ADVERTISEMENT:

 
 

Mabogisi a vhafu e a waniwa o lwaṱwa muḓini usa dzuli muthu Haravele. Tshifanyiso tsho bveledzwa.

Ho waniwa mabogisi a vhafu a rathi Haravele

 

Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa

Vhadzulapo vha vhupo Haravele, govha wa Sinthumule vho sala vho akhamala nga murahu hau wanala ha mabogisi a vhafu a rathi ane a vhonala o gwilulwa mavhiḓani. Mabogisi ayo o wanala muḓini hu sa dzuli muthu nga Lavhuṋa, ḽa u thoma ḽa Luhuhi.

Mabogisi ayo o waniwa nga vhalindi vha tshitshavha vhane vha shuma kha vhupo uho. Uya nga muṅwe wa tshigwada itsho, we a hana u bulwa dzina, vhovha vha khou enda vha tshi sedzulusa vhupo vhune ha humbulelwa uri hu vheiwa zwishumiswa zwo tswiwaho, ndi he vha wana mabogisi ayo vho kungwa nga lwefha lusi lwavhuḓi. “Ro ḓou wana mabogisi ayo. Ovha e si na tshithu nga ngomu, manwe a maswa fhedzi manwe ao ovha a tshi sumbedza ono shumiswa. Ovha o ḓala malofha, hone o ḓala mavu khao. Mavhili a mabogisi ayo ovha e a vhana, ngeno mana e a vhathu vhahulwane,” vha amba.

Muambeli wa mapholisa, Vho Sgt Tshifhiwa Radzilani vho khwaṱhisedza u wanala ha mabogisi ayo. “Zwine zwa ri mangadza ndiuri ahuna zwiwo zwe ra pfa nga ha u gwiwa ha mavhiḓa kha mivhundu yashu. Zworalo ari koni u thudzela kule fhungo ḽauri mabogisi aya a bva kha muṅwe muvhundu. Zwa zwino mapholisa vha khou bvela phanḓa na tsedzuluso,” vha amba.

Vhadzulapo vha humbulela na u ofha uri muvhundu wavho u ngavha wo ṱhaselwa nga vhaṱanguli vha mavhiḓa. “Ri khou lingedza u fhola hone ri fulufhela uri mapholisa vha ḓo kona u ḓivha vhubvo ha mabogisi ayo. Fhedzi mbudziso ine muṅwe na muṅwe avha nayo ndi yauri ho itea mini kha zwitumbu zwe zwavha zwi nga ngomu,” hu amba mudzulapo.

Uya nga Vho Sam Ntshauba, mudzulatshidulo vha dzangano ḽa vho ramimotshara Afrika Tshipembe, itshi asi tshiwo tsha u thoma u bvelela kha vhupo ha Vhembe. Vhari mavemu vha sedzesa matombo a vhafu a ḓuraho. Vha humbulela uri mavemu avha vha swika vha kunakisa matombo ayo hafhu vha konou a rengisa. Vho Ntshauba vha tenda uri vhoramimotshara vhapo, na vhathu vhane vha tholiwa ugwa nau kunakisa matombo, vha ngavha vhe vhone vhane vha khou gwa mavhiḓa.

Vho ita khuwelelo kha vhadzulapo uri vhavhe na vhusedzi kha u rengiselwa matombo na mabogisi a vhafu asa ḓuri, hone arali vha ṱangana nazwo vha fanela u isa muvhigo mapholisani nga tshihaḓu.

 

Date:12 February 2024

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 155

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles