ADVERTISEMENT:

 
 

Ramuzika a ḓivheaho wa tshingondo Zozo, o anḓadza aḽibamu yawe ye yavha yo lindelwa nga vhatevheli vhawe. Tshifanyiso tsho bveledzwa.

Zozo o anḓadza aḽibamu yawe ntswa.

 

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Lwa tshivhalo kha ṅwaha wa 2023, ramuzika wa muzika wa Rhumba (tshingondo) Joseph Mbiza, o fulufhedzidza vhatevheli vhawe aḽibamu. Fhedzi naho zworalo, o kundelwa u swikelela pfulufhedziso iyo. Aḽibamu iyi ye vhatevheli vhawe vhavha vhoi lindela, yo anḓadzwa nga Lavhuṱanu ḽa malo Thafamuhwe. Aḽibamu iyo i vhidzwa "Thavha Volume 18". Josheph ndi muimbi ane a ḓivhea nga ḽa Zozo kha nḓowetshumo ya muzika.

Iyi aḽibamu ndi ine ya tevhela aḽibamu ya “Volume 17 – Muvhango Africa”, ye ya anḓadzwa minwaha miṋa yo fhiraho. Thavha Vole 18 yo kanḓiswa nḓuni dza muzika dza Trutone ngei Harare, kha ḽa Zimbabwe, nga Jabulani Ndlovu, ya khwinifhadzwa nga Dave Segal wa nnḓu dzau kanḓisa muzika dza Forest Studio ngei Durban. Yo sikwa nga nyimbo dza malo hu tshi katelwa "Thavha", "Mufunwa wanga", na "Zimbabwe". Nyimbo dza Zozo ndi dzine dza amba nga ha sialala, hone dzi shela mulenzhe zwihulu khau khwinifhadza matshilo a vhathu.

Zozo uri khae u ṅwala muzika ndi zwithu zwine zwa dzhia tshifhinga tshilapfu. “Ndi imba nga ha zwine vhathu vha ṱangana nazwo ḓuvha ḽiṅwe na ḽiṅwe. Mulaedza uda kha nne, hone nda tea u u bvisela vhathuni hune miṅwe ya milaedza ya ḓisela vhathu dzi thandululo kha khaedu dzine vhavha vha khou ṱangana nadzo tshifhinga tshothe. Lwa minwaha nga hone u shumisa muzika, ndo no thusa vhaswa, vhaaluwa, na vhaṅwe vhanzhi kha khaedu dzavho. Ndi ḓo bvela phanḓa na mushumo uyu arali ndi khaḓi imba. Ndi ḓo dzulela u shumisa nḓila yanga yau bveledza milaedza nga kha muzika lwa minwaha i ḓaho,” a amba.

O engedza ḽauri u tswelwa muzika nga vhathu vhane vha u rengisa tshiṱaraṱani ndi khaedu ine vhaimbi vha khou ṱangana nayo. “Athi shumisi nnḓu dza u kanḓisa muzika dzine dzavha dzo itwa mahayani, hone idzi khulwane dzia dura. Ri kombetshedzea u xetshelwa nga masheleni nga hone u tswelwa mizika yashu,” a amba.

Uya nga Zozo, aḽibamu ntswa ndi ine ya ḓo nea vhathu vhane vha khou ṱoḓa u nyama ṱhuṱhuwedzo arali vha khou ṱangana na dzi khaedu. “Naho vha ḓi wana vhe fhasi ha mutsiko kha khaedu dzavho, vha songo nyama, hu na thandululo kha zwithu zwoṱhe,”a engedza.

Zozo u bva kusini kwa Chiredzi, Zimbabwe hone o swika kha vhupo ha Vhembe nga ṅwaha wa 1994. Ono dzula fhethu ho fhambanaho fhedzi muḓi wawe u Shayandima. Oḓi sikela dzina nga luimbo lwa “Ele Wanga”, na dziṅwe dze a sika na ulo luimbo. Muzika wawe u wanala kha zwileludzi zwa muzika zwoṱhe.

 

 

Date:19 March 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 174

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles