ADVERTISEMENT:

 
 

Murendi Vendaboy Poet o wina zwiphuga zwiraru kha pfufho dzau pembelela luambo Afrika Tshipembe dza PanSALB. Tshifanyiso tsho bveledzwa

Vendaboy Poet o wina zwiphuga zwiraru kha PanSALB

 

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Lutendo Evans Mugagadeli ane a ḓivhea khwine nga ḽa Vendaboy Poet ovha o ḓalelwa nga dakalo fulu kha pfufho dza luambo dza PanSALB dza ṅwaha uno dze dza farelwa Durban International Convention Centre nga ḽa fumbili-malo Luhuhi. Vendaboy Poet o wana pfufho  tharu kha vhuṱambo uho.

Ovha o nangiwa kha zwiteṅwa zwiraru, tsha u shumiwa luambo lwa damuni kha muzika he a wana vhuimo hau thoma, luambo na kushumisele kwa luambo lwa Tshivenda, he a wana vhuimo ha vhuvhili.Tshitenwa tsha vhaswa ngau angaredza he a wana vhuimo ha vhuraru.

Kha nyambedzano na Vendaboy Poet, ovha o ḓalelwa nga dakalo a tshi nwethuwa nau ḓalelwa nga dzi nduvho na khuliso kha vha PanSALB nga umu hulisa zwingafha-ngafha. O engedza uri pfufho iyi i dzhiela nzhele mushumo wawe sa mutsila nau kona u bveledza. Zwi dovha hafhu zwa khwaṱhisedza uri vhutsila hawe ndi nḓila yau vhulunga sialala ya lushaka lwa Vhavenda. “Izwi zwo alusa vhuḓifulufheli hanga kha uvha na vhutsila, u vuledzela vhaṅwe nḓila nau kovha nḓivho yanga na vhaṅwe vhane vha tevhela nne,” a amba.

Vendaboy Poet uri pfufho idzi na vhuṱambo hadzo ndi zwa ndeme khau vhulunga luambo. “Luambo ndi tshishumiswa tsha ndeme kha muthu muṅwe na muṅwe. Ndi nga  shumisa luambo hune ra kona uḓivha siala dzashu ngau fhambana hadzo,” a angedza.

Vendaboy Poet o bebwa Hanthabalala. O thaphudza murole wawe wa vhufumi-navhubili kha tshikolo tsha nṱha tsha Nthabiseng nga ṅwaha wa 2008, a thoma u ṅwala na urenda vhurendi atshi shumisa nyambo dza rathi dzine dzavha Sepedi, Tshivenda, Xitsonga, IsiZulu, IsiXhosa, na Luisimane. Ono pfufhiwa lwa tshivhalo kha vhurendi hawe, hu tshi katelwa vhurendi ha khwine kha pfufho dza muzika wa Tshivenda (TSHIMA) nga ṅwaha wa 2012 na murendi wa khwine kha pfufho dza muzika wa sialala wa Afrika Tshipembe nga 2018.

 

Date:13 March 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 166

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles