Vho MC Mabasa vho pfufhiwa pfufho ya khuliso

Tshiṱori nga: Silas Nduvheni. Ṱhalutshedzo nga: Khathutshelo Raliphaswa.

Ramuzika wa muzika wa sialala ya Xitsonga Vho Risimati Morris Mabasa, vhane vha ḓivhea khwine nga ḽa MC Mabasa vho pfufhiwa nga tshiphuga tsha khuliso nga vhabveledzi vha Yi nhla, vho tikedzwa nga vha muhasho wa lushaka wa mitambo, vhutsila na mvelele. Vho pfufhiwa nga kha u shela havho mulenzhe kha u alusa muzika wa Xitsonga lwa minwaha yo fhiraho. Vhuṱambo ha dzi pfufho wo farelwa Gija Lifestyle Pub and Grill ngei Hamalamulele nga ḽa fumbili-na-raru Nyendavhusiku.

Vho MC Mabasa, vho bebwa vha aluswa kusini kwa Muswane Hamalamulele, he vha rangaphanḓa tshigwada tsha Shigombe Sisters, tshe tsha vhumbiwa nga ṅwaha wa gidiḓaṱahe fuṱahe, hune na zwino vha tshe murangaphanḓa watsho. Vho thoma u imba nga ṅwaha wa gidiḓaṱahe fumalo-raru, vha tshi ṱuṱuwedzwa nga vhoramuzika vha fanaho na Elias Baloyi na Vho Thomas Chauke. Tshigwada itsho tsho anḓadza aḽibamu yau thoma nga ṅwaha wa 1990, ya “Makhelwane”. Nga ṅwaha wa gidimbili fumbili-mbili Lara, tshigwada tshavho tsho pfufhiwa kha tshiteṅwa tsha tshigwada tsha khwine kha pfufho dza muzika wa Xitsonga. U swika zwino, vho no anḓadza aḽibamu dzi swikaho furaru-na-thihi, he vha fhedza nga aḽibamu ya “Joni a yi na nwinyi”, ye ya anḓadzwa nga 2023.

Vha tshi sumbedza dakalo ḽavho nga u pfufhiwa uhu, Vho MC Mabasa vho sumbedzisa uri tshe vha thoma lwendo lwavho kha muzika nga 1983, a vhaathu u ṱutshela kana u awela zwa muzika. Vho livhuwa vha muhasho na vha Yi nhla nga uvha ṋea khuliso iyi, vhari zwi sumbedza uvha muṅwe wa vhoramuzika vhane vhavha madzhakanḓila siani la muzika.

Vhari vha tama u pfumbudza vhaswa kha muzika, hu nḓila yau alusa muzika wa Xitsonga na mvelele yavho. “Vhaswa vhane vha takalela u guda kana u imba kha nḓuni dza u kanḓisa muzika vha nga ḓa afha Muswane hune vhadzula hone,” vha amba.

Vha tshi ṋea vhaswa ngeletshedzo vhane vha takalela uvha vhoramuzika, vhari ndi zwa ndeme u wana pfunzo nga ha zwine vha ṱoḓa uzwi ita, hone u bvelela zwavhuḓi kha nḓowetshumo iyi ndi khaedu ine vhanzhi vha ṱangana nayo ngau shaya nḓivho.

Date:16 January 2024

By: Silas Nduvheni

Read: 191