ADVERTISEMENT:

 
 

Mapholisa a madini vhe vha wana tshitumbu tsha Vho Laxon Madzingira vha Tshifunanani vhe vha nuvhela damuni ḽa Albasini na murwa wavho Effort Madzingira musi vhe kati nau rea khovhe. Tshifanyiso: Thembi Siaga.

Ho wanala zwitumbu zwivhili damuni ḽa Albasini.

 

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Munna vha minwaha ya fuṱhanu-malo, Vho Laxon Madzingira, na murwa wavho wa minwaha ya fumbili-malo, Effort Madzingira, vha bvaho kusini kwa Tshifulanani nnḓa nyana ha Ṱhohoyanḓou, vho ṅwela khothe nga Lavhutanu ḽau thoma Thafamuhwe damuni ḽa Albasini. Tshiwo itsho tsho bvelela nga madekwana a awara ya vhuṱahe vhuvhili havho vhoya u rea khovhe.

Uya nga vhuṱanzi he ravhu ṱanganedza, khotsi avho, na vharwa vhavho vhavhili vhovha vhoya u rea khovhe damuni. Ndi he khotsi na murwa muthihi vho ḓou sia muṅwe murwa, Spadon Madzingira, e tsini na damu. Mashudu mavhi, a vhango vhuya murahu he a sala o vha lindela vhusiku hoṱhe.

Vha Limpopo Mirror vho dalela he tshiwo tsha bvelela hone nga Sondaha, he mukwasha wa Vho Madzingira, Vho Gilbert Muzuru, vhari sa muṱa vha khou kundelwa u ṱanganedza masinḓambilu o bvelelaho muṱani wavho. “Ro ḓivhadzwa nga ha tshiwo nga murwa wavho Spadon. Zwe a amba zwo touvha masinda mbilu, zwihulu ngauri o vha lindela vhusiku hoṱhe vha sa vhonali. Khotsiawe vhovha vhe murei wa khovhe lwa minwaha. Zwa zwino ro tou salelwa nga dzi mbudziso dzauri naa ho bvelela mini khavho afho damuni,” vha amba.

Muambeli wa mapholisa a Vhembe W/O Vho Vuledzani Dathi vho khwaṱhisedza tshiwo, vhari mapholisa a Makhado vha khou ṱoḓisisa zwinzhi nga ha tshiwo itshi. Vho Dathi vhari tshitumbu tshe tsha thoma u wanala hovha tsha Effort, tshe tsha waniwa nga mudzulapo wa Tshitandani, Vho Hein de Jager, vhe vhavha vhoya u rea khovhe damuni ḽa Albasin. Vhari vho thoma nga u bvisa khovhe dze dzavha dzi kha mambule ngomu maḓini. Mambule ayo ndi ane vhathu vha a shumisa u rea khovhe zwi siho mulayoni.

 “Vhori zwenezwo vha khou bvisa mambule maḓini, vha vhona tshanḓa tsha muthu. Ndi he vha thoma u isa tshikepe tshavho tsini. Vhori vha tshi swika tsini vha wana tshitumbu. Vho ḓou founela tshiṱitshi tsha mapholisa tsha tsini vha vhiga tshiwo isthi. Mapholisa vho swika afho damuni, ha bvisiwa tshitumbu ngomu maḓini,” ha amba Vho Dathi..

Tshitumbu tsho ḓou iswa mutsharani wa muvhuso vhuongeloni ha Elim u ṱoliwa na u bvela phanḓa na ṱhoḓisiso. Vho Dathi vhari vha SAPS, EMS na mapholisa a maḓini vho ḓou vhigelwa tshiṅwe tshitumbu tshe tsha waniwa tshi tshi papamala damuni nga Sondaha. Tshitumbu itsho tshavha tsha Vho Laxon.

“Tshitumbu tshovha tsho no tshinyala, fhedzi ahuna zwiṅwe zwine ha humbulelwa uri ndi zwone zwo laho mufu. Ṱhoḓisiso dza mapholisa dzo ḓou bvisela khagala uri vhafu ndi khotsi na murwa,” hu amba Vho Dathi.

 

Date:11 March 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 229

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles