ADVERTISEMENT:

 
 

Ramuzika wa Venrap Eazy SA we a anḓadza nyimbo yawe ya “Hune Rabva”. Tshifanyiso: KD Films.

Eazy SA o anḓadza nyimbo ntswa ya “Hune Rabva”

 

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Ramuzika wa muzika wa Venrap Bongani Mnisi a bvaho kakusi kwaha Mphego u khou aluwa kha nḓowetshumo ya muzika fhano hayani. Bongani Mnisi, ane a ḓivhea khwine nga ḽa Eazy SA kha nḓowetshumo ya muzika o anḓadza nyimbo yawe nga Musumbuluwo wa ḽa fumbili-mbili Phando, ine ya vhidzwa “Hune Rabva” na vidio ya nyimbo iyo. Nyimbo iyo hangoi imba e eṱhe, o ṱanganyelana na vhoramuzika vha ḓivheaho sa Mizo Phyll, Crosswavee, na Tendani. Nyimbo iyi ndi thangeli ya aḽibamu yawe ine ya vhidzwa Thetshelesani, ine yo vhetshelwa u anḓadzwa nga ṅwedzi wa Thafamuhwe.

A tshi vhudziswa nga ha zwe zwa mu ṱuṱuwedza kha u ṅwala nyimbo iyi, Eazy SA uri: “Holu luimbo lu amba nga ha u fulufhedzea kha vhushaka ha vhafunani. Lu amba nga ha mufumakadzi ane a ṱutshela munna ane a mu funa a tevhela are na masheleni, a hangwa nga vhushaka hawe na he vha bva hone. Ndi ṱoḓa u humbudza vhathu nga ha u sa ṱutshela zwithu zwavhuḓi vha tshi tevhela zwine vha tou tama lwa tshifhinga nyana. Nyimbo yanga yo tikwa nga zwine zwa bvelela hone vhathu vha khou amba nga ha zwine vhathu vha ḓi wana vho fhurea nga zwithu zwine zwa kunga vha hangwa zwa vhuṱhogwa,” a amba.

Muzika wa Eazy SA asi wa muungo u mbvumbvusaho fhedzi; u dovha hafhu wa ṱumanya vhathu, na lufuno, na tsheo dzine vha dzhia kha matshilo avho na masiandaitwa azwo.

Sa izwi tshiṱori tsha muzika uyu tshi tshi mbvumbvusa vhathu, Eazy SA u touvha tsumbo yauri muzika wa rap u fhira miungo ya muzika; ia dovha hafhu ya ṱalutshedza tshiṱori, ya dededza, nau sumbedzisa zwine ra ṱangana nazwo ḓuvha liṅwe na liṅwe. “Vhatevheli vhanga vha khou ṱahisa vhupfiwa havho, vhuḓipfi havho, na zwiṱori zwine zwa ṱumanya na nyimbo iyi. Asi nga ha u imba fhedzi; zwi dovha hafhu zwavha nga ha vhutshilo, vhushaka vhukati ha vhathu, na zwine vha ṱangana nazwo,” a amba.

 

Date:07 February 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 120

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles