ADVERTISEMENT:

 
 

Mufumakadzi vhe vha vhulawa lwa tshiṱuhu, Vho Pfano Mpofu. Tshifanyiso tsho bveledzwa.

Ho waniwa mufumakadzi wa Gondeni vho vhulawa

 

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa. 

Mudzulapo wa Gondeni, Sterkstroom nnḓa ha Ṱhohoyandou, vho Pfano Mpofu vha minwaha ya  fumbili-ṱahe vho waniwa vho vhulawa lwa tshiṱuhu nga Musumbuluwo wa ḽa fumbili-rathi Luhuhi. Vho Mpofu vho waniwa vho eḓela tsini na bada ya mavu nga matsheloni a Musumbuluwo uyo, vha tshi bva malofha kha ṱhoho hune ha sumbedza vho tou rwiwa nga tshihali. Musi vha tshumelo ya shishi ya zwa mutakalo vha tshi swika afho, vho wana Vho Mpofu vho no lovha.

Muambeli wa mapholisa a Vhembe, W/O Vho Vuledni Dathi vho khwaṱhisedza tshiwo itsho he vhari Vho Mpofu vho waniwa tsini na kusi kwa Mangumane Nweli. Musi mapholisa vha tshi swika he tshiwo tsha bvelela hone vho wana muhumbulelwa ono shavha fhethu afho.  “Mupondiwa vhovha vhe na mafuvhalo a tshivhalo au ṱhavhiwa nga tshihali kha ṱhoho na khofheni,” vha amba.

Mmane wa mupondiwa, Vho Margareth Mphaphuli, vho ṱahisa ḽauri sa muṱa vho vhaisala vhukuma nga zwe zwa bvelela kha ṅwana wavho, vhari vha tenda uri mufarisi wa Vho Mpofu ndi ene ane anga ṋea vhathu vhuṱanzi vhu fushaho. Vhafunani vhovha vhe na vhana vhavhili vhe vha vha vha tshi dzula navho mudini wavho. “Vhushaka haavho vhavhili hovha ho ḓala dzi khuḓano. Ovha a tshi anzela u vhuya hayani  atshi lila nga u tambudziwa nga mufarisi wawe. Naho o vhuya, ovha a  tshi fhedza a humela muḓini wawe Hamatsika. Zwa zwino ovha o vhuya lwa tshoṱhe, ndi hone he a vhulawa lwa tshiṱuhu,” vha amba.

Murangaphanḓa vha muvhundu uyo Vho Mpho Nemukula, vhari vhadzulapo vho shushwa nau akhamadwa nga tshiwo itshi hone vho vhisala. Vhari vho tanganedza luṱingo vhe mavhengeleni  malavuwe he vha vhidziwa uri vha swike he tshiwo tsha bvelela hone. "Ro ḓou gidimela he tshiwo tsha bvelela hone ri na mme a mupondiwa. Tshiimo tshovha tshi tshishushaho sa iwi ro wana mupondiwa o eḓela kha tivha la malofha. Izwi zwo sia mme avho vha tshi tou khauwa mbilu lwe vha lila lu ṱungufhadzaho.”

Zworalo mapholisa vho vula mulandu wa bulayo hune vha khou ṱoḓana na Vho Avhurengwi Mukhathi uri vha ḓi vhonadze mapholisani kha tshiṱitshi tsha tsini navho sa izwi vha tshi humbulelwa uri vha nga vha ṋea vhuṱanzi malugana na mulandu uyu.

 “Ri khou ita khuwelelo na kha vhadzulapo vhane vha ngavha vhe na vhuṱanzi kha tshiwo itshi na vhane vha ḓivha uri Vho Makhathi vha ngafhi zwa zwino, vha nga kwama musedzulusi Vho sedzheni Rendni Peter Tshavhungwa kha 072 189 2544,” hu amba Vho Dathi.

 

Date:06 March 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 209

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles