ADVERTISEMENT:

 
 

Rialivhuwa Nesthianda wa minwaha ya fumi-na-raru we a waniwa pherani yawe yau eḓela oḓi haṱula vhutshilo nga murahu ha uvha na khuḓano na muṅwe mugudiswa tshikoloni. Tshifanyiso tsho bveledzwa.

‘Ndi khou ṱoḓa vhulamukanyi.’

 

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Mme a ṅwananyana wa minwaha ya fumi-na-raru we aḓi haṱula vhutshilo nga udi nembeledza vhari ṅwana wavho ovha a ngasi ḓo vuwa oḓi haṱula vhutshilo arali ovha a songo dambudzwa lwamuhumbulo.

Vho Khuthadzo Vele vha bvaho Duthuni vho amba nga murahu hau lovha ha ṅwana wavho, Rialivhuwa Netshianda, we aḓi haṱula vhutshilo nga murahu ha uvha na khuḓano na muṅwe mugudiswa tshikoloni. Rialivhuwa ovha e mugudiswa wa murole wa vhusumbe tshikoloni tsha fhasi tsha John Marubini. Rialivhuwa o waniwa ngomu lufherani lwawe lwau eḓela a gidimiselwa vhuongeloni he a bulwa sa muthu asa tshilaho.

Vhuṱanzi he ha netshedzwa vha Limpopo Mirror vhu bvisela khagala uri Rialivhuwa ovha na khuḓano na muṅwe mugudiswa tshikoloni he Rialivhuwa a luma uyo muṅwe mugudiswa kha tshanḓa sa nḓila ya uḓi lamulela. Vho Vele vhari nga ḽeneḽo ḓuvha, mme a ṅwana uyo muṅwe vho ḓa muḓini wavho, vho fhelekedzwa nga ṅwana uyo vha tshi vha vhila masheleni au isa ṅwana wavho vhuongeloni sa izwi o lumiwa a vhaisala.

“Vho shushedza ṅwana wanga uri vha ḓo mu farisa mapholisani, naho o lingedza u humbela pfarelo. Ro vha ṋea masheleni a fuṱhanu wa dzi rannda. Naho zworalo, vhone vho ombedzela kha ḽauri vha ḓo farisa ṅwana wanga. Ndi tenda uri ṅwana wanga o balelwa uzwi imela, a ḓou ri livhadza ngauḓi ita muthu ane a khou ṱamba. Ro ḓou zwi vhona nga murahu onoḓi haṱula vhutshilo ra mu gidimisela vhuongeloni ha tsini mashudu mavhi avha ono lovha,” vha amba.

Vho Vele vho bvela phanḓa nau ombedzela uri ṅwana wavho oḓi haṱula vhutshilo ngau ofha u farwa lwa mulayo. “Ndi khou ṱoḓa vhulamukanyi kha zwe zwa bvelela. Ahuna nau pfela vhuṱungu he ndavhu vhona kha hevhela mufumakadzi. Ngavhe vhovha vhe na ndavha vhovha vha tshi dovha vho swika u ḓisa maipfi a ndiliso kana vho rumela muimeleli wa muṱa. Izwi zwi tou engedza vhuṱungu vhune ra khou vhupfa zwa zwino. Ri tou livhuwa vhane vha khou thusa nga hune vha kona,” vha engedza.

Muambeli wa mapholisa Vhembe W/O Vho Vuledzani Dathi vho khwaṱhisedza tshiwo. Vhari ho vulwa mulandu wau ṱoḓisiso tshivhangi hone ṱhodisiso dzi khou bvela phanḓa.

 

Date:11 March 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 245

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles