kana zwine a ṱoḓa u swikelela zwone asi u ambara zwiambaro zwa mivhala ya musuku na mudala fhedzi uri a kone u ranga phanḓa thimu ya lushaka kha miṱaṱisano mihulwane. “Ndi Khuliso kha nṋe uvha murangaphanḓa wa thimu ya  Baby Proteas, na zwino ndi pfa ndi sa kholwi uri ndi nṋe. Ndi tshi aluwa ndovha ndi na muloro wau tambela thimu ya Baby Proteas, fhedzi uvha murangaphanḓa wavho zwovha zwithu zwe zwa swika ndi songo lavhelela. Ndi zwithu zwine na namusi athi zwi dzhieli fhasi,” a amba. ”

Phophi uri u ṱuṱuwedza vhaswa uri vha dzulele u lwela u wedza ndoro dzavho uri vha kone u vhuyedza kha mivhundu ine vha dzula khayo. “Vhaswa vha fanela u ṱutshela kule na zwidzidzivhadzi na zwiito zwa vhugevhenga uri vha kone udi lugisela uvha na mabuḓo ane aḓo vha vhuyedza kha matshilo avho.”

Phophi uri uvha na vhuḓifhinduleli kha zwine wa ita ndi zwa ndeme hone pfunzo ndi yone ya ndeme khau kona u bveledza vhumatshelo havhuḓi. “Vhane vha vha na vhukoni, vha fanela uzwi dzudzanya nga nḓila ine zwa tshimbila zwavhuḓi na pfunzo dzavho. Ani ngaḓo tamba mitambo vhutshilo hanu hoṱhe,” a vhina.

 

Date:23 April 2024

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 173

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT