ADVERTISEMENT:

 
 

Vho Rofhiwa Manwadu vho netshedza ṱhoho ya tshikolo tsha vhaholefhali tsha Grace and Love bugu yavho ntswa, Vho Gladys Tshivhase, kha vhuṱambo he ha farwa tshikoloni itsho. Tshifanyiso: Victor Mukwevho

Vho Rofhiwa Mmanwadu vho anḓadza bugu ya “I Can Because I Am  Able”

 

Tshiṱori nga: Victor Mukwevho. Ṱhalutshedzo nga: Khathutshelo Raliphaswa.

Muṅwe wa vhaholefhali vho bvelelaho kha masipala wa tshiṱiriki tsha Vhembe, Vho Rofhiwa Manwadu, vho anḓadza bugu yavho ine ya amba nga ha dzi khaedu dzine vhaholefhali vha ṱangana nadzo u mona na ḽifhasi. Bugu iyi, ine ya vhidzwa “I Can Because I Am Able”, i amba nga ha lwendo lwavho kha u tshila na vhuholefhali ha u huvhala mutshilitshili.

Vho Manwadu vho bebwa na vhuholefhali uhu, hone vhari hovha ho ḓala dzi khaedu musi vha khou aluwa, hu tshi katelwa na u xetshelwa nga vhudzulo vha tshe muṱuku. Musi vhe na minwaha ya rathi, vhari vho tshimbila vha tshi humbela thikhedzo kha vhathu nga u touya miḓini yavho u humbela thikhedzo iyo, vho ḓi shuma nau thusa vharengi nga uvha hwalela zwiḽiwa na mihwalo yavho, naho maṅwe maḓuvha vhovha vha tshi eḓela maḓakani husima na zwifuko. Naho vho ṱangana na khaedu idzo dzi konḓaho, vho kona u wana mushumo wa tshoṱhe kha masipala wapo wa Thulamela.

Kha bugu yavho vha amba nga ha vhurereli ha tshirema vhune ha amba nga ha maanḓa a vhafhasi. I amba nga ha usa kona u tshimbila ha Vho Manwadu vhe na minwaha ya rathi, he vha tshenzhema tshanduko nga murahu hau itelwa muphaso.

“I Can Because I Am Able” ndi bugu ine ya amba na muthu muṅwe na muṅwe, itshi sumbedzisa nga ha ḽiambiwa ḽauri nga udi nekedzela kha mushumo muthu ua kona u bveledza zwa khwine.

Vho Manwadu vho ḓi sikela dzina u mona na ḽifhasi musi vha tshi dzhenelela kha mitambo ya dzi oḽimpiki he vha kona u ṱangana na ramavili wa kale a ḓivheaho u mona na ḽifhasi Mohammed Ali na muphuresidennde vha kale vha ḽa Afrika Tshipembe, Vho Nelson Mandela.

Kha dziṅwe dza zwine vho no swikelela ndi u imelela shango ḽashu kha mitambo ya Pharalimpiki he vha swika kha mashango a fanaho na Germany, Sweden, Australia, Brazil, Italy, China na maṅwe mashango a dzhango ḽa Afrika.

 

Date:20 March 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 141

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles